31/07/2015 14:11 GMT+7 Email Print Like 0

ថ្នាក់ដឹកនាំបក្ស រដ្ឋវៀតណាមទទួលជួបសន្ទនាជាមួយនាយករដ្ឋមន្រ្តីចក្រភពអង់គ្លេស


អគ្គលេខាបក្សកុម្មុយនីស្តវៀតណាមលោកNguyen Phu Trong ជួបសន្ទនាជាមួយនាយករដ្ឋមន្រ្តីចក្រភពអង់គ្លេសលោក David Cameron

នារសៀលថ្ងៃទី២៩ខែកក្កដាឆ្នាំ២០១៥ នៅខុទ្ទកាល័យមជ្ឈឹមបក្ស អគ្គលេខា​បក្ស​កុម្មុយនីស្ត​វៀត​ណាម​លោក​Nguyen Phu Trong បាន​ទទួលជួបសន្ទនាជាមួយនាយក​រដ្ឋមន្រ្តីចក្រភពអង់គ្លេសលោក David Cameron ដែល​កំពុង​​អញ្ជើញ​​បំពេញ​ទស្ស​នកិច្ចនៅវៀតណាម។នៅទីនេះ លោក Nguyen Phu Trong មាន គោលបំណងថា ដំ​ណើរ​ទស្សន​កិច្ច​​នៅវៀត​ណាម​ លើកនេះរបស់លោកនាយករដ្ឋ មន្រ្តីអង់គ្លេសនឹងរួម​ចំណែកបង្កើន ការយល់ដឹងគ្នា​ទៅវិញ​​ទៅ​មក បន្ត​ជំរុញកិច្ច សហប្រតិបតិ្តការលើ​វិស័យនានាក្នុងទំនាក់ទំនង ដៃគូយុទ្ធសាស្ត្រវៀតណាម-ចក្រ ភព​​អង់គ្លេស ក្នុង​នោះមានទំនាក់ទំនង​រវាងបក្សកុម្មុយនីស្តវៀតណាម ជាមួយ​គណៈបក្ស​នយោ​បាយ​នៃ​អង់​គ្លេស​ទៀត​ផង។ លោកអគ្គលេខាបក្ស​ក៏ស្នើរឲ្យអង់គ្លេស​បន្តមាន​​សម្លេង​សកម្ម​ចំពោះការដោះស្រាយ​ដោយ​សន្តិ​វិធី​នូវ​​ជំលោះនានា​​នៅតំបន់​អាស៊ី-ប៉ាស៊ី ហ្វិកក៏ដូចជាលើពិភពលោកផងដែរ។

រីឯនាយក​រដ្ឋមន្រ្តីលោក David Cameron បានអះអាងថា រាជរដ្ឋាភិបាលអង់គ្លេស​គោរពទំនាក់​ទំនងជាមួយ​វៀត​ណាម និង​ខំប្រឹងប្រែងជំរុញការអនុវត្តកិច្ច​សន្យាជាមួយវៀតណាមលើបណ្ដាវិស័យអាទិភាព។

ប្រធានរដ្ឋវៀតណាមលោក Truong Tan Sang និងនាយករដ្ឋមន្រ្តីចក្រភពអង់គ្លេស
លោក David Cameron (រូបថត៖VGP)

ក៏ក្នុងថ្ងៃដដែល ប្រធានរដ្ឋវៀតណាមលោក Truong Tan Sang បានទទួលជួប​សន្ទនាជាមួយ​នាយករដ្ឋមន្រ្តី​អង់គ្លេស​លោក David Cameron។ នៅទីនេះ លោក​ប្រធានរដ្ឋបានសំដែងជំនឿជាក់ថា ក្នុងពេល​កិច្ចព្រម​រៀងពាណិជ្ជ​កម្មសេរី​(FTA) រវាង​វៀតណាម​និងEUត្រូវបានចុះហត្ថលេខាទំនាក់ទំនង​ សហប្រតិបតិ្ត​ការ ពាណិជ្ជកម្ម​រ​វាងវៀត​ណាមនិងចក្រភពអង់គ្លេសនឹងមានការផ្លាស់ប្ដូរ​យ៉ាងសកម្ម៕

តាមVOV5 – វិទ្យុសម្លេងវៀតណាម

បណ្តាព័ត៌មានបានផ្សាយ