13/07/2015 09:28 GMT+7 Email Print Like 0

"ការវិលត្រឡប់ "របស់អណ្តើកភាគកណ្តាលចំនួន ៧១ ក្បាល

មជ្ឈមណ្ឌលអភិរក្សអណ្តើកព្រៃគុកភឿង (ខេត្តនិញប៊ិញ) កំពុងចិញ្ចឹមអណ្តើកភាគកណ្តាល ដ៏កម្រមាន​ចំនួន​ ២០០ ក្បាល ដើម្បីអភិរក្សប្រភពពូជ ហើយការបង្កាត់ពូជនិងបំរើភារកិច្ចស្រាវជ្រាវបច្ចេកវិទ្យា។ ជា​ពិសេស​ក្នុងរយៈពេលកន្លងទៅ មជ្ឈមណ្ឌលនេះបានទទួលសត្វអណ្តើកភាគកណ្តាលពីសួនសត្វ Rotterdam​​ (ប្រទេសហូឡង់) និងសួនសត្វ Munster (ប្រទេសអាល្លឺម៉ង់) ត្រឡប់ទៅវៀតណាមវិញ ដើម្បី​សំរប​និងលែងវាវិសត្រឡប់បរិស្ថានធម្មជាតិនៅខេត្តក្វាងង៉ាយ។

ចំងាយពីរដ្ឋធានីហាណូយប្រហែល ១២០ គីឡូម៉ែត្រ មជ្ឈមណ្ឌលអភិរក្ស​អណ្តើកព្រៃគុកភឿង​បាន​ស្ថិត​ក្នុង​បរិវេណ​ឧទ្យានជាតិគុកភឿង ស្រុកញ៉ក្វាន ខេត្តនិញប៊ិញ។ ជារៀងរាល់ឆ្នាំ នៅទីនេះទទួលស្វាគមន៍ មគ្គុទ្ទេសក៍​​​​​​​ភ្ញៀវទេសចរណ៍ក្នុងប្រទេសនិងអន្តរជាតិរាប់ម៉ឺននាក់មកទស្សនាមណ្ឌលដាក់តាំង អធិប្បាយ​អំពី​បណ្តា​ប្រភេទអណ្តើករស់លើគោកនិងបណ្តាប្រភេទអណ្តើករស់ក្នុងទឹកសាបរបស់វៀតណាម។

លោកដូថាញ់ហាវ អ្នកគ្រប់គ្រងមជ្ឈមណ្ឌលអភិរក្សអណ្តើកព្រៃគុកភឿងឲ្យដឹងថា៖ បច្ចុប្បន្ននេះ មជ្ឈ​មណ្ឌល​​​​​កំពុងថែទាំនិងសង្គ្រោះអណ្តើកចំនួន ៧០០ ក្បាលក្នុង ២០ ប្រភេទលើ ២៥ ប្រភេទអណ្តើក​រស់​លើ​គោក​និងអណ្តើករស់ក្នុងទឹកសាបរបស់វៀតណាម។

ក្នុងរយៈពេល ២០ ឆ្នាំ ធ្វើសកម្មភាពក្នុងការងារអភិរក្សអណ្តើក មជ្ឈមណ្ឌលនេះបានបន្តពូជ ១៥ ប្រភេទ​អណ្តើក​ក្នុងលក្ខណៈចិញ្ចឹមនិងឃុំឃាំង ប្រកបដោយជោគជ័យនិងអនុវត្តន៍លែងសត្វអណ្តើករាប់រយក្បាល បន្ទាប់​ពីបានសង្គ្រោះនិងថែទាំសុខាភាពបានល្អ ហើយត្រឡប់មកតំបន់រស់នៅរបស់វាក្នុងបរិស្ថានធម្មជាតិ។


ក្រោយខណៈពេល ៥ ឆ្នាំ សត្វអណ្តើកភាគកណ្តាលចំនួន ៧១ ក្បាលត្រូវបានចិញ្ចឹមនៅសួនសត្វ Rotterdam (ប្រទេសហូឡង់) និងសួនសត្វ Munter (ប្រទេសអាល្លឺម៉ង់)បានដឹកត្រឡប់​មក​ប្រទេស​វៀតណាម​វិញ​ដោយ​យន្តហោះ​

ទិដ្ឋភាពជាក់ស្តែងសត្វអណ្តើកភាគកណ្តាល ប្រភេទសត្វអណ្តើកពិសេសរបស់វៀតណាម

កម្មាភិបាលនៃមជ្ឈមណ្ឌលអភិរក្សអណ្តើកព្រៃគុកភឿងទទួលបណ្តាសត្វអណ្តើកភាគកណ្តាលត្រូវបានភាគីវៀតណាមផ្ញើចិញ្ចឹមនៅសួនសត្វ (ប្រទេសហូឡង់) និងសួនសត្វ (ប្រទេសអាល្លឺម៉ង់) ៥ ឆ្នាំមុន

បងង្វៀនវ៉ាន់ថាយ កម្មាភិបាលមជ្ឈមណ្ដលអភិរក្សអណ្តើកព្រៃគុកភឿង អនុវត្តពិនិត្យយ៉ាងហ្មត់ចត់បណ្តាសត្វអណ្តើកក្នុងដំណើរទទួលនិងផ្តល់ឲ្យមជ្ឈមណ្ឌល

បណ្តាសត្វអណ្តើកភាគកណ្តាលនិមួយៗ ពេលត្រូវបានដឹកវិលត្រឡប់មកមជ្ឈមណ្ឌលអភិរក្សអណ្តើកព្រៃគុគភឿងវិញ សុទ្ធតែបានអ្នកជំនាញបរទេសផ្តល់ការណែនាំនិងត្រួតពិនិត្យ

វាស់ពិនិត្យទំងន់របស់សត្វអណ្តើកនៅពេលទទួល

ការវាស់និងថ្លឺងបណ្តាសត្វអណ្តើកត្រូវអនុវត្តន៍យ៉ាងហ្មត់ចត់

បណ្តាសត្វអណ្តើកនិមួយៗ ត្រូវអ្នកជំនាញបរទេសគូសចំណាំពិសេសដើម្បីងាយស្រួលតាមដ្ឋាន

អណ្តើកភាគកណ្តលក៏បានមជ្ឈមណ្ឌលអភិរក្សអណ្តើកព្រៃគុកភឿងបន្តពូជប្រកបដោយជោគជ័យ។
រូបថត៖ ដូហាវ


ជារៀងរាល់ថ្ងៃ កម្មាភិបាលនៅមជ្ឈមណ្ឌលអភិរក្សអណ្តើកព្រៃគុកភឿងស្ទើរតែពិនិត្យសុខាភាព ដំណើរការអភិវឌ្ឍន៍អណ្តើកភាគកណ្តាល។ រូបថត៖ ដូហាវ



អណ្តើកភាគកណ្តលមានឈ្មោះបច្ចេកវិទ្យា Mauremys annamensis ដែលគឺអណ្តើកមួយប្រភេទចំណុះអណ្តើក  Geoemydidae (Geoemydidae​ = Bataguridae)។ អណ្តើកភាគកណ្តាលគឺប្រភេទពិសេសនៃតំបន់តូចមួយនៅភាគកណ្តាលនៃប្រទេសវៀតណាម។ ប្រភេទ​អណ្តើកនេះសម្បូរណ៍​បង្គូរក្នុងបណ្តាឆ្នាំ ១៩៣០ ប៉ុន្តែក្នុងការពិនិត្យជាក់ស្តែងក្រោយឆ្នាំ ១៩៤១ មិនបានរកឃើញសត្វអណ្តើកមួយក្បាល​ណា​​សោះរស់ក្នុងធម្មជាតិ។

ជាក់ស្តែង នាខែវិច្ចិកា ឆ្នាំ២០០០ មជ្ឈមណ្ឌលបានលែងអណ្តើក Indotestudo elongata ចំនួន៥០០ក្បាលត្រឡប់មកបរិស្ថានរស់នៅក្នុងធម្មជាតិនៅឧទ្យានជាតិកាតទៀន។ នាខែឧសភា ឆ្នាំ២០០៧លែងសត្វអណ្តើកចំនួន ១៩៦ ក្បាល ក្នុងមាន ៤ ប្រភេទ៖ អណ្តើក Hieremys annandali អណ្តើក Seibenrockiella crassicollis  អណ្តើក Heosemys grandis អណ្តើក Cuora amboinensis... ត្រឡប់មកតំបន់បរិស្ថានធម្មជាតិក្នុងទូទាំងប្រទេស។

បានឲ្យដឹងថា បណ្តាសត្វអណ្តើកភាគកណ្តាលក្នុងធម្មជាតិបានស្ទើរតែផុតពូជដោយការប្រមាញ់និងជួញដូរខុសច្បាប់។ សញ្ញាគួរឲ្យសប្បាយមួយគឺជាមជ្ឈម​ណ្ឌល​​​សង្រ្គោះអណ្តើកព្រៃគុកភឿងបានចិញ្ចឹមនិងថែទាំសត្វអណ្កើកភាគកណ្តាល​​ចំនួន ២០០ ក្បាលក្នុងបរិស្ថានធម្មជាតិដោយមនុស្សធ្វើឡើង ដើម្បីបំរើការស្រាវជ្រាវបច្ចេកវិទ្យានិងអភិរក្សប្រភពពូជ ។

តាមនេះ មជ្ឈមណ្ឌលក៏សហការជាមួយមជ្ឈមណ្ឌលស្រាវជ្រាវធនធានធម្មជាតិនិងបរិស្ថាន
 (CRES) ចំណុះមហាវិទ្យាល័យជាតិហាណូយដើម្បីស្រាវជ្រាវរបស់​អណ្តើក​​ភាគ​កណ្តាល សំរាប់ទិសដៅបន្តពូជនិងអភិរក្សប្រភេទអណ្តើកមានតំ​លៃ​​និងកម្រ​មាន។ 

សត្វអណ្កើកភាគកណ្តាលចំនួន ៧១ ក្បាលទើបត្រឡប់មកវៀតណាមវិញពីអឺរុបលើកនេះ នឹងបានជួបជុំនឹងសត្វអណ្តើកផ្សេងចំនួន ២០០ ក្បាល ដែលកំពុងសង្គ្រោះនៅមជ្ឈមណ្ឌលអភិរក្សអណ្តើកព្រៃគុកភឿង។ បរិមាណសត្វអណ្តើកទាំងឡាយនេះសុទ្ធតែរឹបអូសពីការជួញដូរខុសច្បាប់ ដែលប្រជាជន​ស្ម័គ្រចិត្តផ្តល់ ឬ បង្កាត់ពូជប្រកបដោយជោគជ័យនៅមជ្ឈមណ្ឌលសង្គ្រោះអណ្តើកព្រៃគុកភឿង។

ទិសដៅចុងក្រោយបង្អស់គឺប្រភេទអណ្តើកភាគកណ្តាលទាំងឡាយនឹងលែងត្រឡប់មកបរិស្ថានធម្មជាតិវិញ​សម​ស្របបំផុតនៅខេត្តក្វាងង៉ាយ បន្ទាប់ពីវាមានសមត្ថភាពសំរប នឹងបរិស្ថានរស់នៅ។ នេះគឺជាចំណែកមួយក្នុងគម្រោងអភិរក្សអណ្តើកភាគកណ្តាល (MAP)  ចំណុះកម្មវិធីអភិរក្សអណ្តើកអាស៊ី (ATP)./.
អនុវត្តន៍៖ គ្វីញអាញ់ វ៉ាន់គ្វៀន និងដូហាវ
 

បណ្តាអត្ថបទបានផ្សាយ