|
ມື້ນັ້ນຄະນະພວກເຮົາອອກຈາກຕົວເມືອງ ຫວຸງເຕ່ົາ, ດ້ວຍຍົນເຮຣີຄອບແຕ ຍີ່ຫໍ້ Puma ໝາຍເລກ VN8610 ເຂົ້າໄປປະມານໜຶ່ງຊົ່ວໂມງ ກໍເຖິງຖານເຮືອຂຸດເຈາະນ້ຳມັນ DH-02 ທີ່ຕັ້ງຢູ່ໃຈກາງບໍ່ນ້ຳມັນດ້າຍຮຸ່ງ, ຂຶ້ນກັບເຂດນາມກົນເຊີນ, ຫ່າງຈາກຫວຸງເຕົ່າໄປທາງທິດຕາເວັນ ອອກສຽງໃຕ້ປະມານ 265 ກິໂລແມັດ.
ເສົາອາຍແກັດເທິງຖານເຮືອຂຸດເຈາະນ້ຳມັນດ້າຍຮຸ່ງ 01. ພາບ: ຮວ່າງຮ່າ.
ຖານເຮືອຂຸດເຈາະນ້ຳມັນດ້າຍຮຸ່ງ 01. ພາບ: ຮວ່າງຮ່າ.
ກຳມະກອນເຕັກນິກຂອງຖານເຮືອຂຸດເຈາະນ້ຳມັນດ້າຍຮຸ່ງ. ພາບ: ຮວ່າງຮ່າ
ກຳປັ່ນສຳລັບການເດີນທໍ່ນ້ຳມັນຢູ່ບໍ່ນ້ຳມັນດ້າຍຮຸ່ງ. ພາບ: ຟານຮວ່າງຫາວ
ຖານເຮືອຂຸດເຈາະນ້ຳມັນດ້າຍຮຸ່ງ02 ເບິ່ງແຕ່ເທິງລົງມາ. ພາບ: ຮວ່າງຮ່າ |
| ບໍລິສັດຫຸ້ນສ່ວນຈຳກັດຜູ້ດຽວໃນການບັນຊາການຊອກ ຄົ້ນ ແລະຂຸດເຈາະນ້ຳມັນຢູ່ພາຍໃນປະເທດ (PVEP POC), ທັງເປັນສະມາຊິກຂອງສະຫະບໍລິສັດຊອກຄົ້ນ ແລະ ຂຸດເຈາະນ້ຳມັນ(PVEP),ຊຶ່ງເປັນໜ່ວຍງານຕົ້ນຕໍ ຂອງກຸ່ມບໍລິສັດນ້ຳມັນຫວຽດນາມ(PetroVietnam) |
ເບິ່ງແຕ່ເທິງລົງມາພວກເຮົາສາມາດແນມເຫັນຄວາມຍິ່ງໃຫຍ່ຂອງຖານເຮືອຂຸດເຈາະ
ນ້ຳມັນແຫ່ງນີ້ຢ່າງໜ້າມະຫັດສະຈັນ ຕັ້ງຢູ່ກາງມະຫາສະໝຸດ ທີ່ກວ້າງໃຫຍ່ໄພ່ສານ
ແຫ່ງນີ້.ຖານເຮືອຂຸດເຈາະນ້ຳມັນ DH-02ຂຶ້ນກັບບໍລິສັດຫຸ້ນສ່ວນຈຳກັດຜູ້ດຽວບັນ ຊາການຊອກຄົ້ນ ແລະ ຂຸດເຈາະນ້ຳມັນຢູ່ພາຍໃນປະເທດ (PVEP POC). ຊຶ່ງ ໂຄງການກໍ່ສ້າງດັ່ງກ່າວມັນມີຄວາມສຳຄັນຍິ່ງອັນເນື່ອງຈາກວ່ານີ້ເປັນຖານເຮືອຂຸດ
ເຈາະນ້ຳມັນທີ່ຮັບໃຊ້ສະເພາະໃນການຂຸດຄົ້ນນ້ຳມັນຢູ່ເຂດທະເລເລິກຫຼາຍກວ່າ 110 ແມັດຂຶ້ນໄປ ແລະ ກໍເປັນຖານເຮືອຂຸດເຈາະນ້ຳມັນ ທີ່ ມີຂະໜາດໃຫຍ່ທີ່ສຸດທີ່ບໍ່ເຄີຍມີມາກ່ອນດ້ວຍຕີນເສົາທີ່ມີຂະໜາດໃຫຍ່, ໜັກປະມານ 4.900 ໂຕນຢັ່ງເລິກລົງໄປພື້ນທະເລສູງ 125 ແມັດ ເພື່ອສາມາດຮອງຮັບນ້ຳໜັກຊັ້ນເທິງຂອງຖານເຮືອດັ່ງກ່າວທີ່ມີນຳ້ໜັກເຖິງ 1.100 ໂຕນ, ດ້ວຍຄວາມຮັບປະກັນ. ນີ້ເປັນໂຄງການກໍ່ສ້າງ ແຫ່ງທຳອິດທີ່ໄດ້ປະດິດຂຶ້ນຢູ່ ສສ ຫວຽດນາມແລະແມ່ນສີໄມ້ລາຍມືຂອງຄົນຫວຽດນາມເອງເປັນຜູ້ຮັບເໝົາກໍ່ສ້າງ ແລະ ນຳໃຊ້ໂດຍກົງ. ເມື່ອ ວັນທີ 11 ສິງຫາ 2011ຜ່ານມາ, ພາຍຫຼັງ 2 ປີແຫ່ງການພັດທະນາບໍ່ນ້ຳມັນດ້າຍຮຸ່ງແລະຄວາມພະຍາຍາມໃນການປະກອບຖານເຮືອຂຸດ ເຈາະນ້ຳມັນແຫ່ງນີ້ເປັນເວລາ 2 ເດືອນ, ແຫຼ່ງນ້ຳມັນຢອດທຳອິດຂອງບໍ່ນ້ຳມັນDH-12P ຂອງຖານເຮືອຂຸດເຈາະ DH-02 ໄດ້ພົ່ນອອກ ດ້ວຍປະລິມານ 6.400 ຖັງຕໍ່ມື້, ສຳເລັດກ່ອນລະດັບຄາດໝາຍ ທີ່ລັດຖະບານມອບໝາຍໃຫ້ 50 ວັນ. ຊຶ່ງຕາມແຜນການແລ້ວ, ຫຼັງຈາກ ສຳເລັດ, ການພັດທະນາຖານເຮືອຂຸດເຈາະນ້ຳມັນ DH-02 ທີ່ມີບໍ່ນ້ຳມັນ 5 ແຫ່ງນັ້ນຈະສາມາດຍົກສູງປະລິມານການຂຸດ ຄົ້ນນ້ຳໃນບໍ່ດ້າຍ ຮຸ່ງໄດ້ແຕ່ 4.000 ເຖິງ 18.000 ຖັງຕໍ່ມື້. ນອກຈາກຄວາມອາດສາມາດເປີດນຳໃຊ້ ຖານເຮືອຂຸດ ເຈາະນ້ຳມັນ DH-02ແຫ່ງນີ້, ກ່ອນ ໜ້ານັ້ນ PVEP POC ກໍໄດ້ຮັບຜົນສຳເລັດ ໃນການນຳໃຊ້ຖານເຮືອຂຸດເຈາະນ້ຳມັນ DH-01 ເພື່ອຂຸດເຈາະບໍ່ນ້ຳມັນດ້າຍຮຸ່ງແຫ່ງນີ້ມາ ແລ້ວເຊັ່ນກັນ. ແຕ່ຖານເຮືອຂຸດເຈາະ DH-01ເປັນຖານເຮືອຂຸດເຈາະທີ່ເກົ່າແກ່ ແລະຫຼ້າຫຼັງກ່ວາທີ່ໄດ້ອອກແບບ ແລະເປີດນຳໃຊ້ມາແຕ່ປີ 1974.
ບົວລະບັດເຮືອກູ້ໄພດ່ວນຂອງຖານເຮືອສະຫວ່ານດ້າຍຮຸ່ງ 01. ພາບ: ຮວ່າງຮ່າ
ການບົວລະບັດເຄື່ອງຈັກຂອງຖານເຮືອຂຸດເຈາະນ້ຳມັນ. ພາບ: ຮວ່າງຮ່າ
ສູນບັນຊາຖານເຮືອຂຸດເຈາະບໍ່ນ້ຳມັນດ້າຍຮຸ່ງ. ພາບ: ຮວ່າງຮ່າ |
ອອອກຕ້ອນຮັບຄະນະພວກເຮົາຢູ່ເທິງຖານເຮືອຂຸດເຈາະນ້ຳມັນແຫ່ງນີ້, ນັກວິສາວະກອນໜຸ່ມດັ້ງວັນດົງ, ພະນັກງານຮັບຜິດຊອບຖານເຮືອຂຸດ ເຈາະ DH-01 ແລະ DH-02 ຂອງບໍ່ນ້ຳມັນດ້າຍຮຸ່ງໃຫ້ຮູ້ວ່າ: ດ້າຍຮຸ່ງມີນັກວິສາວະກອນ, ກຳມະກອນທີ່ເປັນຄົນຫວຽດນາມ ກຳລັງເຮັດ ວຽກຢູ່ທັງໝົດ 50 ຄົນແລະປັດຈຸບັນຖານເຮືອຂຸດເຈາະນ້ຳມັນ DH-01 ແລະ DH-02 ມີບໍ່ນ້ຳມັນຢູ່ 11 ແຫ່ງດ້ວຍກັນທີ່ພວມກຳລັງໄດ້ ຮັບການຂຸດຄົ້ນດ້ວຍປະລິມານການຜະລິດແຕ່ 14-15.000 ຖັງຕໍ່ມື້. ຖ້າທຽບໃສ່ລະດັບການຂຸດຄົ້ນແຕ່ 2-3.000ຖັງຕໍ່ມື້ດັ່ງPetronas Carigali ຂອງມາເລເຊຍຂຸດຄົ້ນຢູ່ດ້າຍຮຸ່ງໃນຊຸມປີ 90 ຂອງສະຕະວັດກ່ອນນັ້ນ ແມ່ນມີຕົວເລກໜ້ອຍຫຼາຍ.
ອາດເວົ້າໄດ້ວ່າສິ່ງທີ່ PVEP POC ກຳລັງເຮັດໄດ້ຢູ່ບໍ່ນ້ຳມັນດ້າຍຮຸ່ງດັ່ງໃນປັດຈຸບັນນີ້ ມັນສະແດງໃຫ້ເຫັນວ່າຂະແໜງການຂຸດຄົ້ນນ້ຳມັນ
ຂອງ ສສ ຫວຽດນາມມີຄວາມອາດສາມາດສູງຂຶ້ນຢ່າງໜ້າພາກພູມໃຈ,ຖັນແຖວພະນັກງານ,ນັກວິສາວະກອນຂອງຕົນ ຜູ້ຕາກແດດຕາກຝົນ ທັງເວນ ແລະ ຄືນຢູ່ຮ່ວມກັບທະເລ, ທີ່ໄດ້ສຸມໃສ່ນຳໃຊ້ທຸກຄວາມສາມາດຂອງຕົນເພື່ອຊອກຫາ “ຄຳດຳ” ດັ່ງກ່າວມາໃຫ້ປະເທດຊາດ, ພັດ ທະນາຕົນເອງໃຫ້ເຕີບໃຫຍ່ເຂັ້ມແຂງ ແລະ ຮັ່ງມີຍິ່ງຂຶ້ນ, ປະກອບສ່ວນຢ່າງຕັ້ງໜ້າເຂົ້າໃນພາລະກິດປົກປັກຮັກສາຄວາມສະຫງົບ ແລະ ສິດ ເປັນເຈົ້າຂອງປະເທດຊາດ ບົນຜືນທະເລອັນກວ້າງໃຫຍ່ໄພສານທີ່ແສນຮັກ ແລະ ຫວງແຫນຂອງຕົນໄວ້ໃຫ້ໝັ້ນຄົງຖະນົງແກ່ນຕະຫຼອດຊົ່ວກາ ລະນານ.
ໂດຍ: ຫວິງຮືງ-ພາບ: ຮວ່າງຮ່າ-ຟານຮວ່າງຫາວ
|