10/12/2017 10:13 GMT+7 Email Print Like 0

ជម្រុញការនាំចូលជលផលចូលប្រទេសអូស្ត្រាលី

នាថ្ងៃទី៨ ខែធ្នូ ឆ្នាំ២០១៧ ប្រធានគណៈ កម្មាធិការមជ្ឈឹមរណសិរ្សមាតុភូមិវៀតណាម លោក Tran Thanh Man បានអញ្ជើញទទួលជួបជាមួយលោក Norman Grant ប្រធានសម្ព័ន្ធសមាគមនាំចូលជលផលចូលប្រទេស អូស្ត្រាលីនៅ​ទីក្រុង Sydney ក្នុងក្របខ័ណ្ឌនៃដំណើរទស្សនកិច្ចការងារនៅប្រទេសអូស្ត្រាលីពីថ្ងៃទី៦ដល់ថ្ងៃទី១០ធ្នូ។


ប្រធានគណៈកម្មាធិការមជ្ឈឹមរណសិរ្សមាតុភូមិវៀតណាម លោក Tran Thanh Man អញ្ជើញទទួល
ជួបជាមួយលោក Norman Grant ប្រធានសម្ព័ន្ធសមាគមនាំចូលជលផលចូលប្រទេសអូស្ត្រាលី

នៅក្នុងជំនួបនេះ លោក Tran Thanh Man បានឲ្យដឹងថា រណសិរ្សមាតុភូមិវៀតណាមនឹងរួមជាមួយស្ថាប័នទាក់​ទិន​នានា រៀបចំសន្និសីទសន្ទនា ដើម្បីជម្រុញដំណើការនាំចូលរវាងសហគ្រាជលផលវៀតណាមចំនួន ១០០ ជាមួយសម្ព័ន្ធសមាគមនាំចូលជលផលអូស្ត្រាលី។ លោក Tran Thanh Man ជឿជាក់ថា  នាពេលខាងមុខ មុខទំនិញជលផលនាំចេញរបស់វៀតណាមកាន់តែមានគុណភាពល្អពីមួយថ្ងៃទៅមួយថ្ងៃ ឆ្លើយតបទៅនឹងសំណូមពរតឹងរឹងរបស់ទីផ្សារអន្តរ ជាតិក្នុងនោះមានអូស្ត្រាលី។

រីឯខ្លួនវិញ លោក Norman Grant បានអះអាងថា ការនាំចូលបង្កងដង្កៀបបៃតងចូលប្រទេសអូស្រ្តាលីកំពុងទទួល​បានការវាយតម្លៃយ៉ាងត្រឹមត្រូវតាមគោលការណ៍ធានាសុវត្ថិភាពជីវៈសាស្ត្រ។ តាមនោះ សម្ព័ន្ធសមាគមនាំចូលជលផលអូស្ត្រាលីមានបំណងថា រណសិរ្សមាតុភូមិវៀតណាមនឹងរួមសហការត្រួតពិនិត្យ សហគ្រាសជលផលអនុវត្ត​ត្រឹមត្រូវនូវដំណើរការចិញ្ចឹមនិងផលិតជលផល ដើម្បីធានាជីវៈសាស្ត្រនិងម្ហូបអាហារមុននឹងនាំចេញ៕

តាម VOV5 - វិទ្យុសម្លេងវៀតណាម

បណ្តាព័ត៌មានបានផ្សាយ