05/12/2021 13:38 GMT+7 Email Print Like 0

ដំណើរទស្សនកិច្ចជាផ្លូវការរបស់ប្រធានរដ្ឋវៀតណាម លោក Nguyen Xuan Phuc នៅសហព័ន្ធស្វីសនិងសហព័ន្ធរុស្ស៊ីទទួលបានជោគជ័យជាផ្លែផ្កា

ប្រធានរដ្ឋវៀតណាម លោក  Nguyen Xuan Phuc និងប្រធានាធិបតីសហព័ន្ធស្វីស  លោក Guy Parmelin។ ប្រភព៖ VNA


ដំណើរទស្សនកិច្ចជាផ្លូវការរបស់ប្រធានរដ្ឋវៀតណាម លោក Nguyen Xuan Phuc នៅសហព័ន្ធស្វីសនិងសហព័ន្ធរុស្ស៊ីទទួលបានជោគជ័យជាផ្លែផ្កា។ អនុរដ្ឋមន្ត្រីការបរទេសវៀតណាម លោក To Anh Dung បានថ្លែងដូច្នេះ ក្នុងបទសម្ភាសន៍ជាមួយសារព័ត៌មានស្ដីពីលទ្ធផលនៃដំណើរទស្សនកិច្ចទាំងពីរនេះ។

ទាក់ទងនឹងដំណើរទស្សនកិច្ចនៅសហព័ន្ធស្វីស ចាប់ពីថ្ងៃទី២៥ ដល់ថ្ងៃទី២៩ វិច្ឆិការបស់ប្រធានរដ្ឋវៀតណាម លោក  Nguyen Xuan Phuc នោះ  អនុរដ្ឋមន្ត្រីការបរទេស លោក To Anh Dung បានឲ្យដឹងថា ភាគីទាំងពីរបានផ្លាស់ប្ដូរមតិយ៉ាងទូលំទូលាយ ជាក់ស្ដែង ហើយទទួលបានឯកភាពគ្នាខ្ពស់ស្ដីពីវិធានការបង្កើនទំនាក់ទំនងទ្វេភាគី និងពហុភាគី ព្រមទាំងចែករំលែកទស្សនៈវិស័យស្ដីពីបណ្ដាបញ្ហាយុទ្ធសាស្ត្រក្នុងតំបន់ និងលើពិភពលោក ក្នុងនោះមានសារៈសំខាន់អំពីការរក្សាសន្តិភាព ស្ថិរភាព សន្តិសុខ និងសុវត្ថិភាពនាវាចរណ៍នៅសមុទ្រខាងកើត ឲ្យសមស្របនឹងច្បាប់អន្តរជាតិ។ ស្វីសបានអះអាងថា វៀតណាមគឺជាដៃគូអាទិភាព ដោយដើរតួនាទីដ៏សំខាន់ក្នុង ខ្សែសង្វាក់ផ្គត់ផ្គង់ និងផលិតកម្មក្នុងតំបន់ និងនៅលើពិភពលោក។

ទាក់ទងនឹងដំណើរទស្សនកិច្ចនៅសហព័ន្ធរុស្ស៊ីចាប់ពីថ្ងៃទី ទី ២៩ ខែវិច្ឆិកា ដល់ថ្ងៃទី ២ ខែធ្នូ របស់ប្រធានរដ្ឋវៀតណាម លោក Nguyen Xuan Phuc នោះ អនុរដ្ឋមន្ត្រីការបរទេស លោក To Anh Dung បានលើកច្បាស់ថា ភាគីទាំងពីរបានឯកភាពគ្នាអនុម័តលើសេចក្តីថ្លែងការណ៍រួមស្តីពីទស្សនៈវិស័យទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយរវាង វៀតណាមនិងសហព័ន្ធរុស្ស៊ី ដល់ឆ្នាំ២០៣០។ ប្រការនេះមានអត្ថន័យយុទ្ធសាស្ត្រដ៏សំខាន់ ជាពិសេសក្នុងបរិបទ ដែលភាគីទាំងពីរបានរៀបចំពិធីរំលឹកខួបលើកទី ២០ ទិវាបង្កើតទំនាក់ទំនងភាពជាដៃគូយុទ្ធសាស្ត្រ និងឆ្ពោះទៅរកពិធីរំលឹកខួបលើកទី ១០ ទិវាបង្កើតទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយ ដោយឆ្លើយតបនឹងផលប្រយោជន៍ដ៏យូរអង្វែងរបស់ប្រទេសទាំងពីរ ដើម្បីសន្តិភាព ស្ថិរភាព និងវិបុលភាពរួមនៅលើពិភពលោកផងដែរ៕

តាម VOV5 - វិទ្យុសំឡេងវៀតណាម

បណ្តាព័ត៌មានបានផ្សាយ