09/03/2015 11:50 GMT+7 Email Print Like 0

ក្រសួងការពារប្រទេសវៀតណាមនិងក្រសួងការពារជាតិកម្ពុជាបង្កើនកិច្ចសហប្រតិបតិ្តការ

ចាប់ពីថ្ងៃទី៦ដល់ទី៧ មិនា គណៈប្រតិភូយោធាជាន់ខ្ពស់កម្ពុជាដឹក នាំដោយនាយឧត្តមសេនីយ៍ ទៀ បាញ់ ឧបនាយករដ្ឋមន្រ្តីនិងជារដ្ឋមន្រ្តីក្រសួង ការពារជាតិកម្ពុជា បានអញ្ជើញបំពេញទស្សនកិច្ច​ការងារ​នៅ​វៀតណាម។នៅជំនួប ចរចារដែលបានប្រព្រឹត្តទៅនាថ្ងៃទី៦ ខែមិនា ឆ្នាំ២០១៥ នៅទីក្រុងហូជីមិញ ភាគខាង​ត្បូង​វៀតណាម នាយឧត្តមសេនីយ៍ Phung Quang Thanh រដ្ឋមន្ត្រីក្រសួងការពារប្រទេសវៀតណាម បានអះអាង​ថា ប្រជាជននិងកងទ័ពវៀតណាមជានិច្ចកាលសាមគ្គី គាំទ្រ និងជួយឧបត្ថម្ភប្រជាជន​និង​កងទ័ព​កម្ពុជា​​ក្នុងបុព្វហេតុកសាងនិងការពារប្រទេសជាតិ។
 


រដ្ឋមន្រ្តីក្រសួងការពារប្រទេសនៃប្រទេសទាំង២ចុះហត្ថលេខាលើកិច្ចព្រមព្រៀងសហប្រតិបតិ្តការឆ្នាំ២០១៥

 


“កិច្ចសហប្រតិបតិ្តការរវាងក្រសួងការពារប្រទេសនៃប្រទេសទាំង២កំពុងអភិវឌ្ឍន៍ យ៉ាងទូលំទូលាយ មិន​ត្រឹម​​តែ​​រ​វាងថ្នាក់ជាន់ខ្ពស់ប៉ុណ្ណោះទេ ថែមទាំងរវាងបណ្ដា ផ្នែកទ័ព សាលាសភាបណ្ឌិត មហាវិទ្យាល័យ យោធា​​ភូមិភាគ​ខែត្តក្រុង ស្រុក ឃុំ និងប្រជាជនទៀតផង។ ប្រការនេះចាប់ផ្ដើមពីបេះដូង ដែល​បង្ហាញ​ពីគោល​បំណងថា ប្រទេសកម្ពុជាមានសន្តិភាព​ស្ថិរភាពនិងអភិវឌ្ឍន៍។ នោះក៏ជាផលប្រយោជន៍ របស់​វៀត​ណាម​ផងដែរ។” 

នៅជំនួបចរចារនេះដែរ រដ្ឋមន្ត្រីទាំង២រូប បានឯកភាពថា ក្នុងឆ្នាំ២០១៥និងប៉ុន្មានឆ្នាំ ជាបន្ត កងទ័ព​នៃ​ប្រទេស​ទាំង​​ ​២​ បន្តបង្កើនទំនាក់ទំនងលើគ្រប់ជ្រុងជ្រោយ ធ្វើឲ្យកិច្ច សហប្រតិបតិ្តការ​ឈានចូល​ភាព​ស៊ី​ជំ​រៅ​​ ទទួល​បាន​ប្រសិទ្ធភាពជាក់ស្ដែង និងផ្ដោត សំខាន់ទៅលើវិស័យនានាដូចជា ផ្លាស់ប្ដូរគណៈប្រតិភូ បណ្ដុះ​បណ្ដាល​បំប៉ន​កម្មាភិបាល ស្វែងរកអិដ្ឋ​ធាតុយុទ្ធជនស្ម័គ្រចិត្តវៀតណាម​និងធានាឲ្យខ្សែព្រំដែន​នៃ​ប្រទេស​​ទាំង២មាន​សន្តិភាព​ មិត្តភាព ស្ថិរភាពនិងអភិវឌ្ឍន៍៕                 

 

                     Ngoc Xuan អ្នកយកសារព័ត៏មានរបស់VOVប្រចាំនៅទីក្រុងហូជីមិញ

 
បណ្តាព័ត៌មានបានផ្សាយ