12/10/2017 10:00 GMT+7 Email Print Like 0

គណៈកម្មាធិការមជ្ឈឹមបក្សឯកភាពខ្ពស់អនុម័តបណ្តាសេចក្តីសម្រេចចិត្តនិងការសន្និដ្ឋានរបស់សន្និបាតមជ្ឈឹមទី៦

នាព្រឹកថ្ងៃទី១១ ខែតុលា ឆ្នាំ២០១៧ សន្និបាតលើកទី ៦ គណៈកម្មាធិការមជ្ឈឹមបក្សនីតិកាលទី ១២ បានបិទបញ្ចប់ប្រកបដោយជោគ ជ័យ ក្រោយរយៈពេល៧ថ្ងៃធ្វើការដោយសម្រេចបានទាំងស្រុងនូវកម្មវីធីដែលបាន ដាក់ចេញ។ 

 
អគ្គលេខាបក្ស លោក Nguyen Phu Trong អញ្ជើញថ្លែងមតិក្នុងពិធីបិទសន្និបាតលើកទី៦ គណៈកម្មាធិការមជ្ឈឹមបក្ស នីតិកាលទី១២

អញ្ជើញថ្លែងមតិក្នុងពិធីបិទ អគ្គលេខាបក្សកុម្មុនិស្តវៀតណាមលោក Nguyen Phu Trong បានសង្កត់ធ្ងន់ទៅ​លើ​ការផ្តល់អាទិភាពក្នុងការកសាងនិងពង្រឹងយន្តការ សណ្តាប់ធ្នាប់ ដើម្បីកែលំអបរិយាកាសវិនិយោគអាជីវកម្មឲ្យបានខ្លាំងក្លាថែមទៀត ជាពិសេស អភិវឌ្ឍន៍សេដ្ឋកិច្ចឯកជនឲ្យក្លាយទៅជាកម្លាំងចលករសំខាន់ៗនៃ​ខឿន​សេដ្ឋកិច្ចជាតិ។ ស្តីពីការងាររៀបចំកម្មាភិបាល លោក Nguyen Phu Trong បានឲ្យដឹង ថា គណៈ​កម្មាធិការ​មជ្ឈឹមបានពិភាក្សានិងវាយតម្លៃខ្ពស់ចំពោះការត្រៀមរៀបចំនិងឯកភាពខ្ពស់ជាមួយនឹងសំណើរបស់ការិយាល័យនយោបាយស្តីពីការបោះឆ្នោតជ្រើសតាំងសមាជិកបំពេញបន្ថែមចំនួនពីររូបទៀតសម្រាប់គណៈលេខានីតិកាលទី១២។ លោក Nguyen Phu Trong អញ្ជើញផ្តល់អនុសាសន៍ថា៖

“ខ្ញុំស្នើឲ្យសមាជិកគណៈកម្មាធិការមជ្ឈឹមបក្សម្នាក់ៗ និងកម្មាភិបាល បក្ខជន ទាំងអស់គប្បីហាត់ពត់លត់ដំជាប្រចាំ។ ពីឥឡូវតទៅ ករណីណាដែលរំលោភច្បាប់គឺត្រូវដោះស្រាយហ្មឹងមាត់ ដើម្បីរក្សារឹងមាំវិន័យរបស់បក្សនិង ដើម្បីទាក់ទាញឡើងវិញទំនុកទុកចិត្តនិងការស្រឡាញ់រាប់អានរបស់ប្រជាជន។ ត្រូវអះអាង ថា ប្រសិនបើប្រជាជនស្រុះចិត្តគំនិតចំពោះបក្ស មានន័យថា ប្រជាជននឹងជឿជាក់ហើយបក្សនឹងគង់វង្ស។
ប្រសិនបើធ្វើឲ្យបាត់បង់ការជឿទុកចិត្តរបស់ប្រជាជនគឺ មានន័យថា យើងនឹងបាត់បង់ទាំងអស់”។

អគ្គលេខាបក្ស លោក Nguyen Phu Trong បានគូសបញ្ជាក់ថា  ការអនុវត្តរាល់ភារកិច្ចយុទ្ធសាស្ត្រដែលសន្និបាតលើកទី ៦ គណៈកម្មាធិ ការ បក្សនីតិកាលទី ១២ ដាក់ចេញនោះ គឺបាននិងកំពុងក្លាយទៅជាចលនាបដិវត្តន៍ទូទាំងប្រទេសទទួលបានការជួយជ្រោមជ្រែងរបស់បក្សទាំងមូល ប្រជាជនទាំងមូលនិងកងទ័ពទាំង​មូល​ បង្កើតកម្លាំងចលករថ្មីសម្រាប់បុព្វហេតុផ្លាស់ប្តូរថ្មី កសាងប្រទេសវៀតណាមមួយ ប្រជាជនសម្បូរធូធារ ប្រទេសជាតិខ្លាំងមាំមួន ប្រជាធិបតេយ្យ យុត្តិធម៌និងអរិយធម៍៕

តាម VOV5 - វិទ្យុសម្លេងវៀតណាម

 
បណ្តាព័ត៌មានបានផ្សាយ