19/06/2021 12:31 GMT+7 Email Print Like 0

ធានាការចែកចាយវ៉ាក់សាំងបង្ការកូវីដ ១៩ ត្រឹមត្រូវតាមផែនការដែលបានកំណត់

នាព្រឹកថ្ងៃទី ១៨ មិថុនា បានប្រព្រឹត្តទៅកិច្ចប្រជុំអចិន្រ្តៃយ៍គណៈកម្មាធិការជាតិដឹកនាំការបង្ការនិងប្រយុទ្ធប្រឆាំងជំងឺកូវីដ ១៩ ក្រោមអធិបតីភាពលោកឧបនាយករដ្ឋមន្រ្តី Vu Duc Dam ប្រធានគណៈកម្មាធិការដឹកនាំ។
 

ឧបនាយករដ្ឋមន្រ្តី លោក Vu Duc Dam បានស្នើថា ការចាក់វ៉ាក់សាំងបង្ការកូវីដ-១៩ ត្រូវតែអនុវត្តន៍តាមផែនការជាដាច់ខាត ពោលគឺមានវ៉ាកសាំងហើយប៉ុន្តែមិនចាក់យឺតយ៉ាវពេក (រូបថត៖ Chinhphu.vn)


នៅក្នុងកិច្ចប្រជុំនេះ អចិន្ត្រៃយ៍នៃគណៈកម្មាធិការដឹកនាំបានស្តាប់របាយការណ៍របស់ក្រសួងសុខាភិបាលស្តីពីការពិនិត្យឡើងវិញនូវយុទ្ធនាការចាក់វ៉ាក់សាំងការពារជំងឺកូវីដ ១៩ ដែលមានទ្រង់ទ្រាយធំបំផុតលើទូទាំងប្រទេស។ ទន្ទឹមនឹងការចូលរួមយ៉ាងសកម្មរបស់ក្រសួងនិងស្ថាប័ននានា ជាពិសេសក្រសួងការពារជាតិ ហើយមូលដ្ឋានត្រូវទទួលខុសត្រូវ រៀបចំចាក់វ៉ាក់សាំងបង្ការកូវីដ ១៩  តាមផែនការដែលបានកំណត់ ដោយមិនទុកឲ្យកើតមានឡើងស្ថានភាព មានវ៉ាក់សាំងហើយ ប៉ុន្តែការចាក់យឺតយ៉ាវពេក។ លើសពីនេះទៅទៀត អចិន្ត្រៃយ៍នៃគណៈកម្មាធិការដឹកនាំបានជួបពិភាក្សានិងឯកភាពលើសេចក្តីណែនាំជាក់ស្តែង ដើម្បីបង្កើតលក្ខខណ្ឌអំណោយផលបំផុតសម្រាប់អាជ្ញាធរមូលដ្ឋាននិងធុរកិច្ចក្នុងការចូលនិងទិញវ៉ាក់សាំងការពារជំងឺកូវីដ ១៩ ដែលត្រូវបញ្ជូន មក វៀតណាមវិញយ៉ាងឆាប់ៗ។

អចិន្រ្តៃយ៍នៃគណៈកម្មាធិការដឹកនាំបានឯកភាព ស្នើឲ្យក្រសួងសុខាភិបាលចេញឯកសារដើម្បីបំពេញបន្ថែមមុខសញ្ញាអាទិភាពចាក់វ៉ាក់សាំងមុន ដើម្បីធានាដល់ការសម្រេចបាននូវគោល ដៅពីទន្ទឹមគ្នា៕

តាម​ VOV5 - វិទ្យុសម្លេងវៀតណាម
បណ្តាព័ត៌មានបានផ្សាយ