22/07/2015 09:12 GMT+7 Email Print Like 0

ត្បាញកក់នៅក្បែរទន្លេកូចៀន


ប្រហែលរយៈពេល ៨ ឆ្នាំកន្លងមក ដោយការផ្លាស់ប្តូរពីការដាំស្រូវលើដីមានជាតិជូរទៅជាការដាំដើមកក់បីរដូវក្នុងមួយឆ្នាំវិញ គ្រួសារជាច្រើននៅឃុំមីឌឹក ស្រុកកាងឡុង ខេត្តត្រាវិញបានចេញផុតពីភាពក្រីក្រ មានជីវភាពសុខដុមរមនា សម្បូរណ៍រុងរឿងដោយមុខរបរដាំដើមកក់និងត្បាញ។

យើងខ្ញុំមកដល់ឃុំឌឹកមីនៅរដូវប្រមូលផលដើមកក់។ សង្ខាងមាត់ទន្លេកូចៀនគ្របដណ្តប់ពណ៌បៃតងរបស់ទំហំដាំដើមកក់ចំនួន ៦០០ ហិចតានៅឃុំឌឹកមី ដែលបង្កើតគំនូរជនបទរស់រវើកនិងសាន្តត្រាណមួយផ្ទាំង។

នៅជិតតំបន់នេះ សូរសម្លេងម៉ាស៊ីនត្បាញកក់របស់សហករណ៍ក្វៀតតឹមកំពុងមានសកម្មភាព  “ស្រូប”កក់មួយសរសៃពណ៌លឿងស្ងួត ហើយ”ខ្ជាប់”បណ្តាកម្រាលព្រំ កន្ទេលស្អាត។ បណ្តាអ្នកត្បាញប៉ិនប្រសប់កំពុងធ្វើយ៉ាងហ្មត់ចត់ដំណាក់កាលចុងក្រោយបង្អស់៖ កាត់ផ្នែកកក់សល់ ចងខ្សែនិងបន្តធ្វើបណ្តាផ្នែកសល់ ដើម្បីធ្វើឲ្យសំរេចបណ្តាផលិតផល។

លោកង្វៀនតឹនសែន (អាយុ ៥៦ ឆ្នាំ)ប្រធានសហករណ៍ក្វៀតតឹមឲ្យដឹងថា ដោយថ្នាក់ដឹកនាំមូលដ្ឋានជំរុញ បងប្អូនកសិករបានផ្លាស់ប្តូររចនាសម្ព័ន្ធដំណាំ ហ៊ានផ្លាស់ប្តូរទៅដល់ការដាំដើមកក់ ដែលជាប្រភេទដើមសមស្របនឹងលក្ខណៈធាតុដីនៅទីនេះ ដូច្នេះទទួលបានលទ្ធផលសកម្ម។


ទំហំដីដាំដើមកក់នៅឃុំឌឹកមី ស្រុកកាងឡុង ខេត្តត្រាវិញចំនួន ៦០០ ហិចតា

បងប្អូនកសិករឃុំឌឹកមីហាលកក់ដែលទើបប្រមូលផល

កក់ស្រស់នៅពេលច្រូតសម្រេច ត្រូវហាលឲ្យស្ងួតមុនពេលផលិតក្លាយទៅជាផលិតផល

កម្រាលព្រំនិមួយៗធ្វើពីដើមកក់ ត្រូវបានហាលឲ្យស្ងួតនៅទីធ្លា

កក់បន្ទប់ពីហាលឲ្យស្ងួត ត្រូវយកចូលរោងជាងរៀបចំបណ្តាដំណាក់កាលផលិតដោយដៃ

ត្បាញកម្រាលព្រំធ្វើពីកក់នៅគ្រួសារមួយនៅឌឹកមី

លោកយាយម្នាក់ជួយកូនចៅ ធ្វើបណ្តាដំណាក់កាលស្រាលក្នុងដំណើរផលិតផលិតផលធ្វើពីកក់

ម៉ាស៊ីនត្បាញកម្រាលព្រំត្រូវគ្រួសារមួយចំនួនក្នុងតំបន់ប្រើប្រាស់ដើម្បីបង្កើនទិន្នផលផលិតផល

ផលិតផលវិចិត្រសិល្បមួយចំនួនធ្វើពីកក់តាមរបៀបសិប្បកម្មដ៏ប៉ិនប្រសប់

សហករណ៍ក្វៀតតឹមក៏គឺជាទីកន្លែងបណ្តុះបណ្តាលវិជ្ជាជីវៈដ៏កិត្យានុភាពរួមមានជាងធ្វើយូរឆ្នាំនិងមានជំនាញ

ដៃទាំងពីរដ៏ប៉ិនប្រសប់របស់អ្នកត្បាញកំពុងសម្រេចបណ្តាដំណាក់កាលចុងក្រោយរបស់ផលិតផលកក់
វិចិត្រសិល្បៈ

សហករណ៍ក្វៀតតឹមបានបង្កើតពីឆ្នាំ ១៩៩៩ ដែលគឺជាទីកន្លែងប្រមូលដើមកក់ពីបណ្តាគ្រួសារផង គឺជាទីកន្លែងសិប្បកម្មបណ្តាផលិតផលធ្វើពីកក់ផង។ ក្រៅកម្មករធ្វើការនៅសហករណ៍ចំនួន ២០ នាក់ ក៏មានកម្មករទទួលការធ្វើផលិតផលពីកក់ដោយដៃនៅផ្ទះចំនួន ៥០០ នាក់។

លោកសែនរីករាយឲ្យដឹងបន្ថែមថា៖ “ដើមកក់ស្រួលដាំនិងថែទាំណាស់ ដូច្នេះក្នុងទំហំដី ១.០០០ម៉ែត្រការ៉េទទួលបានកក់ស្ងួតជាងមួយតោន។ នាបច្ចុប្បន្ននេះ ក្នុងមួយឆ្នាំបងប្អូនកសិករដាំបានបីរដូវ តំលៃកក់លេខមួយពី ១ ម៉ឺន ៩ ពាន់ ដល់ ២ ម៉ឺនមួយគីឡូក្រាមបានជួយបង្កើនប្រាក់ចំណូលរបស់បងប្អូនកសិករកាន់តែប្រសើរឡើង។”


ចាប់ពីបង្កើតសហករណ៍ មិនត្រឹមតែមានបណ្តាគ្រួសារក្នុងឃុំតែប៉ុណ្ណោះថែមទាំងបងប្អូនមួយចំនួននៅតំបន់​ជុំវិញ​ក៏មានការងារធ្វើបន្ថែមដែរ បង្កើនប្រាក់ចំណូលនៅពេលពួកគេទំនេរ។ ផលិតផលតរបស់​សហករណ៍​ក្វៀត​តឹមបានធ្វើយ៉ាងល្អិតល្អន់និងសម្បូរណ៍នូវមុខទំនិញ។ បណ្តាផលិតផលទូទៅជាកន្ទេលធ្វើពីកក់ កម្រាល​​​ព្រំធ្វើពីកក់ រួមជាមួយវត្ថុប្រើប្រាស់ វត្ថុវិចិត្រសិល្បៈដូចជាមួក កាបូប កាបូបយួរ កញ្ច្រែង ពុម្ភ…ត្រូវបាន​តំបន់ជាច្រើនក្នុងប្រទេសនិងបរទេសប្រមូលទិញ។

ដោយឡែកមុខទំនិញកន្ទេលធ្វើពីកក់និងកម្រាលព្រំតែងតែនាំចេញទៅលក់នៅបណ្តាប្រទេស៖ ប្រទេស​ស៊ុយ​អែត ប្រទេសដាណឺម៉ាក ប្រទេសជប៉ុន ប្រទេសកូរេខាងត្បូង មានលិខិតបញ្ជាទិញទំនិញស្ថេរភាពជារៀងរាល់សប្តាហ៍ រាល់ខែ។ បណ្តាផលិតផលរបស់សហករណ៍ក្វៀតតឹមបានអ្នកទិញវាយតំលៃខ្ពស់អំពីគុណភាព សោភណ្ឌភាពខ្ពស់។

ផលិតផលវិចិត្រសិល្បៈមួយចំនួនធ្វើពីកក់របស់សហករណ៍ក្វៀតតឹម៖














បានឲ្យដឹងថា ឃុំឌឹកមីមាន ២.៣៤៨ គ្រួសារ ហើយបានមានជាង ១.៦០០ គ្រួសារប្រកបមុខរបរដាំដើមកក់ សិប្បកម្មបណ្តាផលិតផលពីកក់។ ជីវភាពរបស់ប្រជាជនកាន់តែលើកកម្ពស់ដោយសារមុខរបរដាំដើមកក់។ ហេតុនេះចាប់ពីឆ្នាំ២០០៩ ឃុំឌឹកមីបានទទួលស្គាល់គឺភូមិត្បាញកម្រាលព្រំ កន្ទេលនាំចេញនិងក្លាយទៅជាសមាជិករបស់សមាគមន៍ភូមិរបរវៀតណាម./.  

អត្ថបទ៖សើនងៀ  - រូបថត៖ ង្វៀនឡឹន

បណ្តាអត្ថបទបានផ្សាយ