21/12/2011 11:36 GMT+7 Email Print Like 0  
 

ຫວຽດນາມຕັດສິນໃຈຊຸກຍູ້ ການລົງທຶນຢູ່ລາວ

ວັນທີ 15ທັນວາ 2011, ທີ່ຫ້ອງວ່າການລັດຖະບານ,ທ່ານທອງສິງທຳມະວົງ,ນາຍົກລັດຖະມົນຕີແຫ່ງ ສປປ.ລາວ ຕ້ອນຮັບການເຂົ້າຢ້ຽມຄຳນັບຂອງ ທ່ານເຈິ່ນບັກຮ່າ,ປະທານສະພາຄຸ້ມຄອງທະນາຄານລົງທຶນ ແລະ ພັດທະນາ ຫວຽດນາມ (BIDV) ທັງເປັນປະທານສະມາຄົມນັກລົງທຶນ ຫວຽດນາມ ຢູ່ລາວ ພ້ອມຄະນະ...
ແລງວັນທີ 15 ທັນວາ 2011, ທີ່ຫ້ອງວ່າການລັດຖະບານ, ທ່ານທອງສິງ ທຳມະວົງ, ນາຍົກລັດຖະມົນຕີແຫ່ງ ສປປ.ລາວ ໄດ້ຕ້ອນຮັບທ່ານ ເຈິ່ນບັກຮ່າ, ປະທານສະພາຄຸ້ມຄອງທະນາຄານການລົງທຶນ ແລະ ພັດທະນາຫວຽດນາມ (BIDV) ທັງເປັນປະທານສະມາຄົມນັກລົງທຶນ ຫວຽດນາມຢູ່ລາວ ພ້ອມຄະນະເຂົ້າຢ້ຽມຄຳນັບ. ໃນໂອກາດນີ້ ທ່ານນາຍົກລັດຖະມົນຕີແຫ່ງ ສປປ ລາວ ໄດ້ສະແດງຄວາມຊົມເຊີຍ ແລະ ຕີ ລາຄາສູງຕໍ່ການເຄື່ອນໄຫວຢ້ຽມຢາມລາວຂອງທ່ານ ເຈິ່ນບັກຮ່າ ທີ່ໄດ້ມາລົງທຶນຢູ່ລາວ ຊຶ່ງເປັນການປະກອບສ່ວນສຳຄັນໃນການເສີມຂະ ຫຍາຍສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມໃຫ້ງອກງາມຂຶ້ນເລື້ອຍໆ. ພ້ອມກັນນີ້ ຍັງເປັນການປະກອບສ່ວນເຂົ້າໃນພັດທະນາເສດຖະກິດ-ສັງຄົມຂອງລາວໃຫ້ກ້າວໜ້າ ຂະຫຍາຍຕົວຍິ່ງຂຶ້ນ  
ທ່ານ ເຈິ່ນບັກຮ່າ, ປະທານສະມາຄົມນັກລົງທຶນຫວຽດນາມຢູ່ລາວ ລາຍງານແຜນລົງທຶນກັບນາຍົກລັດຖະມົນຕີ ທອງສິງ ທຳມະວົງ
ທ່ານສົມສະຫວາດ ເລັ່ງສະຫວັດ, ຮອງນາຍົກລັດຖະມົນຕີລາວ ຕ້ອນຮັບວິລະຊົນແຮງງານຫວຽດ ນາມ ເລວັນກ່ຽມ

ທ່ານ ເຈິ່ນບັກຮ່າ ໄດ້ສະແດງຄວາມຂອບອົກຂອບໃຈຕໍ່ການຕ້ອນຮັບອັນອົບອຸ່ນຂອງທ່ານນາຍົກລັດຖະມົນຕີ ທອງສິງ ທຳມະວົງ, ພ້ອມທັງໃຫ້ ການຢືນຢັນວ່າ ໃນຕໍ່ໜ້າຈະປະສານສົມທົບກັບບັນດາອົງການຈັດຕັ້ງ ທີ່ກ່ຽວຂ້ອງ ຂອງສອງປະເທດ ສຳຫຼວດກວດກາ, ຕີລາຄາຢ່າງເປັນຮູບ ປະທຳສະພາບຜັນຂະຫຍາຍບັນດາໂຄງການຕ່າງໆ; ວາງທິດທາງ ແລະ ແຜນການລົງທຶນຕາມຄວາມຕ້ອງການຂອງສອງປະເທດ; ຮ່ວມມື, ສະໜັບສະໜູນອົງການປະສານງານຂອງສອງປະເທດ, ຕີລາຄາກຳລັງຄວາມສາມາດທາງການເງິນ, ບົດຮຽນ ແລະ ຄວາມສາມາດປະຕິບັດ ໂຄງການ; ປະຕິບັດບົດບາດເປັນຂົວເຊື່ອມຕໍ່ລະຫວ່າງລັດຖະບານ ແລະ ທຸລະກິດຂອງສອງປະເທດ; ສ້າງກົນໄກໃນການພົບປະ, ສະເໜີນະ ໂຍບາຍໃນການລົງທຶນພັດທະນາ ກໍຄືບັນດາວິທີຕ່າງໆໃນຂະບວນການລົງທຶນ; ສົມທົບກັບບັນດາຂະແໜງສະມາຄົມຂອງສອງປະເທດ ຈັດ ການສຳມະນາ-ງານວາງສະແດງ, ການພົບປະສັງສັນ ແນໃສ່ເພີ່ມມູນຄ່າການສົ່ງອອກ; ເພີ່ມທະວິການຮ່ວມມື, ຮ່ວມທຸລະກິດໃນການບຳ ລຸງສ້າງ, ປະຕິບັດນະໂບບາຍສະຫວັດດີການສັງຄົມຢູ່ລາວໃຫ້ໄດ້ດີ; ເປັນເຈົ້າການໃນການສະເໜີ ແລະ ເຂົ້າຮ່ວມໂຄງການຮ່ວມມືໃນຫຼາຍ ດ້ານຂອງສອງພັກ, ສອງລັດ ໂດຍຈະສຸມທຸກຄວາມພະຍາຍາມເຂົ້າໃນການປະກອບສ່ວນພັດທະນາເສດຖະກິດຂອງລາວ ແລະ ຈະປຸກລະດົມ ຂົນຂວາຍໃຫ້ບັນດານັກລົງທຶນຫວຽດນາມເຂົ້າມາລົງທຶນ ຢູ່ ສປປ ລາວໃຫ້ນັບມື້ຫຼາຍຂຶ້ນ ແນໃສ່ຄຳນັບຮັບຕ້ອນ “ປີແຫ່ງການພົວພັນຫວຽດ ນາມ-ລາວ 2012” ນີ້. ໃນແລງວັນດຽວກັນ ທ່ານຮອງນາຍົກລັດຖະມົນຕີ ສົມສະຫວາດ ເລັ່ງສະຫວັດ ກໍໄດ້ໃຫ້ກຽດຕ້ອນຮັບຄະນະ.
ໂດຍ: ຮວ່າງເຈືອງ(ວຽງຈັນ)
Email Print 0 
 
ບັນດາບົດທີ່ຖືກນຳສະເໜີ