02/04/2018 09:44 GMT+7 Email Print Like 0

កម្លាំងចលករថ្មីសំរាប់ទំនាក់ទំនងវៀតណាម-បារាំង វៀតណាម-គុយបា

ក្នុងឱកាសអគ្គលេខាបក្សកុម្មុយនិស្តវៀតណាម លោក Nguyen Phu Trong បញ្ចប់ប្រកបដោយល្អប្រសើរដំណើរទស្សនកិច្ចនៅបារាំងនិងគុយបា ចាប់ពីថ្ងៃទី ២៥ដល់ទី ៣០ មីនា កន្លងទៅ ប្រធានគណៈកម្មាធិការកិច្ចការបរទេសមជ្ឈឹម លោក Hoang Binh Quan បានឆ្លើយសម្ភាស៍សារព័ត៌មានស្ដីពីលទ្ធផលលេចធ្លោ ក្នុងដំណើរទ្សនសកិច្ចទាំងពីរនេះ។

ប្រធានគណៈកម្មាធិការកិច្ចការបរទេសមជ្ឈឹម លោក Hoang Binh Quan (រូបថត៖ TTXVN)

តាមលោក Hoang Binh Quan ថា ដំណើរទស្សនកិច្ចនៅបារាំងនិងគុយបារបស់អគ្គលេខាលោក Nguyen Phu មានអត្ថន័យប្រវត្តិសាស្ត្រ ដោយបង្កើតកម្លាំងចលករថ្មីនិងការបោះជំហានលោតផ្លោះសំខាន់ក្នុងទំនាក់ ទំនង ជាមួយ ប្រទេសទាំងពីរខាងលើ។លោកអគ្គលេខាបានជួបចរចា ជួប សវនាការជាមួយថ្នាក់ដឹកនាំសឹងតែទាំងអស់របស់បារាំងនិងគុយបា ជួប ប្រាស្រ័យជាមួយប្រជាជន យុវជននិងពាណិជ្ជករ។

ដំណើរទស្សនកិច្ចរបស់ លោក Nguyen Phu Trong បាននាំទំនាក់ទំនងរវាងវៀតណាមជាមួយបារាំងនិង គុយ​បា​ឈាន​ទៅដំណាក់កាលអភិវឌ្ឍន៍ថ្មី។ ប្រការនេះត្រូវបានបង្ហាញតាមរយៈខ្លឹមសារសេចក្ដីថ្លែងការណ៍រួមវៀតណាម-បារាំង វៀតណាម-គុយបា ដែលឆ្លុះបញ្ចាំងអំពីទស្សនៈវិស័យដ៏យូរអង្វែង ការប្ដេជ្ញាចិត្តរួមនិងការសន្យាខាង នយោបាយ ក្នុងការជំរុញយ៉ាងខ្លាំងក្លាទំនាក់ទំនងវៀតណាម-បារាំងនិងវៀតណាម-គុយបា។

ក្នុងដំណើរទស្សនកិច្ចទាំងពីរនេះ វៀតណាមបានចុះហត្ថលេខាលើឯកសារសហប្រតិបតិ្តការ កិច្ចសន្យាសេដ្ឋកិច្ច​ចំ​នួន ៤៣ លើវិស័យជាច្រើន ជាមួយក្រសួង ស្ថាប័នទាក់ទិននានារបស់បារាំងនិងគុយបា។ ដំណើរទស្សនកិច្ច របស់អគ្គលេខាលោក Nguyen Phu Trong បានរួមចំណែកពង្រឹងចំណងមិត្តភាព សាមគ្គីភាពដ៏ជ្រាលជ្រៅរវាងប្រជាជន​វៀតណាមជាមួយប្រជាជនបារាំងនិង ប្រជាជនគុយបា៕

តាម VOV5 - វិទ្យុសម្លេងវៀតណាម

បណ្តាព័ត៌មានបានផ្សាយ