01/06/2017 10:20 GMT+7 Email Print Like 0

នាយករដ្ឋមន្ត្រី លោក Nguyen Xuan Phuc ជួបសន្ទនាជាមួយអគ្គលេខាធិការអង្គការសហប្រជាជាតិ


នាយករដ្ឋមន្ត្រី លោក Nguyen Xuan Phuc ជួបសន្ទនាជាមួយអគ្គលេខាធិការអង្គការសហប្រជាជាតិ

នាព្រឹកថ្ងៃទី ៣០ ខែឧសភា ឆ្នាំ២០១៧ នៅទីក្រុង New York នាយករដ្ឋមន្ត្រីវៀតណាម លោក Nguyen Xuan  Phuc បានជួបសន្ទនាជាមួយអគ្គលេខាធិការ អង្គការសហប្រជាជាតិ លោក Antonio Guterres។ នៅទី​នេះ​ នាយក​រដ្ឋមន្ត្រី​បានអះអាងថា៖វៀតណាមបាននិងកំពុងរួមវិភាគទានយ៉ាងសកម្មក្នុងកិច្ចការរួមរបស់អង្គការ​សហប្រជាជាតិ។ ពិភាក្សាអំពីស្ថានភាពអន្តរជាតិនិងតំបន់ នាយករដ្ឋមន្ត្រីបានជូនដំណឹងអោយអគ្គលេខាធិការ​​អំពីបំរ៉ែបំរួលនាពេលថ្មីៗនេះនៅសមុទ្រខាងកើត ហើយស្នើអោយអគ្គលេខាធិការគាំទ្រនិងជំរុញការដោះស្រាយ​ជំលោះនៅសមុទ្រខាងកើតដោយសន្តិវិធី ផ្អែកទៅលើច្បាប់អន្តរជាតិដែលក្នុងនោះមានអនុសញ្ញាអង្គការ​សហប្រជាជាតិស្ដីអំពីច្បាប់សមុទ្រឆ្នាំ១៩៨២សម្រេចយ៉ាងឆាប់ៗក្រមប្រតិបត្តិនៅសមុទ្រខាងកើត (COC)។

រីឯ  អគ្គលេខាធិការអង្គការសហប្រជាជាតិ លោក Antonio Guterres បានវាយតំលៃខ្ពស់ចំពោះសមិទ្ធផលសេដ្ឋកិច្ច សង្គម ដែលវៀតណាមទទួលបានក្នុងរយៈពេលកន្លងទៅ ពិសេសគឺគ្នុងការអនុវត្តគោលដៅសហស្សវត្សរ៍​ ហើយមានគោលបំណងថាវៀតណាមទទួលបានជោគជ័យក្នុងការអនុវត្តគោលដៅអភិវឌ្ឍន៍ចីរភាព។

នាថ្ងៃដដែល នាយករដ្ឋមន្ត្រី លោក Nguyen Xuan Phuc ក៏បានអញ្ជើញចូលរួមនិងថ្លែងមតិនៅក្នុងពិធីរំ​លឹក​ខួប​អនុស្សាវរីយ៍លើកទី៤០ទិវាវៀតណាមចូលរួមអង្គការសហប្រជាជាតិ ដោយមានការធ្វើជាកាក្សិលសាក្សីរបស់អគ្គលេខាធិការ អង្គការសហប្រជាជាតិ លោក Antonio Guterres  ប្រធានក្រុមប្រឹក្សាអង្គការសហប្រជាជាតិលោក Peter Thompson មន្ត្រីជាន់ខ្ពស់របស់អង្គការសហប្រជាជាតិនិងបណ្ដាឯកអគ្គរដ្ឋទូត ប្រធានតំណាង​គណៈ​ប្រតិភូប្រទេសផ្សេងៗ។ថ្លែងមតិនៅទីនេះ នាយករដ្ឋមន្ត្រី លោក Nguyen Xuan Phuc បានលើកច្បាស់ថា៖

“កំណាត់ផ្លូវ ៤០ ឆ្នាំកន្លងទៅ យើងខ្ញុំសប្បាយរីករាយណាស់ចំពោះការអភិវឌ្ឍន៍ល្អប្រសើរនៃទំនាក់ទំនង​វៀត​ណាម​-អង្គការសហប្រជាជាតិ។ ប្រជាជនវៀតណាមចងចាំជានិច្ចចំពោះការជួយឧបត្ថម្ភដ៏ថ្លៃថ្លានិងប្រកៀកស្មាជានិច្ចរបស់អង្គការសហប្រជាជាតិនិងសហគមន៍អន្តរជាតិ ក្នុងការងារជំនះពុះពារលើផលវិបាកដោយសង្គ្រាម​ ក​សាងនិងអភិវឌ្ឍន៍ប្រទេសវៀតណាម រួមចំណែកសំខាន់ជំរុញវៀតណាមដណ្ដើមអោយបានសមិទ្ធផលធំធេងនិងគួរអោយមោទននាបច្ចុប្បន្ន៕”

តាម VOV5- វិទ្យុសម្លេងវៀតណាម

បណ្តាព័ត៌មានបានផ្សាយ