ຫວຸງເຕົ່າເປັນນະຄອນທ່ອງທ່ຽວຊາຍທະເລແຫ່ງໜຶ່ງ ທີ່ມີຊື່ສຽງຂອງພາກໃຕ້ ຫວຽດນາມ, ໃນວັນທ້າຍສັບປະດາ, ຈະເຫັນຜູ້ມາທ່ຽວສະໜຸກສະໜານ ກັບການອ້າບນ້ຳທະເລ ຫຼື ພັກຜ່ອນຢ່ອນອາລົມ ຕາມສະຖານທີ່ທ່ອງທ່ຽວທີ່ ສວຍສົດງົດງາມ,ໃນນັ້ນ ມີກິລາແຂ່ງໝາອັນເປັນເອກະລັກໜຶ່ງ ຂອງເມືອງ ຊາຍທະເລ ທີ່ແຂກທາງໄກໄທຕ່າງເມືອງບໍ່ຄວນພາດ.
|
ການແຂ່ງໝາແມ່ນກິລາອີກປະເພດໜຶ່ງ ໂດຍບໍລິສັດບໍລິການກິລາ-ແຂ່ງຂັນ-ບັນເທີງ ຫຼື SES-VN ນຳເຂົ້າ ມາຫວຽດນາມ ແລະໄດ້ຮັບອະນຸຍາດຈາກທາງການ ໃຫ້ເປີດການແຂ່ງໝາທີ່ເມືອງທະເລຫວຸງເຕົ່າ ແຕ່ປີ 2001 ເປັນຕົ້ນມາ. ປະຈຸບັນ ສະຖານທີ່ແຫ່ງນີ້ ໄດ້ກາຍເປັນແຫ່ງດຽວທີ່ມີການແຂ່ງໝາຢູ່ຫວຽດນາມ ແລະອາຊີ ຕາເວັນອອກສຽງໃຕ້.
ໝາແຂ່ງຢູ່ຫວຸງເຕົ່າແມ່ນໝາພັນ Greyhound, ເປັນໝາປະເພດໂຫ່ເນື້ອມີຕົ້ນກຳເນີດຢູ່ Ireland, ໄດ້ທ່ານ
ຫງວຽນຫງອກໝີ, ຊາວຫວຽດນາມຕ່າງດ້າວຢູ່ອົສຕຣາລີໄດ້ນຳເຂົ້າມາຫວຽດນາມ. ປະຈຸບັນບໍລິສັດ SES-VN ໄດ້ປະສົມແນວພັນໝາດັ່ງກ່າວທີ່ນິຄົມລ້ຽງໝາເມືອງບ່າເຣ່ຍ ແລະ ເດິ່ນແຂ່ງໝາລາມເຊີນ ໄດ້ກາຍເປັນສູນ ອົບຮົມໝາແຂ່ງແນວພັນ Greyhound ປະມານ 800 ໂຕ. ການແຂ່ງໝາຢູ່ທີ່ນີ້ ຈະຈັດຂຶ້ນໃນທຸກວັນເສົາ ສຸດສັບປະດາ ສຳລັບດຶງດູດນັກທ່ອງທ່ຽວທີ່ມາທັດສະນາຈອນ ແລະ ພັກຕາກອາກາດ ທີ່ເມືອງຊາຍທະເລ ທີ່ສວຍງາມຂອງຫວຸງເຕົ່າ.
ພາຍໃນເດິ່ນແຂ່ງໝາ ຄູຝຶກນຳເອົາໝາອອກມາສະເໜີຕົວຕໍ່ຜູ້ຊົມ.
ຜູ້ຊົມຕິດຕາມຂ່າວກ່ຽວກັບການແຂ່ງໝາທາງຈໍໂທລະທັດ.
ຜູ້ຊົມລົງຄະແນນ ໃຫ້ແກ່ໝາທີ່ຕົນຊອບ
ກຽມພ້ອມທີ່ຈະລົງແຂ່ງ
ບັນດາຄູຝຶກພາໝາເຂົ້າສູ່ຈຸດເລີ່ມຕົ້ນ.
ຈຸດເລີ່ມຕົ້ນມີໝາຍຕົວເລກຂອງໝາແຂ່ງ
ເລີ່ມອອກແລ່ນ
ໝາແຂ່ງແລ່ນດ້ວຍຄວາມໄວ 60 ກິໂລແມັດຕໍ່ຊົ່ວໂມງ
ໃນເຂດດູແລຄວບຄຸມຂອງສະໜາມແຂ່ງໝາ |
ການແຂ່ງໝາແກ່ຍາວໃນ 3 ຊົ່ວໂມງ,ແຕ່19.30 ຫາ 22.30ໂມງ, ລວມມີ10 ຖ້ຽວ,ໃນເດິ່ນແຂ່ງຮອບໜຶ່ງ ຍາວ 450ແມັດ,ໃນແຕ່ລະຖ້ຽວມີໝາ 8ໂຕເຂົ້າຮ່ວມແຂ່ງ. ຫຼັງຈາກກຳມະການໃຫ້ສັນຍານ, ຮູບຫຸ່ນກະຕ່າຍ
ທີ່ຕິດຢູ່ເທິງເສັ້ນທາງແຂ່ງຈະແລ່ນໄປກ່ອນດ້ວຍຄວາມໄວກວ່າໝາແຂ່ງ ແຕ່ຈະຮັກສາໄລຍະຫ່າງບໍ່ໄກ ເກີນໄປເພື່ອໃຫ້ໝາແລ່ນຕາມ. ສ່ວນຜູ້ຊົມຍັງໄດ້ຮ່ວມລາຍການຊີງໂຊກ ໃນການເລືອກລົງຄະແນນໃຫ້
ກັບໝາຕົນຊອບ, ຜູ້ຫຼິ້ນຍັງຈະໄດ້ຮັບແຈກປຶ້ມຮຽບຮຽງຂໍ້ມູນແນະນຳລາຍລະອຽດກ່ຽວກັບໝາແຕ່ລະໂຕ,
ນັບແຕ່ສະຖິຕິໄດ້ເສຍ ຕະຫຼອດຮອດສະພາບກຳລັງ,ເຂົ້າຮ່ວມການແຂ່ງຄັ້ງຫຼ້າສຸດ ເປັນຕົ້ນ,
ຂໍ້ມູນດັ່ງກາວຊ່ວຍໃຫ້ຜູ້ຫຼິ້ນຕັດສິນໃຈເລືອກລົງໝາທີ່ຕົນຊອບ ແນໃສ່ສ້າງຄວາມເພີດເພີນໃຫ້ແກ່ນັກທ່ອງ ທ່ຽວທີ່ເຂົ້າຊົມ, ບໍ່ແມ່ນການຫຼິ້ນພະນັນ ທາງ slogan ໄດ້ມີຄຳຂວັນທີ່ວ່າ: “ເພື່ອຈິດໃຈປອດໂປ່ງ ຈົ່ງລື່ນ
ເລີງກັບການແຂ່ງໝາ”. ຜູ້ຊົມຮ້ອງໂຮ ເຊຍໝາທີ່ຕົນມັກ. ການແຂ່ງໝາສິ້ນສຸດລົງ, ທຸກຄົນກັບເມືອດ້ວຍ ຄວາມລື່ນເຫຼິງໃຈ, ເມື່ອຄວາມອິດເມື່ອຍໄດ້ຫາຍຂາດໄປຈົນໝົດສິ້ນ…
ໂດຍ: ຫວີຖາວ-ພາບ: ເຈິ່ນຮວນ
|