24/03/2019 06:31 GMT+7 Email Print Like 0

ជំរុញទំនាក់ទំនងភាពជាដៃគូយុទ្ធសាស្ត្ររវាងវៀតណាមនិងសិង្ហបុរី


 ទិដ្ឋភាពនៃកិច្ចប្រជុំ (រូបថត៖ vnanet.vn)
 

 នាព្រឹកថ្ងៃទី ២២ ខែមិនា ឧបនាយករដ្ឋមន្ត្រីអចិន្ត្រៃយ៍រដ្ឋាភិបាលវៀតណាម លោក Truong Hoa Binh បាន ជួប ចរចា​ជាមួយឧបនាយករដ្ឋ​មន្ត្រី សិង្ហបុរី លោក Teo Chee Hean​ ដែល​កំពុង​ធ្វើ​ទស្សន​កិច្ច​ជាផ្លូវការ​នៅវៀត​ណាម​។​

អញ្ជើញ​ថ្លែងនៅទីនេះ ឧបនាយករដ្ឋមន្ត្រី លោក Truong Hoa Binh បានឲ្យដឹងថា ទំនាក់ទំនង​ភាព​ជាដៃគូ​យុទ្ធសាស្ត្រវៀត​ណាម - សឹង្ហបុរីបានបន្តមានការ​អភិវឌ្ឍជា​វិជ្ជមាន និងជាក់​ស្ដែង​ក្នុង​រយៈពេល​ប៉ុន្មាន​ឆ្នាំកន្លង​ទៅ។​ ជាពិសេស កិច្ចសហប្រតិបត្តិ​ការលើវិស័យសេដ្ឋកិច្ច ពាណិជ្ជកម្ម​ និងវិនិយោគ​ជានិច្ច​កាល​ជាចំណុច​ភ្លឺស្វាង​ក្នុង​ទំនាក់ទំនងរវាងវៀ​តណាម និង សឹង្ហបុរី។ នាឆ្នាំ២០១៨ ទំហំ​ពាណិជ្ជកម្មទ្វេភាគីទទួលបាន ៧​,៦៦ ពាន់​លាន​ដុល្លារអាមេរិក នាំសឹង្ហបុរីក្លាយទៅជាដៃគូពាណិជ្ជកម្មធំទី ៤ របស់វៀតណាមក្នុងប្លុកអាស៊ាន ហើយជា​វិនិយោគិនបរទេសធំទី ៣ នៅវៀតណាម។ លោក Truong Hoa Binh បាន​អះអាង​នូវគោល​នយោបាយ​ដោយឥត​ងាក​រេរបស់វៀតណាម គឺ គោរពការអភិវឌ្ឍទំនាក់ទំន​ងភាពជាដៃគូយុទ្ធសាស្ត្រជាមួយ សឹង្ហបុរី ​ហើយ​ចាត់​ទុកនេះជាដៃគូសំខាន់ជួរមុខមួយក្នុងប្លុកអា​ស៊ាន និងតំបន់។ ហេតុដូច្នេះហើយ លោក T​ruong​ Hoa Binh ​បានស្នើឲ្យភាគីទាំងពីររក្សារាល់សកម្មភាពផ្លាស់​ប្ដូរគណ​ប្រតិភូ និងជួប​ប្រាស្រ័យ​ទាក់​ទង​គ្នាគ្រប់​ជាន់​ថ្នាក់​ និង​លើគ្រប់វិស័យជា​ប្រចាំ​។

ចំណែក​ឯ​ឧបនាយករដ្ឋមន្ត្រី សិង្ហបុរី លោក Teo Chee Hean បានឲ្យ​ដឹង​ថាគោល​ដៅនៃ​ដំណើរ​ទស្សនកិច្ច​លើក​នេះ ​គឺជំរុញខ្លាំងថែមទៀតនូវទំនាក់ទំនងរវាងសិង្ហ​បុរីនិងវៀតណាម។ លោក Teo Chee​ Hean បាន​ចាត់​ទុក​ថា​ភាគី​ទាំងពីរ​សុទ្ធតែមានជំនឿជាក់លើការអភិវឌ្ឍ​សហគមន៍អាស៊ានដ៏ខ្លាំងមាំ​មួន ហើយមាន​គោលបំណង​ចង់បើក​ទូលាយទំនាក់ទំនង ជាមួយបណ្ដាដៃគូនៅខាងក្រៅអាស៊ាន​៕​

 

តាម​ VOV5 - វិទ្យុសំឡេង​វៀតណាម​
 

បណ្តាព័ត៌មានបានផ្សាយ