11/02/2020 11:02 GMT+7 Email Print Like 0

ជូនពលរដ្ឋវៀតណាមចំនួន៣០នាក់ពីខេត្ត Hubei (ចិន) វិលត្រឡប់មក ប្រទេសវិញ


 ក្រុមពលរដ្ឋវៀតណាមវិលត្រឡប់ពីទីក្រុង Wuhan ត្រូវបានត្រួតពិនិត្យយ៉ាងហ្មត់ចត់នៅព្រលានយន្តហោះ Noi Bai (រូបថត៖ TTXVN)
 

នាបច្ចុប្បន្ន​ ក្រុមពលរដ្ឋទាំងអស់ (ជាពិសេសគឺស្ត្រីម្នាក់កំពុងមានផ្ទៃពោះ៨ខែ) សុទ្ធតែមាន​សុខ​ភាព​និង​ស្មារ​តី​ល្អ​ ហើយនឹងត្រូវបានដាក់ដាច់ដោយឡែក ដើម្បីតាមដានសុខភាពតាមបទបញ្ញត្តិ។
 
អនុវត្ត​តាមការបញ្ជារបស់នាយករដ្ឋមន្រ្តីរដ្ឋាភិបាល ដោយឈរលើ បំណងប្រាថ្នារបស់ពលរដ្ឋ នាថ្ងៃទី១០កុម្ភៈ ក្រសួង​ការបរទេសវៀតណាម បានសហការជាមួយស្ថានទូតវៀតណាមប្រចាំនៅចិន និងក្រសួង ស្ថាប័ន តំបន់ទាក់​ទិននានា បញ្ជូនពលរដ្ឋវៀតណាមចំនួន៣០នាក់ (រួមមាននិស្សិត និងញាតិសន្ដាន ភ្ញៀវទេសចរ​វៀត​ណាម​) វិលត្រឡប់មកប្រទេសវិញ ពី ទីក្រុង Wuhan ខេត្ត Hubei ចិន ដែល​ជាតំបន់​ផ្ទុះឡើង​ជំងឺ​រាតត្បាត​ដោយ​វីរុស​ nCoV ហើយគ្មានការតភ្ជាប់ខាងចរាចរណ៍ជាមួយតំបន់ផ្សេងណាមួយឡើយ។
 
បន្ទាប់ពី​យន្តហោះដឹកក្រុមពលរដ្ឋវៀតណាមពោលខាងលើចុះចតនៅព្រលានយន្តហោះអន្តរជាតិ Van Don ខេត្ត Quang Ninh កាលពីព្រឹក ព្រលឹមថ្ងៃទី១០កុម្ភៈ សមត្ថកិច្ចវៀតណាមបានដំណើរការបាញ់ថ្នាំកំចាត់ មេរោគ ​ហើយត្រួតពិនិត្យសុខភាពសម្រាប់ពលរដ្ឋទាំង៣០នាក់នោះ។ នា បច្ចុប្បន្ន ក្រុមពលរដ្ឋទាំងអស់ (ជាពិសេស​គឺស្ត្រីម្នាក់កំពុងមានផ្ទៃពោះ៨ខែ) សុទ្ធតែមានសុខភាពនិងស្មារតីល្អ ហើយនឹងត្រូវ​បាន​ដាក់​ដាច់​ដោយ​ឡែក ​ដើម្បីតាមដានសុខភាពតាមបទបញ្ញត្តិ៕​

 

តាម VOV5 - វិទ្យុសំឡេងវៀតណាម

បណ្តាព័ត៌មានបានផ្សាយ