24/08/2015 09:25 GMT+7 Email Print Like 0

បន្តពន្លឿនកំណើនដល់ទីផ្សារអចលនទ្រព្យពីគោលនយោបាយ

គោលនយោបាយថ្មីជាច្រើនដែលជះឥទ្ធពលផ្ទាល់ដល់ទីផ្សារអចលនទ្រព្យនឹងមានសុពលភាពចាប់ពីថ្ងៃទី ១ ខែកក្កដា ឆ្នាំ២០១៥ ក្នុងនោះមានច្បាប់ផ្ទះស្នាក់នៅនិងច្បាប់ធ្វើពាណិជ្ជកម្មអចលនទ្រព្យ (វិសោធនកម្ម)។ រួមជាមួយបណ្តាគោលនយោបាយអំពីឥណទានកម្ចី ប្រការនេះត្រូវបានសង្ឃឹមបង្កើត “កម្លាំង”ជួយទីផ្សារអចលនទ្រព្យអភិវឌ្ឍន៍យ៉ាងស្ថិតស្ថេរនិងម៉ឹងម៉ាត់។
ក្តីសង្ឃឹមពីចរន្តប្រាក់មកពីបរទេស

ច្បាប់ផ្ទះស្នាក់នៅ (វិសោធនកម្ម) មានសុពលភាពចាប់ពីថ្ងៃទី១ ខែកក្កដា ឆ្នាំ២០១៥ អនុញ្ញាតិជនបរទេសទិញ ៣០ % នៃបរិមាណផ្ទះល្វែងក្នុងគម្រោងមួយ។ សេចក្តីព្រាងសម្រេចចិត្តរបស់ក្រសួងសំណង់ បានណែនាំប្រការមួយចំនួននៃច្បាប់ផ្ទះស្នាក់នៅ ដែលអនុញ្ញាតិជនបរទេសអាចពន្យារពេលវេលាកម្មសិទ្ធិផ្ទះបន្ថែម ៥០ ឆ្នាំ ក្រោយរយៈពេល ៥០ ឆ្នាំកម្មសិទ្ធិដំបូងអស់កាលកំណត់។ ប្រការនេះត្រូវអ្នកជំនាញវាយតំ
លៃ“បើកចំហរ”ទ្វារសំរាប់ជនបរទេសមានលុយទិញផ្ទះនៅវៀតណាម។

តាមបណ្ឌិតឡេជីហៀវ អនុប្រធានសមគមន៍អចលនទ្រព្យទីក្រុងហូជីមិញ ច្បាប់ផ្ទះស្នាក់នៅ (វិសោធនកម្ម) បានបើកទូលាយមុខសញ្ញាបានកម្មសិទ្ធិផ្ទះ ពិសេសគឺចំពោះជនបរទេសតែផ្តល់ទិដ្ឋការចូលប្រទេស វៀត ណាមអាចទិញផ្ទះ។ “ការផ្លាស់ប្តូរយ៉ាងវិជ្ជមាននេះបានជំរុញតំរូវការនៃទីផ្សារអចលនទ្រព្យ ជំរុញប្រភពដើមទុនពីបទេសចូលក្នុងប្រទេសវៀតណាម ហើយរួមចំណែកដោះស្រាយបញ្ហាអំពីដើមទុន ឬបន្សល់ទុកក្នុង​ឃ្លាំងលើទីផ្សារបច្ចុប្បន្ននេះ” លោកហៀវនិយាយឲ្យដឹង។


 ច្បាប់ផ្ទះស្នាក់នៅ (វិសោធនកម្ម) ធ្វើទីផ្សារអចលនទ្រព្យក្លាយទៅជាពុះកញ្ជ្រោលថែមទៀត ពិសេសគឺការបើកទ្វារឲ្យជនបរទេសទិញផ្ទះស្នាក់នៅក្នុងប្រទេសវៀតណាម។ រូបថត៖ ត្រុងជីញ

ដោយបរិមាណរូបិយប័ណ្ណបរទេសហូរចូលក្នុងប្រទេសវៀតណាមកើនឡើងក្នុងប៉ុន្មានឆ្នាំនេះ ការបើកទ្វារឲ្យជនបរទេស ក្នុងនោះមានអាណិកជនវៀតណាមវិនិយោគលើអចលនទ្រព្យនៅវៀតណាម ដើម្បីទទួលបរិមាណលុយនេះក៏នឹងឥទ្ធពលដល់ទីផ្សារអចលនទ្រព្យ។ រូបថត៖ ត្រុងជីញ

គម្រោងផ្ទះល្វែងមួយរបស់ក្រុមហ៊ុនភាគហ៊ុនអភិវឌ្ឍន៍ផ្ទះធូឌឹក (Thuduc House)មួយក្នុងចំណោមសម្ព័ន្ធក្រុមហ៊ុនអចលនទ្រព្យធំបំផុតរបស់វៀតណាម។ រូបថត៖ គីមភឿង


តាមស្ថិតិរបស់ក្រសួងសំ ណង់ ក្នុងឆមាសទី ១ នៃឆ្នាំ ២០១៥  បរិមាណការលក់ដូរអចលនទ្រព្យប្រកបដោយជោគជ័យនៅរដ្ឋធានីនិងទីក្រុងហូជីមិញទទួលបានប្រមាណ ៤២៥០ និង ៣៩៥០ លើក កើនឡើងបីដងបើសិនជាប្រៀបធៀបនឹងពេលវេលាដដែលនាឆ្នាំ២០១៤។ ការលក់ដូរផ្ទះល្វែងគុណភាពខ្ពស់ស្មើ ២៦% នៃការលក់​ដូរ​សរុប ក្នុងឆមាសមុនត្រឹម​តែ ១៤%

និន្នាការមួយក្នុងប៉ុន្មានឆ្នាំថ្មីៗនេះបានជៈឥទ្ធពលដល់ទីផ្សារអចលនទ្រព្យមិនអាចមិនរំលឹកដល់ នេះគឺជារូបិយប័ណ្ណបរទេសហូរចូលក្នុងប្រទេសវៀតណាម កើនជាបណ្តើរៗពីមួយឆ្នាំទៅមួយឆ្នាំ។ ការបើកទ្វារឲ្យជនបរទេស ក្នុងនោះមានអណិកជនវៀតណាមវិនិយោគលើទីផ្សារអចលនទ្រព្យនៅវៀតណាមដែលចាត់ទុកចំពេលវេលា ដើម្បីទទួលបរិមាណប្រាក់នេះ។ អ្នកជំនាញមកពីថវិកាវិនិយោគរបស់ VinaCapital បានសន្និដ្ឋានថា ក្រៅពីការទិញផ្ទះស្នាក់ ការទិញផ្ទះសំរាប់ការជួលគឺជាជំរើសដ៏ចាប់ចិត្តបើសិនជាប្រៀបធៀបនឹងការវិនិយោគផ្សេង ៗ ទៀត ពីព្រោះផ្ទះជួលនេះធានានឹងទទួលបានប្រាក់ចំណូលសក្តានុពល សមហេតុសមផលសំរាប់វិនិយោគិន។ អាស្រ័យលើនេះ ទីផ្សារឲ្យជួលផ្ទះនៅពេលឆាប់ៗនេះនឹងអភិវឌ្ឍន៍យ៉ាងខ្លាំងក្លានិងជួយឧបត្ថម្ភយ៉ាងសកម្មសំរាប់ការអភិវឌ្ឍន៍រួមនៃទីផ្សារ។

ក្រៅពីនេះ បណ្តាគោលនយោបាយអំពីឥណទានត្រូវបានបើកចំហរក្នុងរយៈពេល​​កន្លងមកនេះ ដែលបានអនុញ្ញាតិអាជីវកម្មជាម្ចាស់ការក្នុងការទាក់ទងជាមួយធនាគារ ដើម្បីបង្កើតបណ្តាកញ្ចប់កម្ចីក្នុងរយៈពេលនិងការប្រាក់សមស្រប​ ជួយឧបត្ថម្ភអ្នកទិញផ្ទះ។ តាមការប៉ាន់ស្មាន អ្នកទិញផ្ទះមានតំរូវការខ្ចីប្រាក់ពីធនាគារចំនួន ៨០% ក្នុងនោះ​នាបច្ចុប្បន្ននេះបណ្តាធនាគារនិងវិនិយោគិនជួយឧបត្ថម្ភអតិថិជនតាមរយៈប្រាក់កម្ចីក្នុងរយៈពេលយូរជាង ល្បឿនទូទាត់សមស្របមានកំរិតជួយឧបត្ថម្ភឡើងដល់ ៧០ - ៨០%។ ការប្រាក់ទាបគឺមួយក្នុងចំណោមមូលដ្ឋានដើម្បីប្រជាជនសម្រេចចិត្តទិញផ្ទះ។

អាជីវកម្មមានជំនាញជាង

ច្បាប់ធ្វើពាណិជ្ជកម្មអចលនទ្រព្យ (វិសោធនកម្ម)កំណត់ដើមទុនតាមច្បាប់ ( បរិមាណដើមទុនចាំបាច់មាន ដើម្បីបង្កើតអាជីវកម្មមួយ) ក្នុងវិស័យធ្វើពាណិជ្ជកម្មអចលនទ្រព្យមិនតិចជាង ២០ ពាន់លានដុង។ ដើមទុននៅពេលអនុវត្តន៍ការវិនិយោគគម្រោងរបស់វិនិយោគិនមិនទាបជាង ២០% នៃដើមទុនវិនិយោគសរុបចំពោះគម្រោង ដែលប្រើប្រាស់ទំហំដីតិចជាង ២០ ហិចតា និងមិនតិចជាង ១៥ %  នៃដើមទុនវិនិយោគសរុបចំពោះគម្រោង ដែលប្រើប្រាស់ទំហំដីពី ២០ ហិចតាឡើងទៅ ។ ប្រការនេះនឹងលុបចោលបណ្តាអាជីវកម្មខ្សោយចេញពីទីផ្សារអចលនទ្រព្យ កំរិតនូវស្ថានភាពកៀងគរដើមទុនខុសច្បាប់របស់អាជីវកម្ម ដែលធ្លាប់កើតឡើងនៅទីផ្សារអចលនទ្រព្យហើយ។

តាមបណ្ឌិតឡេជីហៀវ កំរិតដើមទុនជាច្រើននឹងជួយឧបត្ថម្ភទីផ្សារជ្រើសរើសបណ្តាវិនិយោគិនពិតជាមានសមត្ថភាពហិរញ្ញវត្ថុក្នុងវិស័យអចលនទ្រព្យ លុបចោលបណ្តាវិនិយោគិនតាមរបៀប  “បាតដៃទទេវិនិយោគ​”​។​

រីឯលោកត្រឹនង៉ុកក្វាង អគ្គលេខាស្តីទីសមាគមន៍អចលនទ្រព្យវៀតណាម ច្បាប់ធ្វើពាណិជ្ជកម្មអចលនទ្រព្យ (វិសោធនកម្ម) រួមមានកំណត់ថ្មី បានបើកទូលាយក្នុងការផ្ទេរគម្រោង ដែលនឹងធ្វើទីផ្សារលក់គម្រោងកាន់តែពុះកញ្ជ្រោងជាង។ ប៉ុន្តែ ដើម្បីទទួលនិន្នាការនេះ អាជីវកម្មធ្វើពាណិជ្ជកម្មអចលនទ្រព្យត្រូវផ្លាស់ប្តូរ ជំនះបណ្តាចំណុចខ្សោយនិងមានសក្តានុពលហិរញ្ញវត្ថុ សមត្ថភាពគ្រប់គ្រងធនធានមនុស្ស…


ទីកន្លែងលក់អចលនទ្រព្យរបស់សម្ព័ន្ឋក្រុមហ៊ុន  SSG (លេខ ៩២ ង្វៀនវ៉ាន់ត្រុយ ខណ្ឌភូញ៉ឹន ទី​ក្រុ​ង​ហូ​ជីមិ​ញ​)​។​​ រូបថត៖ គីមភឿង

តំបន់ផ្ទះវីឡា Saigon Pearl – Villasរួមមាន១២៦ ផ្ទះវីឡាគុណភាពខ្ពស់ក្បែរទន្លេ ដែលត្រូវគូរប្លង់យ៉ាងផ្ចិតផ្ចង់និងតាមស្តង់ដារបស់សម្ព័ន្ធក្រុមហ៊ុន SSG (SSGgroup)។ រូបថត៖ គីមភឿង

សម្ព័ន្ធក្រុមហ៊ុន SSG (SSGgroup)ល្បីឈ្មោះដោយផ្ទះល្វែងគុណភាពខ្ពស់ដូចជា៖ Saigon Pearl ថាវឌៀនPearl,Saigon Airport Plaza, SSG Tower, Cape Pearមីឌីញ Pear…បានរួមចំណែកមិនតិចក្នុងការផ្លាស់ប្តូរមុខមាត់ទីក្រុងហូជីមិញនិងហេដ្ឋារចនាសម្ព័ន្ធទីក្រុង។ រូបថត៖ គីមភឿង

តំបន់វីឡាគុណភាពខ្ពស់របស់សម្ព័ន្ធក្រុមហ៊ុន SSG។ រូបថត៖ គីមភឿង

មុននោះ សេចក្តីសម្រេចចិត្តលេខ ៦១/NQ-CP បន្ថែមសេចក្តីសម្រេចចិត្តលេខ ០២ ស្តីពីវិធានការដោះស្រាយការលំបាកសំរាប់អាជីវកម្មផលិត ធ្វើពាណិជ្ជកម្ម ជួយឧបត្ថម្ភទីផ្សារ ដោះស្រាយបំណុលអាក្រក់ បានរដ្ឋាភិបាលអនុម័តក៏បង្តើតការផ្លាស់ប្តូរឲ្យទីផ្សារ។ បណ្តាអាជីវកម្មវិនិយោគក្នុងវិស័យអចលនទ្រព្យតាមចលនា​ វិនិយោគិនមានដើមទុនតិច ខ្វះបទពិសោធន៍ វិនិយោគិនតែងតែ “កាត់រលកសមុទ្រ”យកប្រាក់ចំ​ណេញ​ ដែលលុបចោលពីល្បែងលេងនេះ។ បណ្តាអជីវកម្មនៅសល់ធ្វើសកម្មភាពកាន់តែមានជំនាញជាង។

អាចឃើញថា ក្នុងរយៈពេលកន្លងទៅ បណ្តាអាជីវកម្មមានការកែប្រែអំពីរចនាសម្ព័ន្ធនូវទំនិញនិងគុណភាពផលិតផលរបស់ខ្លូន។ អាជីវកម្មជាច្រើនបានខិតខំប្រឹងប្រែងអនុវត្តកសាងគម្រោង ព្រមទាំងដាក់ចេញវិធានការទូទាត់យ៉ាងសមស្របដូចជា៖ត្រូវសង ៣០-៥០%នៃតំលៃសរុបនៃផ្ទះល្វែង អ្នកទិញអាចទទួលផ្ទះបាន រីឯផ្នែកបន្សល់អាចទូទាត់ក្នុងរយៈពី១ - ៣ ឆ្នាំ គ្មានការប្រាក់។

ហេតុនេះ អាចឃើញថា តាមទិសដៅនៃបណ្តាគោលនយោបាយថ្មី ទីផ្សារអចលនទ្រព្យកំពុងដើរតាមទិសត្រឹមត្រូវនិងសង្ឃឹមអភិវឌ្ឍន៍យ៉ាងស្ថិតស្ថេរក្នុងខាងមុខនេះ។

ហ្វាងយឿង (កាសែតព័ត៌មាន /ទីភ្នាក់ងារសារព័ត៌មានវៀតណាម)
 

បណ្តាអត្ថបទបានផ្សាយ