08/05/2021 14:12 GMT+7 Email Print Like 0

ទីក្រុងហូជីមិញបានប្រគល់អំណោយជូនដល់រាជធានីភ្នំពេញនិងទីក្រុងវៀងចន្ទន៍

ទិដ្ឋភាពនៃពិធី (រូបថត៖ VOV)
 

ក្នុងឱកាសនេះ ប្រធានគណៈកម្មាធិការប្រជាជនទីក្រុងហូជីមិញលោក Nguyen Thanh Phong បានប្រគល់អំណោយជាថវិកាចំនួន ៥ ម៉ឺនដុល្លារជូនចំពោះអាជ្ញាធរនៅតាមទីក្រុងនីមួយៗ គឺរាជធានីភ្នំពេញនិងទីក្រុងវៀងចន្ទន៍ ផងដែរ

ពិធីប្រគល់អំណោយរបស់គណៈកម្មាធិការប្រជាជនទីក្រុងហូជីមិញ (វៀតណាម)ជូនចំពោះអាជ្ញាធរនៃរដ្ឋធានីទាំង ២ គឺរាជធានីភ្នំពេញ (កម្ពុជា) និងវៀងច័ន្ទ (ឡាវ) បានធ្វើឡើង នៅព្រឹកថ្ងៃទី ៧ ឧសភានេះ។ កិច្ចប្រជុំត្រីភាគីនេះបានធ្វើឡើង តាមរយៈវីដេអូ conference  ចេញផ្សាយពីទីក្រុងហូជីមិញ រាជធានីភ្នំពេញនិងទីក្រុងវៀងច័ន្ទ ដោយមានការចូលរួមពី ប្រធាន គណៈកម្មាធិការប្រជាជនទីក្រុងហូជីមិញ លោក Nguyen Thanh Phong,  អភិបាលរាជធានីភ្នំពេញ លោកឃួងស្រេង និងលោក Atsaphangthong Siphandone អភិបាលរដ្ឋធានីវៀងច័ន្ទ។

ក្នុងជំនួបនេះ ប្រធានគណៈកម្មាធិការប្រជាជនទីក្រុងហូជីមិញលោក Nguyen Thanh Phong បានវាយតម្លៃខ្ពស់ចំពោះវិធានការបង្ការទប់ស្កាត់ជំងឺរាតត្បាតរបស់ទីក្រុងទាំងពីរ គឺរាជធានីភ្នំពេញនិងវៀងច័ន្ទ ដោយបានអះអាងថា ទីក្រុងហូជីមិញបានប្រឹងប្រែងអស់ពីសមត្ថភាពរបស់ខ្លួន ដើម្បីគាំទ្រទីក្រុងទាំងពីរក្នុងគ្រាលំបាកនេះ។ លោកក៏បានសម្តែងក្តីសង្ឃឹមថា ជំងឺឆ្លងនៅប្រទេសយើងទាំងបី វៀតណាមកម្ពុជានិងឡាវ នឹងត្រូវបានគ្រប់គ្រងយ៉ាងឆាប់ៗជាពុំខាន ដើម្បីស្តារកិច្ចសហប្រតិបត្តិការនិងផ្លាស់ប្តូរសកម្មភាពឡើងវិញ។ ក្នុងឱកាសនេះ ប្រធានគណៈកម្មាធិ ការប្រជាជនទីក្រុងហូជីមិញលោក Nguyen Thanh Phong បានប្រគល់អំណោយជាថវិកាចំនួន ៥ ម៉ឺនដុល្លារជូនចំពោះអាជ្ញាធរនៅតាមទីក្រុងនីមួយៗ គឺរាជធានីភ្នំពេញនិងទីក្រុងវៀងចន្ទន៍ ផងដែរ៕

តាម VOV5 - វិទ្យុសំឡេងវៀណាម

បណ្តាព័ត៌មានបានផ្សាយ