|
ເຂດໝູ່ເກາະກາດບ່າ ຖືວ່າ ເປັນເຂດທ່ີມີສະພາບແວດລ້ອມນ້ຳທີ່ໃສສະອາດ, ລະດັບຄວາມເຄັມຂອງນ້ຳ ແມ່ນເໝາະສຳລັບການລ້ຽງກຸ້ງ, ຜົນກະທົບ ຈາກເສດອຸດສາ ຫະກຳມີໜ້ອຍ ເພາະ ຢູ່ຫ່າງດິນຕໍ່ແຜ່ນ, ສະນັ້ນຈິ່ງມີຄວາມສະດວກທີ່ສຸດໃຫ້ແກ່ການລ້ຽງສັດນ້ຳຕາມທິດອຸດສາຫະກຳ, ໂດຍ ສະເພາະແມ່ນການລ້ຽງກຸ້ງ.
ນັບແຕ່ປີ 2004, ນະຄອນຮາຍຟ່ອງ ໄດ້ມີແຜນສັງລວມ ກ່ຽວກັບໂຄງການລ້ຽງກຸ້ງແບບອຸດສາຫະກຳ ໃນເນື້ອທີ່ 120 ເຮັກ ຕາ ຢູ່ຕາແສງຝູ່ລອງ, ເກາະກາດບ່າ, ເມືອງກາດຮາຍ. ເຖິງປີ 2009, ຮາຍຟ່ອງໄດ້ມອບພື້ນທີ່ທັງໝົດໃຫ້ແກ່ບໍລິສັດຫຸ້ນສ່ວນ ເຊີນເຈື່ອງ ຈຳກັດ ລົງທຶນເຂົ້າໃນການ ລ້ຽງກຸ້ງ. ນັບແຕ່ນັ້ນ, ບໍລິ ສັດດັ່ງກ່າວ ໄດ້ໝູນໃຊ້ເຕັກນິກທີ່ກ້າວໜ້າທັນສະໄໝ ສ້າງຕົວແບບລ້ຽງກຸ້ງຕາມທິດອຸດສາຫະກຳ ໄດ້ບັນລຸປະສິດທິຜົນ ສູງສຸດ, ເປີດທິດຂະຫຍານເສດຖະກິດໃໝ່ໃນໝູ່ເກາະກາດບ່າ, ປະກອບສ່ວນເຂົ້າໃນແຜນພັດທະນາລວມຂອງການເຄື່ອນໄຫວລ້ຽງກຸ້ງຢູ່ຮາຍຟ່ອງ.
ພື້ນສະໄດ້ຖືກຮອງດ້ວຍຜ້າເຕັ້ນ ເພື່ອຮັກສາອຸ່ນະພູມໃຫ້ແກ່ກຸ້ງໃນລະດູໜາວ
ລະບົບເຄື່ອງຈັກປັ່ນນ້ຳ ສະໜອງອົກຊີໃຫ້ແກ່ສະລ້ຽງກຸ້ງ
ກວດກາຄຸນນະພາບກຸ້ງ
ນຳໃຊ້ຫົວອາຫານຄຸນນະພາບສູງ ເພື່ອລ້ຽງກຸ້ງ
ຜະລິດພັນກຸ້ງ ພັນຕີນຂາວ
|
ຫຼັງຈາກນະຄອນຮາຍຟ່ອງ ມອບພື້ນທີ່ໜ້ານ້ຳໃຫ້, ທາງບໍລິສັດຫຸ້ນສ່ວນເຊີນເຈ່ືອງຈຳກັດ ໄດ້ລົງທຶນ 90 ຕື້ດົ່ງເຂົ້າໃນການເຮັດບົບສະໃໝ່, ດັດແປງ ລະບົບຊົນລະປະທານ ແລະ ໄດ້ທຳການລ້ຽງທົດລອງ ດ້ວຍເຕັກໂນໂລຢີສັດນ້ຳ ຮ່ວມມືກັບບໍລິສັດຫຸ້ນສ່ວນຂອງໄທ. ປີ 2010, ບໍລິສັດຫຸ້ນສ່ວນ ເຊີນເຈື່ອງ ຈຳກັດ ໄດ້ເຮັດສະນ້ຳໃໝ່ 25 ສະຢູ່ເຂດ A, ບັນລຸຜົນຜະລິດໄດ້ 350 ໂຕນ. ຫັກຄ່າໃຊ້ຈ່າຍອອກ, ບໍລິສັດ ຍັງມີກຳໄລ 33 ຕື້ດົ່ງ.
ຈາກຄວາມຫວັງດັ່ງກ່າວ, ໃນປີ 2011, ບໍລິສັດໄດ້ຕັດ ສິນໃຈລົງທຶນເປີດກວ້າງພື້ນທີ່ສະນ້ຳຢູ່ເຂດ B ຕື່ມອີກ 34 ເຮັກຕາ ສຳ ລັບລ້ຽງກຸ້ງໃນລະດູ ໜາວ. ປະຈຸບັນ, ບໍລິ ສັດມີສະລ້ຽງກຸ້ງ 30 ແຫ່ງ, ໃຫ້ຜົນຜະລິດໄດ້ 8-9 ໂຕນຕໍ່ສະ. ມີບາງສະຍັງໃຫ້ຜົນຜະລິດສູງເຖິງ 10 ໂຕນຕໍ່ສະ. ຄາດວ່າ ໃນອະນາຄົດ ຈະເພີ່ມ ການລ້ຽງກຸ້ງຂຶ້ນເປັນ 2 ລະດູຕໍ່ປີ ແລະ ເຮັດໃຫ້ປະລິມານການຜະລິດກຸ້ງຂອງບໍ ລິສັດ ເພີ່ມຂຶ້ນພໍສົມຄວນ.
ທ່ານ ຕ້າວັນຕຸ່ງ, ຮອງຜູ້ອຳນວຍການບໍລິສັດຫຸ້ນສ່ວນເຊີນເຈື່ອງຈຳກັດ ໃຫ້ຮູ້ວ່າ ປະຈຸບັນບໍລິສັດ ມີສະນ້ຳລ້ຽງກຸ້ງ 65 ແຫ່ງ, ສະນ້ຳແຕ່ລະແຫ່ງມີ ພື້ນທີ່ປະມານ 5.000 ຕາແມັດ. ບໍລິສັດໄດ້ມີການຮ່ວມມືກັບບໍລິສັດຫຸ້ນສ່ວນຂອງໄທ ລົງທຶນເຂົ້າໃນເຕັກໂນໂລຢີກ້າວໜ້າທັນສະໄໝຫຼາຍແຫ່ງ ເປັນຕົ້ນແມ່ນຈັກສູບນ້ຳ ແລະ ຈັກປັ່ນນ້ຳ ຕິດຕັ້ງຢູ່ໃນແຕ່ລະສະນ້ຳ ເພື່ອສ້າງອົກຊີໃຫ້ແກ່ກຸ້ງ. ພື້ນສະຮອງດ້ວຍຜ້າເຕັ້ນ ເພື່ອຮັກ ສາອຸ່ນະພູມໃຫ້ແກ່ ກຸ້ງໃນລະດູໜາວ ແລະ ງ່າຍຕໍ່ການອະນາໄມພື້ນສະ ຫລັງລະດູເກັບກ່ຽວ. ສຳລັບລະດູໜາວ, ບໍລິສັດຍັງປຸກເຮືອນຜ້າເຕັ້ນກັນລົມ, ມຸງຫຼັງຄາ ເພື່ອ ຮັກສາອຸ່ນະພູມໃຫ້ແກ່ສະລ້ຽງກຸ້ງ. ນອກຈາກນັ້ນ, ບໍລິສັດຍັງກໍ່ສ້າງເຮືອນເພາະພັນ.ເພື່ອເປັນເຈົ້າການແຫຼ່ງພັນກຸ້ງດີ ແລະ ສະອາດ ປາສະຈາກ ພະຍາດ, ບໍລິສັດຫຸ້ນສ່ວນຂອງໄທ ສະໜອງ ແລະ ໃຫ້ອາຫານກຸ້ງອັດຕະໂນມັດ ດ້ວຍເຄື່ອງຈັກ ເພື່ອຍົກສູງຄຸນນະພາບຜະ ລິດພັນກຸ້ງ. ອາໄສ ສິ່ງດ່ັງກ່າວ, ຜະລິດຕະພັນກຸ້ງຂອງເຊີນເຈື່ອງ ຈິ່ງເປັນທີ່ນິຍົມຂອງຕະຫຼາດ, ໂດຍສະເພາະແມ່ນຕະຫຼາດໃນ ສປ ຈີນ.
ສາມາດເວົ້າໄດ້ວ່າ, ການພັດທະນາບັນດາຕົວແບບລ້ຽງກຸ້ງດ້ວຍ ເຕັກໂນໂລຢີທັນສະໄໝ, ໂດຍສະເພາະແມ່ນຢູ່ໃນເຂດເກາະທະເລ ຫ່າງໄກຝັ່ງ ພວມເປັນທິດທາງກ້າວເດີນໃໝ່ໜຶ່ງທີ່ເຕັມໄປດ້ວຍຄວາມຫວັງຂອງຮາຍຟ່ອງ, ແນໃສ່ເສີມຂະຫຍາຍສູງສຸດທ່າແຮງທາງດ້ານຊັບພະຍາກອນ ເກາະທະເລອັນເຕັມໄປດ້ວຍຄວາມອາດສາມາດບົ່ມຊ້ອນຂອງທ້ອງຖິ່ນ.
ບົດ: ຖຸກຮ່ຽນ-ພາບ: ຈິ່ງວັນໂບະ
|