28/11/2013 14:49 GMT+7 Email Print Like 0  
 

ທະນາຄານ VietinBank

ທະນາຄານ ອຸດສາຫະກຳ-ການຄ້າ ຫວຽດນາມ (VietinBank) ເດີມແມ່ນ ທະນາຄານວິສາຫະກິດແຫ່ງໜຶ່ງ ປະຕິບັດພຽງ ວຽກງານອາຊີບ ຂອງ ທະນາຄານພາຍໃນເທົ່ານັ້ນ. ແຕ່ເນື່ອງຈາກມີການເຊື່ອມໂຍງເຂົ້າກັບ ສາກົນ ຢ່າງຂະຫຍັນຂັນແຂງ, ມາຮອດປັດຈຸບັນ, VietinBank ໄດ້ກາຍເປັນ ທະນາຄານແຫ່ງທຳອິດຢູ່ຫວຽດນາມ ມີໜ້າຢູ່ທະວີບເອີຣົບ ແລະ ມີການ ພົວພັນກັບ ອົງການກຳນົດລະບອບການເງິນ ເກືອບ 1000 ແຫ່ງ ຂອງ 90 ປະເທດໃນທົ່ວໂລກ.

 

ໃນຊຸມປີ 90 ຂອງສະຕະວັດກ່ອນ, ພວກຂ້າພະເຈົ້າໄດ້ມີໂອກາດໄປເຖິງສຳນັກງານຂອງທະນາຄານ ອຸດສາຫະກຳ-ການຄ້າຫວຽດນາມ ທີ່ເຮືອນເລກທີ 16-18 ຖະໜົນ ຟານດິ່ງຟຸ່ງ, ຮ່າໂນ້ຍ. ໃນຄາວນັ້ນ, ພື້ນຖານວັດຖຸຂອງ VietinBank ມີພຽງຕຶກອາຄານ 5 ຊັ້ນ ຫຼັງໜຶ່ງ ທີ່ເກົ່າແກ່ ແລະ ຊຸດໂຊມຫຼາຍ.
ຫຼັງຈາກນັ້ນອີກບໍ່ດົນ, ໂສມໜ້າຂອງ VietinBankໄດ້ມີການປ່ຽນແປງຢ່າງເຫັນໄດ້ຊັດ. ສິ່ງດັ່ງກ່າວ ສະແດງ ໃຫ້ເຫັນ ໂດຍຜ່ານ ສູນພົວພັນແລກປ່ຽນ ທີ່ມີຂອບຂະໜາດອັນຍິ່ງໃຫຍ່ ແລະ ທັນສະໄໝ ຫຼາຍແຫ່ງ ໄດ້ ປະກົດຕົວນັບມື້ນັບຫຼາຍ. ທີ່ນະຄອນຫຼວງຮ່າໂນ້ຍ, ນອກຈາກສຳນັກງານໃຫຍ່ມີ 17 ຊັ້ນ ຕັ້ງຢູ່ເຮືອນເລກທີ 108 ຖະໜົນເຈີ່ນຮືງດ້າວແລ້ວ, VietinBank ຍັງຄົງມີ ກິດຈະກຳທີ່ມີຂອບຂະໜາດໃຫຍ່ອື່ນໆ ອີກຫຼາຍແຫ່ງ ຄື: ຕຶກອາຄານສາຂາ ຢູ່ເມືອງບາດິ່ງ(12 ຊັ້ນ), ຢູ່ເມືອງແທງຊວນ(12 ຊັ້ນ) ແລະ ຢູ່ເມືອງໂດ໋ງດາ(16 ຊັ້ນ).

ທ່ານປະທານປະເທດ ເຈືອງເຕິນຊາງ ພ້ອມກັບ ທ່ານປະທານ ສະພາບໍລິຫານ VietinBank ຟ້າມຮຸຍຮຸ່ງ ໃນພິທີ
ເປີດສາຂາ VidinBank ທີ່ນະຄອນຫຼວງວຽງຈັນ-ລາວ(ເດືອນມັງກອນ 2012). ພາບ: ເອກະສານ


ທ່ານນາງ ຮອງປະທານປະເທດ ຫງວຽນທິຢວານ ແລະ ບັນດາຜູ້ແທນ ຕັດແຖບຜ້າ ເປີດສາຂາ VietinBank Berlin
(ເຢຍລະມັນ) ປີ 2012. ພາບ: ເອກະສານ

ທ່ານປະທານສະພາບໍລິຫານ VietinBank ຟ້າມຮຸຍຮຸ່ງ ຕາງໜ້າທະນາຄານ VietinBank ຮັບ ລາງວັນຄຳ
ກ່ຽວກັບຄຸນນະພາບສາກົນປີ 2010 ທີ່ ນິວຢອກ (ອາເມລິກາ) ຈາກອົງການ
Business Initiative Direction(BID). ພາບ: ເອກະສານ

ການພົວພັນແລກປ່ຽນ ທີ່ສາຂາທະນາຄານ VietinBank ບາດິ່ງ.
 
«
          ສາຂາ VietinBank ປະຈຳລາວ ເປັນສາຂາ ທະນາຄານຕ່າງປະເທດ ມີການ ພັດທະນາໃນ ຕະຫຼາດລາວ ຢ່າງໄວວາ, ການເຄື່ອນໄຫວດຳເນີນ ເສດຖະກິດບັນລຸ ປະສິດທິຜົນ, ຈະແຈ້ງ, ສະໜອງບໍລິການ ການເງິນ, ທະນາຄານທັນສະໄໝ ແລະ ຮອບດ້ານ”.
(ທ່ານ ດຣ. ສົມພາວ ໄຟສິດ, ຜູ້ວ່າການທະນາຄານແຫ່ງ ສປປ ລາວ)
                                              »
ເພື່ອກະກຽມແຫຼ່ງຊັບພະຍາກອນມະນຸດໃຫ້ແກ່ ຍຸດທະສາດ ພັດທະນາ ຢ່າງຍາວນານ, VietinBank ໄດ້ໃຫ້ການກໍ່ສ້າງ ໂຮງຮຽນ ກໍ່ສ້າງ ແລະ ພັດທະນາແຫຼ່ງ ຊັບພະຍາກອນມະນຸດ ແຫ່ງໜຶ່ງ ຕັ້ງຢູ່ໃນ ບໍລິເວນກວມເນື້ອທີ່ 10 ເຮັກຕາ ຢູ່ຕາແສງເວີນແກງ, ເມືອງຮວ່າຍດຶກ, ຮ່າໂນ້ຍ. ໂຮງຮຽນດັ່ງກ່າວມີຫ້ອງຮຽນ 60 ຫ້ອງ ບັນລຸມາດຕະຖານ ສາມາດບັນຈຸນັກຮຽນປະມານ 3000 ຄົນ ພ້ອມກັບ ລະບົບ ຫໍສະໝຸດ, ຕຶກປະຕິບັດຕົວຈິງ, ຕຶກຫຼິ້ນກິລາ, ເດີ່ນ ເທັນນິສ, ສະລອຍນ້ຳ, ສະໂມສອນຈັດຕັ້ງເຫດການຕ່າງໆ ແລະ ຫໍພັກທີ່ມີເຄື່ອງໃຊ້ຄົບຊຸດ.
ໃນປີ 2013, VietinBank ໄດ້ສະເຫຼີມສະຫຼອງວັນ ຄົບຮອບ 25 ປີ ແຫ່ງການສ້າງຕັ້ງ ແລະ ພັດທະນາ (1988-2013). ດ້ວຍຄວາມມານະພະຍາຍາມຢ່າງບໍ່ລົດລະ, VietinBank ພວມນັບມື້ນັບ ຢືນຢັນບົດບາດ ທີ່ຕັ້ງຂອງຕົນ ໃນລະບົບທະນາຄານ ຢູ່ພາຍໃນ ແລະ ສາກົນອີກດ້ວຍ.
ປັດຈຸບັນ, VietinBank ພວມແມ່ນທະນາຄານມີຈຳນວນທຶນດຳລັດໃຫຍ່ທີ່ສຸດຫວຽດນາມ, ຂຶ້ນເຖິງ ກວ່າ 32 ພັນ ຕື້ດ່ົງ ແລະ ຢືນທີສອງ ກ່ຽວກັບດ້ານຊັບສົມບັດ ຊຶ່ງລວມມູນຄ່າກວ່າ 503 ພັນຕື້ດ່ົງ. VietinBank ກໍເປັນທະນາຄານມີ ຮ່າງປະກອບຜູ້ຖືຫຸ້ນເຂັ້ມແຂງທີ່ສຸດຫວຽດນາມໃນປັດຈຸບັນ. ທະນາຄານພວມມີ ສອງ ຂາຫຸ້ນຍຸດທະສາດ ຄື: Bank of Tokyo-Misubishi UFJ(BTMU) ເປັນທະນາຄານລາຍໃຫຍ່ທີ່ສຸດຂອງ ຍີ່ປຸ່ນ, ຈັດອັນດັບໂລກ ແລະ ບໍລິສັດການເງິນສາກົນ (IFC) ທີ່ສັງກັດທະນາຄານໂລກ (WB).
ດ້ວຍນະໂຍບາຍເຊື່ອມໂຍງຢ່າງກວ້າງຂວາງ ແລະ ເລິກເຊິ່ງ, VietinBank ໄດ້ປະຕິບັດຍຸດທະສາດ ເປີດກວ້າງເຄືອຂ່າຍ ຂອງຕົນອອກສູ່ຕ່າງປະເທດ, ເພີ່ມທະວີການປະກົດຕົວ ແລະ ໂຄສະນາເຄື່ອງໝາຍ ການຄ້າຂອງຕົນ ເຖິງບັນດານັກລົງທຶນຕ່າງປະເທດ.
VietinBank ເປັນທະນາຄານແຫ່ງທຳອິດຂອງຫວຽດນາມມີໜ້າຢູ່ທະວີບເອີຣົບ ຊຶ່ງເປັນຂີດໝາຍແຫ່ງການ ເປິດຫ້ອງການຕາງໜ້າຢູ່ Frankfurt (ເຢຍລະມັນ) ເມື່ອເດືອນ ເມສາ 2010 ແລະ ຖັດຈາກນັ້ນແມ່ນ ການເປີດສາຂາແຫ່ງທຳອິດ ກໍຢູ່ Frankfurt ໃນເມື່ອເດືອນ ກັນຍາ 2011. ປະຈຸບັນ, VietinBank ໄດ້ມີໜ້າຢູ່ ເຢຍລະມັນ, ລາວ ແລະ ພວມຊຸກຍູ້ເປີດກວ້າງຕະຫຼາດໄປສູ່ບັນດາປະເທດອື່ນໆຄື: ອັງກິດ, ໂປໂລຍ ແລະ ແຊັກ.
ເຖິງແມ່ນວ່າ ສະພາບ ການເງິນທົ່ວໂລກກຳລັງສຸດທີ່ໝົ່ນໝອງກໍຕາມ , ແຕ່ ເມື່ອປີ 2012, VietinBank ຍັງຄົງຈຳໜ່າຍພັນທະບັດ 250 ລ້ານໂດລາສະຫະລັດ ອອກສູ່ຕະຫຼາດສາກົນ ແລະ ຂາຍໃບຫຸ້ນໃຫ້ແກ່ ຜູ້ຖືຫຸ້ນຍຸດທະສາດຕ່າງປະເທດ BTMU ຢ່າງປະສົບຜົນສຳເລັດ. ນີ້ແມ່ນສອງເຫດການທີ່ພິເສດ ເປັນ ຂີດໝາຍແຫ່ງບາດກ້າວພັດທະນາຢ່າງກ້າວກະໂດດຂັ້ນຂອງ VietinBank ໃນເສັ້ນທາງເຊື່ອມໂຍງ ເຂົ້າກັບສາກົນ.
ດ້ວຍບາດກ້າວຕ່າງໆທີ່ເປັນໜ້າຊື່ນຊົມ ຄືດັ່ງກ່າວມາຢູ່ຂ້າງເທິງ, ປີ 2012 VietinBank ໄດ້ຮັບການ ເລືອກເຟັ້ນເປັນວິສາຫະກິດຫວຽດນາມໜຶ່ງດຽວ ນອນຢູ່ໃນກຸ່ມ 2000 ວິສາຫະກິດໃຫຍ່ທີ່ສຸດໃນໂລກ ຈາກ Forbes, ວາລະສານ ທີມີຊື່ສຽງຂອງອາເມລິກາ, ເລືອກເຟັ້ນສະເພາະກ່ຽວກັບບັນດາບັນຫາທີ່ໃຫຍ່ໆ ຂອງໂລກ. ໃນຕົ້ນປີ 2013 ນີ້, VietinBank ກໍໄດ້ຮັບຮອງ ວ່າເປັນທະນາຄານໜຶ່ງດຽວ ນອນຢູ່ໃນກຸ່ມ 500 ເຄື່ອງໝາຍການຄ້າ ມີມູນຄ່າທີ່ສຸດໂລກ ດ້ວຍມູນຄ່າເຄື່ອງໝາຍການຄ້າ 271 ລ້ານໂດລາສະຫະລັດ, ອັນດັບຕີລາຄາເຄື່ອງໝາຍການຄ້າວ່າ A+ ແລະ ເປັນເຄື່ອງໝາຍການຄ້າທີ 1 ຢູ່ຫວຽດນາມ ຢ່າງເປັນ ທາງການ ຈາກບໍລິສັດ ທີ່ປຶກສາ ກຳນົດລາຄາ ແຖວໜ້າຂອງໂລກ Brand Finance. 
 

ໂຮງຮຽນກໍ່ສ້າງ ແລະ ພັດທະນາແຫຼ່ງຊັບພະຍາກອນມະນຸດຂອງ VietinBank ໄດ້ຮັບການກໍ່ສ້າງ ໃນບໍລິເວນ
ລວມເນື້ອທີ່ 10 ເຮັກຕາ ທີ່ຕາແສງ ເວີນແກງ (ເມືອງຮວ່າຍດຶກ, ຮ່າໂນ້ຍ)
ດ້ວຍຂອບຂະໜາດທີ່ຍິ່ງໃຫຍ່ ແລະ ທັນສະໄໝ.

. VietinBank ເປັນທະນາຄານນຳໜ້າໃນການສະໜອງທຶນໃຫ້ແກ່ໂຄງການດາວທຽມ Vinasat I ຂອງຫວຽດນາມ.

ຜູ້ນຳທະນາຄານ VietinBank ໃນພິທີເປີດສູນ ວັດທະນະທຳ ນາມອ໋ຽດ ທີ່ໝູ່ເກາະເຈື່ອງຊາ ໂດຍ VietinBank ເປັນຜູ້ອຸປະຖຳ.


VietinBank ກໍເປັນທະນາຄານນຳໜ້າໃນການສະໜອງທຶນໃຫ້ແກ່ບັນດາໂຄງການລົງທຶນຈຸດສຸມ, ບັນດາຂະແໜງການເສດຖະກິດປາຍແຫຼມຂອງຫວຽດນາມ.
ດ້ວຍບາດກ້າວຕ່າງໆທີ່ເປັນໜ້າຊື່ນຊົມ ຄືດັ່ງກ່າວມາຢູ່ຂ້າງເທິງ, ປີ 2012 VietinBank ໄດ້ຮັບການ ເລືອກເຟັ້ນເປັນວິສາຫະກິດຫວຽດນາມໜຶ່ງດຽວ ນອນຢູ່ໃນກຸ່ມ 2000 ວິສາຫະກິດໃຫຍ່ທີ່ສຸດໃນໂລກ ຈາກ Forbes, ວາລະສານ ທີມີຊື່ສຽງຂອງອາເມລິກາ, ເລືອກເຟັ້ນສະເພາະກ່ຽວກັບບັນດາບັນຫາທີ່ໃຫຍ່ໆຂອງ ໂລກ. ໃນຕົ້ນປີ 2013 ນີ້, VietinBank ກໍໄດ້ຮັບຮອງ ວ່າເປັນທະນາຄານໜຶ່ງດຽວ ນອນຢູ່ໃນກຸ່ມ 500 ເຄື່ອງໝາຍການຄ້າ ມີມູນຄ່າທີ່ສຸດໂລກ ດ້ວຍມູນຄ່າເຄື່ອງໝາຍການຄ້າ 271 ລ້ານໂດລາສະຫະລັດ, ອັນດັບຕີລາຄາເຄື່ອງໝາຍການຄ້າວ່າ A+ ແລະ ເປັນເຄື່ອງໝາຍການຄ້າທີ 1 ຢູ່ຫວຽດນາມ ຢ່າງເປັນ ທາງການ ຈາກບໍລິສັດ ທີ່ປຶກສາ ກຳນົດລາຄາ ແຖວໜ້າຂອງໂລກ Brand Finance.
ເນື່ອງຈາກມີກຳລັງແຮງບົ່ມຊ້ອນຢ່າງເຂັ້ມແຂງ, ດັ່ງນັ້ນ VietinBank ໄດ້ກາຍເປັນຄູ່ຮ່ວມມືລາຍໃຫຍ່ ສະໜອງ ທຶນໃຫ້ແກ່ໂຄງການຈຸດສຸມຫຼາຍແຫ່ງຂອງຊາດເຊັ່ນ: ເຂື່ອນໄຟຟ້ານ້ຳຕົກ ເຊີນລາ, ເຂື່ອນໄຟຟ້າ ນຳ້ຕົກ ລາຍເຈົາ ຂອງ ກຸ່ມບໍລິສັດພະລັງງານໄຟຟ້າ ຫວຽດນາມ; ໂຄງການ ທາດອາຍ ໄຟຟ້າ ອາຊົດ ກ່າເມົາ, ໂຮງງານ ກັ່ນນ້ຳມັນ ຢຸງກວດຂອງ ກຸ່ມບໍລິສັດນ້ຳມັນອາຍແກັສ ຫວຽດນາມ; ໂຄງການດາວທຽມ Vinasat I, ໂຄງການ ເຄືອຂ່າຍໂທລະຄົມມະນາຄົມ 3G ຂອງ ກຸ່ມ ໄປສະນີ ໂທລະຄົມມະນາຄົມ ຫວຽດນາມ.
ດ້ວຍອິດທິພົນ, ຄວາມນິຍົມເຊື່ອຖື ແລະ ກຳລັງແຮງບົ່ມຊ້ອນຂອງຕົນ, VietinBank ກໍຍັງໄດ້ ຮັບການ ເລືອກເຟັ້ນ ເປັນທະນາຄານຮັບໃຊ້ໃຫ້ແກ່ບັນດາໂຄງການ ຈາກແຫຼ່ງທຶນ ODA ຈາກບັນດາອົງການ ສິນເຊື່ອ, ອົງການກຳນົດລະບອບການເງິນລາຍໃຫຍ່ຢູ່ໃນໂລກຄື: ທະນາຄານໂລກ, ທະນາຄານ ພັດທະນາອາຊີ, ອົງການ JICA, JIBIC ຍີ່ປຸ່ນ, ທະນາຄານ ສ້າງລະບົບຄືນໃໝ່ ແລະ ອື່ນໆ.
ມາຮອດປັດຈຸບັນ, VietinBank ໄດ້ສ້າງຕັ້ງສາຍພົວພັນກັບ ອົງການກຳນົດລະບອບການເງິນເກືອບ 1000 ແຫ່ງ ຂອງ 90 ປະເທດໃນທົ່ວໂລກ, ເປັນສະມາຊິກ ທາງການຂອງອົງການຊຳລະສະສາງ ລະຫວ່າງ ທະນາຄານທົ່ວໂລກ (SWIFT), ອົງການຊຳລະສະສາງສາກົນ ກ່ຽວກັບ ບັດປະເພດຕ່າງໆ ຄື: VISA, MASTER, ສະຫະສະມາຄົມທະນາຄານ ASEAN ແລະ ສະຫະສະມາຄົມການເງິນ ທີ່ສັງກັດບັນດາ ປະເທດ APEC ຊ່ວຍໜູນວິສາຫະກິດຂະໜາດໃຫຍ່ ແລະ ນ້ອຍ.
ເພື່ອຮັບຮູ້ບັນດາຜົນງານ ແລະ ການປະກອບສ່ວນຢ່າງຂະຫຍັນຂັນແຂງຂອງ VietinBank ໃນຂະບວນ ວິວັດແຫ່ງການປ່ຽນແປງໃໝ່ ແລະ ເຊື່ອມໂຍງ ຂອງພື້ນຖານເສດຖະກິດ, ເມື່ອວັນທີ 7 ມັງກອນ 2013, VietinBank ໄດ້ປະດັບນາມມະຍົດ ວິລະຊົນແຮງງານ ຈາກ ທ່ານປະທານປະເທດຫວຽດນາມ. ນີ້ແມ່ນ ຂອງຂວັນອັນມີກຽດສະຫງ່າ, ເປັນຂີດໝາຍແຫ່ງເສັ້ນທາງ ກໍ່ຮ່າງສ້າງຕົວ ແລະ ພັດທະນາຂອງ VietinBank ບັນຈົບຄົບຮອບ 25 ປີ. 
                                                                                                                            ບົດ: ຫວີງຮືງ-ພາບ: ເຕິດເຊີນ
 
Email Print 0 
 
ບັນດາບົດທີ່ຖືກນຳສະເໜີ