|
ໃນວັດທະນະທຳອາຫານຂອງຄົນຫວຽດນາມ, ໃນນັ້ນ ມີຫຼາຍເຍື່ອງໄດ້ຮັບການປຸງແຕ່ງຈາກຊີ້ນງົວເຊັ່ນ: ຊີ້ນງົວຄົ້ວຜັກຊີກັບຫົວຜັກທຽມ, ຊີ້ນງົວຄົ້ວຫົວສິງໄຄກັບໝາກເຜັດ, ຊີ້ນງົວຂິງຕົ້ມເຄັມ, ຊີ້ນງົວຄົ້ວເຄິ່ງສຸກ-ດິບ, ຊີ້ນງົວປິ້ງກັບໃບໝາກນາວ, ຊີ້ນງົວຄົ້ວສົ້ມຜັກ, ເຂົ້າປຸ້ນງົວ, ເຝີງົວ, ຕົ້ມຍຳງົວ ແລະ ອື່ນໆ… ຜ່ານການ ແລກປ່ຽນດ້ານວັດທະນະທຳອາຫານກັບນາໆຊາດ, ໂດຍສະເພາະແມ່ນອາຫານ ຂອງຕາເວັນຕົກ, ຊຶ່ງຊາວ ຫວຽດນາມ ຮູ້ຈັກຄົ້ນຄວ້າ ນຳໃຊ້ວິທີສົມທົບການປຸງແຕ່ງຢ່າງແນບນຽນ ເຮັດເປັນອາຫານເຍື່ອງໃໝ່ ຈາກ ຊີ້ນງົວ ທີ່ໃຫ້ລົດຊາດແບບອຫານພື້ນເມືອງ ແລະທັງເຈືອປົນລົດຊາດຂອງຕາເວັນຕົກ ແລະ ຊີ້ນງົວຮຸ່ມເຫຼົ້າ ແວງ ກໍແມ່ນໜຶ່ງໃນຕົວຢ່າງອາຫານເລີດລົດ ຂອງແບບວິທີສົມທົບການປຸງແຕ່ງ ດັ່ງກ່າວ.
 |
ວັດຖຸດິບ:
- ຊີ້ນເອັນສັນຫຼັງງົວ
- ຜັກທຽມ, ຜັກບົ່ວຫົວໃຫຍ່, ຜັກບົ່ວແຫ້ງ, ແຄ່, ອານີດ, ໝາກເລັ່ນ
- ເຄື່ອງເທດ, ນ້ຳປາ, ແປ້ງມັນ, ແວງແດງ 2 ຈອກເຫຼ້ົາ
- ຜັກຫອມ, ໃບຜັກບົ່ວ
ວິທີປຸງ:
- ຊີ້ນງົວຕັດເປັນປ່ຽງພໍກິນ.
- ເອືອບຊີ້ນກັບຜັກທຽມ, ຜັກບົ່ວແຫ້ງ, ແຄ່, ເກືອ, ນ້ຳປາ, ເຫຼົ້າແວງ ແລະ ແປ້ງມັນໜ້ອຍໜຶ່ງ. ປະໄວ້ຈົນຊີ້ນອ່ອນນຸ່ມ, ເວລາຈະຕົ້ມ ປະສົມແປ້ງມັນຕື່ມອີກໜ້ອຍໜຶ່ງ.
- ເອົາຊີ້ນງົວລົງໝໍ້ຂາງຄົ້ວພໍປະມານ. ຫຼັງຈາກນັ້ນ ກໍໃສ່ໝໍ້, ຕື່ມນ້ຳ ແລ້ວຕົ້ມ. ເມື່ອຊີ້ນສຸກດີແລ້ວ ກໍເອົາໝາກເລ່ັນ ແລະ ຜັກບົ່ວຫົວໃຫຍ່ລົງໃສ່ ພ້ອມກັບເອົານ້ຳປະສົມແປ້ງມັນ ໃສ່ລົງຕົ້ມຈົນແຂ້ນ.
- ເອົາໃບຜັກບົ່ວຕັດນ້ອຍລົງ ແລະ ຕັກໃສ່ຖ້ວຍ, ໂຮຍຜັກຫອມຢູ່ເທິງ.
- ອາຫານເຍື່ອງນີ້ ຮັບປະທານຮ້ອນກັບເຂົ້າ ຫຼື ເຂົ້າຈີ່.
|