05/12/2018 09:36 GMT+7 Email Print Like 0

នាយករដ្ឋមន្ត្រីវៀតណាមលោក Nguyen Xuan Phuc ធ្វើ​ជាអធិបតី​ក្នុង​កិច្ចប្រជុំ​រដ្ឋាភិបាលប្រចាំខែវិច្ឆិកា

នាព្រឹកថ្ងៃទី ៣ ខែធ្នូ ឆ្នាំ២០១៨ រដ្ឋាភិបាលបានរៀបចំកិច្ចប្រជុំប្រចាំខែវិច្ឆិកា ក្រោមអធីបតីភាពរបស់នាយករដ្ឋមន្ត្រីវៀតណាមលោក Nguyen Xuan Phuc។

នាយករដ្ឋមន្ត្រីវៀតណាមលោក Nguyen Xuan Phuc (VGP/Quang Hiếu)

កិច្ចប្រជុំនេះបានប្រព្រឹត្តិទៅរយៈពេល ១ ថ្ងៃ ដោយបានផ្ដោតទៅលើការពិភាក្សាអំពីស្ថានភាពសេដ្ឋកិច្ចសង្គមនាខែវិច្ឆិកា និង ១១ ខែ ឆ្នាំ២០១៨  និងសេចក្ដីព្រាងនៃសេចក្ដីសម្រេចចិត្តរបស់រដ្ឋាភិបាលស្ដីពីភារកិច្ច និង​ដំណោះស្រាយឆ្នាំ ២០១៩។

ដោយសង្កត់ធ្ងន់លើសេចក្ដីសម្រេចចិត្តស្ដីពី ភារកិច្ចនិងដំណោះស្រាយក្នុងការអភិវឌ្ឍសេដ្ឋកិច្ច សង្គមឆ្នាំ២០១៩ (សេចក្តីសម្រេចចិត្តលេខ ០១) នោះ នាយករដ្ឋមន្ត្រីលោក Nguyen Xuan Phuc បានស្នើឲ្យសមាជិករដ្ឋាភិបាលផ្ដោតលើការពិភាក្សា ដើម្បីបន្តយកមតិអំពីឯកសារនេះ នៅក្នុងកិច្ចប្រជុំរដ្ឋាភិបាលជាមួយខេត្ត ក្រុងនានានាចុងខែធ្នូខាងមុខ។ តាមលោកនាយករដ្ឋមន្ត្រីថា សេចក្ដីសម្រេចចិត្តលេខ ០១ គប្បីបង្ហាញនូវស្មារតីផ្លាស់ប្ដូរថ្មី ក្នុងការ អភិវឌ្ឍសេដ្ឋកិច្ចសង្គម។ នាយករដ្ឋមន្ត្រីលោក Nguyen Xuan Phuc បានឲ្យដឹងថា៖

“លោកនាយករដ្ឋមន្ត្រីបានសម្រេចចិត្តបង្កើតក្រុមកាងារពិសេសដឹកនាំដោយឧបនាយករដ្ឋមន្ត្រី លោក Truong Hoa Binh ដោយមានការចូលរួមរបស់ថ្នាក់ដឹកនាំក្រសួង ស្ថាប័ន និងខេត្ត ក្រុងនានា ដើម្បីធ្វើចំណាត់ការ​លើការប្ដឹងតវ៉ានាបច្ចុប្បន្ន។ យើងគប្បីដោះស្រាយបញ្ហានេះឲ្យបានទាន់ពេលវេលា ផងដែរ”៕

តាម VOV5 - វិទ្យុសម្លេងវៀតណាម

បណ្តាព័ត៌មានបានផ្សាយ