22/05/2016 09:45 GMT+7 Email Print Like 0

នាយករដ្ឋមន្ត្រីវៀតណាមអញ្ជើញចូលរួមសន្និសីទជាន់ខ្ពស់អាស៊ាន-រុស្ស៊ី


នាយករដ្ឋមន្ត្រីវៀតណាមអញ្ជើញចូលរួមសន្និសីទជាន់ខ្ពស់រំលឹកខួបអនុស្សាវរីយ៍លើកទី២០បង្កើតទំនាក់ទំនងការដៃគូសន្ទនាអាស៊ាន-រុស្ស៊ី

ទទួលសេចក្ដីអញ្ជើញរបស់​ប្រធានាធិបតី​រុស្ស៊ី លោក Vladimir Putin គណៈប្រតិភូ​ជាន់ខ្ពស់​វៀត​ណាម ដឹក​នាំ​ដោយ​ នាយករដ្ឋមន្ត្រីវៀតណាម លោក Nguyen Xuan Phuc បាន​អញ្ជើញ​ចូលរួម​សន្និសីទ​ជាន់​ខ្ពស់​រំលឹក​ខួប​អនុស្សាវរីយ៍​លើក​ទី២០ បង្កើតទំនាក់ទំនងការដៃគូសន្ទនាអាស៊ាន-រុស្ស៊ី ចាប់ពី​ថ្ងៃទី១៩ដល់​ថ្ងៃទី​២០ ខែឧសភា ឆ្នាំ២០១៦ នៅទីក្រុង Sochi ប្រទេសរុស្ស៊ី។

​ក្នុងកិច្ចប្រជុំផ្សេងៗ នាថ្ងៃទី២០ ខែឧសភា បណ្ដា​ថ្នាក់ដឹកនាំជាន់ខ្ពស់របស់អាស៊ាន​និង​រុស្ស៊ី បាន​ផ្លាស់​ប្តូរ​អំពី​ស្ថាន​ភាព​ក្នុង​តំបន់​និង​អន្តរជាតិ វាយតំលៃអំពី​ទំនាក់ទំ​នងសន្ទនា រវាង​អាស៊ាន​និង​រុស្ស៊ី ក្នុង​រយៈ​ពេល២០ឆ្នាំ​កន្លង​ទៅ និង​ការកំណត់ ដំ​ណោះស្រាយជាក់ស្ដែងនានា សំដៅជំរុញទំនាក់ទំនង​នេះឡើង​កំរិត​ថ្មី។

​ផ្លាស់ប្តូរអំពីបណ្ដាបញ្ហានៅក្នុងតំបន់ និងអន្តរជាតិដែកបានយកចិត្តទុកដាក់ដូច​គ្នា ថ្នាក់​ដឹក​នាំរបស់​ភាគី​ទាំង​ពីរ បាន​សង្កត់ធ្ងន់ទៅលើសារសំខាន់ និងការចាំ​បាច់ រក្សាសន្តិ​ភាព សន្តិសុខ នៅតំបន់​អាស៊ី-ប៉ាស៊ីហ្វីក តួនាទី និង​ការរួមវិភាគ​ទាន​របស់​អាស៊ាន​និង​រុស្ស៊ី ក្នុងពេលដោះស្រាយបញ្ហានានា អំពីសន្តិសុខ និងអភិវឌ្ឍន៍។ ថ្នាក់​ដឹក​នាំ​អាស៊ាន​ទាំងឡាយ និងរុស្ស៊ីក៏បានចែករំលែក​ការយក​ចិត្តទុក​ដាក់ សារ​សំខាន់​និង​ផល​ប្រយោជន៍​រួម របស់​ការធានា​សន្តិសុខ ស្ថិរភាព សន្តិភាព សុវត្ថិភាព​នាវាចរណ៍ និងអាកាសចរណ៍នៅតំបន់​សមុទ្រខា​ង​កើត ចំពោះ​សន្តិភាព និងការអ​ភិវឌ្ឍន៍ក្នុងតំបន់​និងអន្តរជាតិ លើកកំបស់គោលការណ៍របស់​អាស៊ាន គឺដោះស្រាយ​ជំលោះ​ដោយ​សន្តិវិធី ផ្អែកទៅលើមូលដ្ឋានច្បាប់​អន្តរជាតិ ជាពិសេសគឺ​អនុសញ្ញា​អង្គការ​សហប្រជាជាតិ​ស្ដីអំពី​ច្បាប់​សមុទ្រ​ឆ្នាំ​១៩៨២ (UNCLOS) មិនបានប្រើប្រាស់​ឬគំ​រាមគំហែងប្រើប្រាស់​អំពើហឹង្សា អត់​ធ្មត់ មិន​បាន​បង្ក​រឿង​ហេតុ​ធ្វើអោយ​ស្ថាន​ភាពនៅទីនេះ ស្មុគ្រស្មាញថែមទៀត។

​ថ្លែងមតិនៅទីនេះ នាយករដ្ឋមន្ត្រីវៀតណាម លោក Nguyen Xuan Phuc បាន​វាយ​តំលៃខ្ពស់ ចំពោះ​ការ​ផ្តើម​គំនិត របស់​ប្រធានាធិបតី​រុស្ស៊ី និងអត្តន័យនៃការ​រៀបចំ​សន្និសីទ​លើក​នេះ។ ដើម្បី​ជំរុញ​កិច្ច​សហប្រតិបត្តិការ​ទ្វេភាគី​កាន់​តែអភិវឌ្ឍន៍​​ ពីមួយថ្ងៃទៅមួយថ្ងៃ នាយករដ្ឋមន្ត្រី លោក Nguyen Xuan Phuc បាន​ស្នើអោយទិស​ដៅសហ​ប្រតិបត្តិការធំៗ រួមមាន៖ ទីមួយ បង្កើនកិច្ចសហប្រតិបត្តិការ​នយោបាយ​សន្តិ​សុខ ពិសេស​គឺក្នុង​វិស័យ​សន្តិសុខ​សមុទ្រ ប្រឆាំង​ភេរវកម្ម និងបទល្មើសឆ្លង​ដែន។ ទីពីរគឺត្រូវពង្រីកជា​អតិបរិមា សក្ដានុភាព និង​ឧត្តមភាព​របស់​ភាគី​និមួយៗ ដើម្បីជំរុញទំនាក់ទំនងសេដ្ឋកិច្ច ពាណិជ្ជកម្ម វិនិយោគ ថាមពល និង​ទេសចរណ៍​៕​

 

តាម VOV5 - វិទ្យុសម្លេងវៀតណាម

 

បណ្តាព័ត៌មានបានផ្សាយ