បន្លែជប៉ុន - វៀតណាមយកជំនះលើអ្នកប្រើប្រាស់

14/12/2017 00:01 GMT+7

ផ្តើមចេញពីគោលបំណងផលិតជាផលិតផលកសិកម្មស្អាត បងង្វៀនឌិញធេប (Nguyen Dinh Thiep) និងសហការីមួយចំនួនបានប្តេជ្ញាចិត្តអនុវត្តទម្រង់រូបភាពវប្បកម្មរបស់ភូមិ “មហស្ចារ្យ” Kawakami ជប៉ុន ដំណាក់កាលដំបូងសម្រេចបានជោគជ័យនិងយកជំនះលើអ្នកប្រើប្រាស់នៅទីផ្សារវៀតណាម។

បង ង្វៀនឌិញធេប (Nguyen Dinh Thiep) នាយកក្រុមហ៊ុនភាគហ៊ុនបន្លែ ផ្លែ មើម (បន្លែជប៉ុន-វៀតណាម) ឲ្យដឹងថា៖ “ក្រុមហ៊ុនយើងខ្ញុំមានសមាជិកមួយចំនួនបានទៅដល់ភូមិ Kawakami ផ្ទាល់ ដើម្បីសិក្សារបៀបធ្វើកសិកម្មស្អាត ដូចនេះបាននាំយកទម្រង់រូបភាពត្រឡប់មកឃុំត្រុងងៀ - Trung Nghia (ទីក្រុងហឹងអៀន - Hung Yen)។ ក្នុងនោះកសិករនៅខាងប្រទេសជប៉ុនបានពីគ្រោះឧបត្ថម្ភបច្ចេកទេស កូនពូជ និងម៉ាស៊ីនមួយចំនួន សម្រាប់យើងខ្ញុំងាយស្រួលក្នុងបទដ្ឋានផលិតកម្ម”។

ចំណុចលេចធ្លោនៃការដាំដំណាំបន្លែ ក្នុងកសិដ្ឋានបន្លែជប៉ុន-វៀតណាមនៅខេត្តហឹងអៀន (Hung Yen) ក្រៅពីធ្វើដីធ្លីហ្មត់ចត់ ដាក់ជីសរីរាង្គមួយលើក កូនពូជធានាគ្រប់ស្តង់ដារ ទើប ១០០% បន្លែដាំនៅលើថ្នាល សុទ្ធតែបានគ្របដណ្តប់ផ្ទាំងប៉្លាសស្ទិក ដើម្បីសំចៃទឹកស្រោចស្រប់ បង្កើនសមត្ថភាពក្រេបយកជីវជាតិនិងរក្សាសំណើមឲ្យបន្លែ។ “បច្ចេកវិទ្យាដាំបន្លែរបស់ជប៉ុនផ្សេងពីបទដ្ឋានរបស់វៀតណាម នោះគឺជនជាតិជប៉ុនធ្វើប្រព្រឹត្តិកម្មដីធ្លីមួយលើក ដាក់ជីរមួយលើក ដូច្នេះក្នុងបទដ្ឋានដាំបន្លែ ការធ្វើដីធ្លីមួយលើកអាចដាំបានពី២ដល់៣រដូវ” បងង្វៀនឌិញធេប (Nguyen Dinh Thiep) សង្កត់ធ្ងន់។

កសិដ្ឋានបន្លែជប៉ុន-វៀតណាម ប្រើប្រាស់ជីរសរីរាង្គពីប្រភពវត្ថុធាតុសរីរាង្គប្រពៃណី (លាមកសត្វចិញ្ចឹម) និងជីរគិមី
សម្រាប់ធ្វើឲ្យស្លឹកបន្លែមានភាពល្អស្រួយ និងសុវត្ថិភាពជូនអ្នកប្រើប្រាស់។

គ្រាប់ពូជបន្លែប្រពៃណីរបស់វៀតណាម បានបណ្តុះនៅកសិដ្ឋានបន្លែជប៉ុន-វៀតណាម។

ក្រោយពេលធ្វើដី ដាក់គ្រាប់ពូជ រាយអង្កាមពីលើផ្ទៃមុខថ្នាល មានឥទ្ធិពលធ្វើឲ្យផ្ទៃមុខដីផោះល្អ មិនហាប់ បន្ទាប់ពីស្រោចទឹករាល់តែលើក
ឬក្រោយពេលមេឃភ្លៀង។

បន្លែដាំនៅលើថ្នាល បានគ្រប់ដោយផ្ទាំងប៉្លាស្ទិក តាមទម្រង់រូបភាពនៅភូមិ Kawakami ដើម្បីរក្សាសំណើមជូនបន្លែ
បង្កើនសមត្ថភាពក្រេបយកជីវជាតិ កាត់បន្លយដីកខ្វក់ និងស្មៅព្រៃជូនបន្លែ។

ប្រព័ន្ធទឹកស្រោចមកពីប្រភពទឹកស្អាតនៅទីក្រុងហឹងអៀន (Hung Yen) បានដំណើរការលំនឹងនិងស្រោចស្របច្រើននៅពេលថ្ងៃក្តៅ
ដើម្បីមិនឲ្យបន្លែត្រូវស្រពោន។

បច្ចុប្បន្ន ក្រុមហ៊ុនមានដីជាង២ហិកតា ដាំបន្លែ ផ្លែ មើម ចំនួន២២ប្រភេទ គ្រប់ស្តង់ដារគុណភាពនិងផ្តល់បណ្ណទទួលស្គាល់ ។

ដាំស្ពៃខៀវក្នុងផ្ទះសំណាញ់តាមស្តង់ដារ VietGAP របស់ក្រុមហ៊ុនភាពហ៊ុនជប៉ុន-វៀតណាម អនុវត្តបច្ចេកទេសខ្ពស់ ជួយបន្លែនៅដាច់
ដោយឡែកពីសត្វល្អិតបង្កជំងឺ ឬទប់ស្កាត់ចំពោះអាកាសធាតុបម្រែបម្រួលខុសប្រក្រតី។

តំបន់ដាំបន្លែរបស់ក្រុមហ៊ុនបន្លែជប៉ុន-វៀតណាម ធានាបានលក្ខណៈវិនិច្ឆ័យទាំងប្រាំតាមស្តង់ដារកសិកម្មជប៉ុន៖ ពូជស្អាត ទឹកស្អាត
ដីស្អាត ដាក់គ្រាប់ពូជស្អាត ប្រមូលផលខ្ចប់ស្អាត។

បច្ចុប្បន្ន ផ្ទៃដី២ហិកតា នៅក្បែរផ្ទៃដីប្រពលវប្បកម្ម ប្រភេទបន្លែប្រពៃណីរបស់វៀតណាម ក្រុមហ៊ុនភាគហ៊ុនបន្លែជប៉ុន-វៀតណាម
នៅប្តូរវេនដាំប្រភេទបន្លែដូចជា៖ ស្ពៃសាឡាត ស្ពៃក្តោបបូគោមានប្រភពមកពីជប៉ុន។

បន្លែស្ពៃខៀវ ស្ពៃចង្កឹះ...។ល។ របស់ក្រុមហ៊ុនបានប្រមូលផលនៅពេលរសៀលជ្រេទៅ ឬពេលមិនទាន់មានពន្លឺព្រះអាទិត្យរះឡើង
ទើបធានាបានកម្រិតស្រស់ឆ្ងាញ់ក្នុងបទដ្ឋានរក្សា និងចែកចាយទៅដល់អ្នកប្រើប្រាស់។

ផលិតផលបន្លែរបស់ក្រុមហ៊ុនបន្លែជប៉ុន-វៀតណាម បានដាំទាំងស្រុងដោយមិនប្រើប្រាស់ថ្នាំការពាររុក្ខជាតិ កម្ចាត់ដង្កូវ កម្ចាត់ស្មៅព្រៃ
និងជីរគិមី ដូចនេះយើងអាចហូបភ្លាមនៅនឹងកន្លែង។

អ្នកឯកទេសជប៉ុនសង្កេតពិនិត្យ ណែនាំទម្រង់រូបភាពវប្បកម្ម បច្ចេទេសលេខ ថែទាំបន្លែឲ្យវិស្វករង្វៀនឌិញធេប (Nguyen Dinh Thiep)
ត្រឹនបាកឹន (Tran Ba Can) ក្នុងកសិដ្ឋានរបស់ក្រុមហ៊ុនភាពហ៊ុនបន្លែ ផ្លែ មើម ជប៉ុន-វៀតណាម រូបថត៖ ឯកសារ

ក្រុមអ្នកឯកទេសជប៉ុនសង្កេតពិនិត្យទម្រង់រូបភាព បទដ្ឋានវប្បកម្មបន្លែសាឡាតជប៉ុន ក្នុងកសិដ្ឋានរបស់ក្រុមហ៊ុនភាគហ៊ុន
បន្លែផ្លែមើមជប៉ុន-វៀតណាម។ រូបថត៖ ឯកសារ

សព្វថ្ងៃ ប្រព័ន្ធផ្ទះសំណាញ់ទូលាយ២ហិកតា របស់ក្រុមហ៊ុនភាគហ៊ុនបន្លែផ្លៃមើមជប៉ុន-វៀតណាម នៅតំបន់ជនបទទីញឡិញ (Tinh Linh) ឃុំត្រុងងៀ (Trung Nghia) (ទីក្រុងហឹងអៀន - Hung Yen) ស្ថិតនៅឆ្ងាយពីតំបន់ឧស្សាហកម្ម តំបន់ទីប្រជុំជន ដូច្នេះទើបធានាបានប្រភពទឹកស្រោចស្រប់ និងបរិយាកាសបរិសុទ្ធសម្រាប់ផលិតផល ធានាបានលក្ខណៈវិនិច្ឆ័យស្អាតទាំង៥ តាមស្តង់ដាកសិកម្មជប៉ុន៖ ពូជស្អាត ទឹកស្អាត ដីស្អាត ដាំស្អាត ប្រមូលផលខ្ចប់ស្អាត។

នៅក្បែរផ្ទៃដីប្រពលវប្បកម្មដាំប្រភេទបន្លែប្រពៃណីរបស់វៀតណាម ក្រុមហ៊ុនភាគហ៊ុនបន្លែផ្លែមើមជប៉ុន-វៀតណាម នៅប្តូរវេនដាំប្រភេទបន្លែដូចជា៖ សាឡាត សាឡាតពណ៌ស្វាយ ស្ពៃបូគោ ប៉េងប៉ោះផ្លែតូច...។ល។ មានប្រភពមកពីជប៉ុន។

ឆ្នាំ២០១៦ ក្រុមហ៊ុនប្រមូលផលបានរាប់រយតោនបន្លែផ្លែមើម ផ្គត់ផ្គង់ឲ្យផ្សារទំនើប និងហាងស្បៀងអាហារស្អាតនៅខេត្តហឹងអៀន (Hung Yen) ហាណូយនិងតំបន់ជិតខាង ទទួលបានប្រាក់ចំណូលជាង២ពាន់លានដុង ប្រាក់កម្រៃ៥០០លានដុង។ មធ្យម១ហិកតាដាំបន្លែផ្តល់បានប្រាក់កម្រៃ២៥០លានដុងក្នុងមួយឆ្នាំ។

ទោះបីមិនមានរូបរាងពីក្រៅជក់ចិត្ត មិនស្រស់ប៉ុន្មាន តែផលិតផលបន្លែរបស់ក្រុមហ៊ុនបានដាំទាំងស្រុងដោយមិនប្រើថ្នាំការពាររុក្ខជាតិ ថ្នាំកម្ចាត់ដង្កូវ ថ្នាំកម្ចាច់ស្មៅព្រៃ ជីរគិមី ដូចនេះយើងអាចហូបបាននៅនឹងទីកន្លែង។

បានដាំតាមបច្ចេកវិទ្យាជប៉ុន-វៀតណាម ដូច្នេះទើបតម្លៃខ្ពស់ជាងតម្លៃប្រពៃណីនៅលើទីផ្សារពី១,៥ - ២ដង ទន្ទឹមនោះផលិតផលបន្លៃរបស់ក្រុមហ៊ុនបន្លែផ្លែមើមជប៉ុន-វៀតណាម នៅបានទីផ្សារនិងអ្នកប្រើប្រាស់ទទួលស្គាល់។ បន្ទាប់ពីប្រមូលផល បន្លែបានខ្ចប់ បិទតែមប្រឆាំងទំនិញខ្លែងក្លាយ និងផ្គត់ផ្គង់ចេញទៅទីផ្សារតម្លែចុះឡើងក្នុងចន្លោះ ពី២០.០០០ដល់២៥.០០០ដុង (ប្រហែល១ដូល្លាអាមេរិក) ក្នុងមួយគីឡូក្រាម។

សព្វថ្ងៃ ក្រុមហ៊ុនបានផលិតបន្លែផ្លែមើមចំនួន២២ប្រភេទ គ្រប់ស្តង់ដារគុណភាព និងបានផ្តល់បណ្ណទទួលស្គាល់ VietGAP។ ផលិតផលបន្លែផ្លែមើមជប៉ុនវៀតណាមបានផលិតតាមរដូវ ទើបបន្លែមានគុណភាពល្អ បានភោជនីយដ្ឋាន ផ្សារទំនើបចុះកិច្ចសន្យាប្រមូលទិញផលិតផលទាំងអស់” បងង្វៀនឌិញដេប (Nguyen Dinh Thiep) ឲ្យដឹងបន្ថែម៕

បន្លែមកពីកសិដ្ឋាន នឹងបានប្រមូលផលយកទៅច្នៃដំបូង ខ្ចប់បន្លែ ហើយនាំទៅរក្សាទុកនៅឃ្លាំងក្លាស់សេ ដោយសីតុណ្ហភាពទាបរហូត
ដល់ពេលចែកចាយទៅដល់អ្នកប្រើប្រាស់នៅថ្ងៃស្អែក ដូច្នេះជានិច្ចតែងរក្សាបានកម្រិតស្រស់ឆ្ងាញ់របស់ផលិតផល។

បន្លែមកពីកសិដ្ឋានបានរក្សាស្អាត ដូច្នេះតែងធានាបានកម្រិតស្រស់ឆ្ងាញ់។

ផលិតផលបន្លែផ្លែមើមរបស់ក្រុមហ៊ុនផលិតគ្រប់គុណភាព បរិមាណផលលំនឹង មានទំនុកចិត្ត បានភោជនីយដ្ឋាន
ផ្សារទំនើបចុះកិច្ចសន្យាប្រមូលទិញផលិតផលទាំងអស់។

ប្អូនៗមតេយ្យសាលាឡីវយ៉ាយ (Lieu Giai) ( KIDS BY NATURE) ទស្សនាទម្រង់រូបភាពវប្បកម្ម និងបទពិសោធន៍ធ្វើកសិកម្មស្អាត
នៅក្នុងកសិដ្ឋានរបស់ក្រុមហ៊ុនភាគហ៊ុនបន្លែផ្លែមើមជប៉ុន-វៀតណាម - ភូមិទីញឡិញ (Tinh Linh) ឃុំត្រុងងៀ (Trung Nghia)
ទីក្រុងហឹងអៀន (Hung Yen)។ រូបថត៖ ឯកសារ។

អត្ថបទ៖ ធុកហៀន រូបថត៖ ខាញ់ឡុង និងឯកសារ

បណ្តាអត្ថបទបានផ្សាយ

អ្នកផ្គត់ផ្គង់ព័ត៌មាន(ICP): ទីភ្នាក់ងារសារព័ត៌មានវៀតណាម| ISSN : 1606 - 0261 | លិខិតអនុញ្ញត្តិលេខ18/GP-BTTTT ផ្តល់ដោយក្រសួងព័ត៌មាន និងសារគមនាគមន៍ ចុះថ្ងៃទី០៥ ខែមករា ឆ្នាំ២០១២

ស្ថាប័នគ្រប់គ្រង៖ ទីភ្នាក់ងារសារព័ត៌មានវៀតណាម អ្នកទទួលខុសត្រូវ៖ និពន្ធនាយក ង្វៀន ថាំង

អាស័យដ្ឋាន៖ ៧៩ វិថី លីធឿងគៀត រដ្ឋធានីហាណូយ vietnamvnp@gmail.com