13/11/2017 09:49 GMT+7 Email Print Like 0

ជំនួបចរចារជាន់ខ្ពស់វៀតណាម-ចិន

នារសៀលថ្ងៃទី១២ ខែវិច្ឆិកា ឆ្នាំ២០១៧នៅទីក្រុងហាណូយ អគ្គលេខាបក្សកុម្មុយនិស្តវៀតណាម លោក Nguyen Phu Trong បានអញ្ជើញជួបចរចារជាមួយអគ្គលេខាបក្សនិងជាប្រធានរដ្ឋចិន លោក Xi Jinping។

ទិដ្ឋភាពនៃជំនួបចរចារ

នៅក្នុងជំនួបនេះ លោកអគ្គលេខាបក្ស Nguyen Phu Trong បានស្វាគមន៍អគ្គលេខាបក្ស ប្រធានរដ្ឋចិន លោក Xi Jinping និងគណៈប្រតិភូជាន់ខ្ពស់របស់បក្សនិងរដ្ឋចិនដែលមកបំពេញទស្សនកិច្ចថ្នាក់រដ្ឋនៅវៀតណាម ជូនពរមហាសន្និបាតលើកទី១៩របស់បក្សកុម្មុយនិស្តចិនបញ្ចប់ប្រកបដោយជោគជ័យនិង លោក Xi Jinping ជាប់ជាអគ្គលេខាបក្សកុម្មុយនិស្តចិនជាថ្មីម្តងទៀត។លោក Nguyen Phu Trong បានអះអាងថា បក្ស រដ្ឋនិងប្រជាជន​វៀតណាមយកចិត្តទុកដាក់និងមានបំណងជម្រុញទំនាក់ទំនងអ្នកជិតខាងមិត្តភាព និងគាំទ្រចិនពង្រីក​នូវតួនាទីសកម្មនិងរួមចំណែកសកម្មទៅក្នុងសន្តិភាព ស្ថិរភាព និងភាពសម្បូររុងរឿងក្នុងតំបន់និងលើពិភពលោក។

រីឯខ្លួនវិញ អគ្គលេខាបក្ស ប្រធានរដ្ឋចិន លោក Xi Jinping បានជូនដំណឹងនូវលទ្ធផលសំខាន់នៃមហាសន្និបាតបក្សកុម្មុយនិស្តចិនលើកទី ១៩ ព្រមទាំងអះអាងថា បក្ស រដ្ឋាភិបាលចិនយកចិត្តទុកដាក់លើការពង្រឹងនិងពង្រីកទំនាក់ទំនងដៃគូសហប្រតិបត្តិការយុទ្ធសាស្ត្រចិន-វៀតណាម។ លោក Xi Jinping បានសម្តែងនូវការគាំទ្រលើបណ្តាទិសដៅនិងវិធានការសំដៅអភិវឌ្ឍន៍ទំនាក់ទំនងរវាងបក្សទាំងពីរ ប្រទេសទាំងពីរដែលជាសំណើររបស់​អគ្គលេខាបក្សវៀតណាម លោក Nguye n Phu Trong ។ លោកសង្កត់ធ្ងន់ថា ចិនយកចិត្តទុកដាក់យ៉ាងខ្លាំងលើការរក្សានិងពង្រីកនូវទំនាក់ទំនងមិត្តភាពជាប្រពៃណីរវាងប្រទេសទាំងពីរ។

ថ្នាក់ដឹកនាំទំាងពីររូបបានជូនដំណឹងជូនគ្នាទៅវិញទៅមក អំពីស្ថានភាពជាក់ស្តែងនៃបក្សនីមួយៗ។ ភាគីទាំង​ពីរបានឯកភាពពង្រីកនូវលទ្ធផលដែលទទួលបាននាពេលកន្លងទៅ រួមគ្នាដោះស្រាយការលំបាកជំពាក់ជំពិននាំទំនាក់ទំនងដៃគូសហប្រតិបត្តិការយុទ្ធសាស្ត្រលើគ្រប់វិស័យវៀតណាមចិនអភិវឌ្ឍន៍ប្រកបដោយជោគជ័យ​។

បន្ទាប់ពីកិច្ចចរចារ អគ្គលេខាបក្ស លោក Nguyen Phu Trong និងអគ្គលេខាបក្ស ប្រធានរដ្ឋចិន លោក Xi Jinping បានអញ្ជើញជាកសីណសាក្សីពិធីចុះហត្ថលេខាលើកិច្ចព្រមព្រៀងសហប្រតិបត្តិការមួយចំនួនផងដែរ៕

 

តាម VOV5 - វិទ្យុសម្លេងវៀតណាម

បណ្តាព័ត៌មានបានផ្សាយ