ປະທານສະພາແຫ່ງຊາດລາວ ປານີ ຢາທໍ່ຕູ້ ຕ້ອນຮັບປະທານສະພາແຫ່ງຊາດ
ຫງວຽນຊິງຮຸ່ງ. ພາບ: ຍານສາງ, ຂ່າວສານຫວຽດນາມ.
|
ພິທີເຊັນບົດບັນທຶກການຮ່ວມມື. ພາບ: ຮວ່າງເຈືອງ |
ຄະນະຜູ້ແທນສະພາແຫ່ງຊາດ ສສ ຫວຽດນາມ ນຳໂດຍ ສະຫາຍ ຫງວຽນຊິງ ຮຸ່ງ, ກຳມະການກົມການເມືອງ, ປະ ທານສະພາແຫ່ງຊາດ ໄດ້ເດີນທາງເຖິງນະຄອນຫຼວງວຽງ ຈັນ, ເລີ່ມຕົ້ນການຢ້ຽມຢາມ ສປປ ລາວ ຢ່າງເປັນທາງການ ແຕ່ວັນທີ 3-5 ກໍລະກົດ 2012.
ຫຼັງຈາກພິທີຕ້ອນຮັບ, ປະທານສະພາແຫ່ງຊາດ ຫງວຽນຊິງ ຮຸ່ງ ໄດ້ມີການພົບປະເຈລະຈາກັບສະຫາຍ ປານີ ຢາທໍ່ຕູ້, ປະທານສະພາແຫ່ງຊາດ ສປປ ລາວ. ໃນກອບຂອງການ ພົບປະເຈລະຈາດັ່ງກ່າວ, ສະຫາຍ ຫງວຽນຊິງຮຸ່ງ ແລະ ສະຫາຍ ປານີ ຢາທໍ່ຕູ້ ໄດ້ເຊັນຂໍ້ຕົກລົງຮ່ວມມື ລະຫວ່າງ ສະພາແຫ່ງຊາດ 2 ປະເທດ ຫວຽດນາມ-ລາວ. ນີ້ເປັນ ເອກະສານຕົກລົງຮ່ວມມືສະບັບໃໝ່ ບົນພື້ນຖານສືບທອດ ຂໍ້ຕົກລົງທີ່ໄດ້ລົງນາມກັນມາແຕ່ກ່ອນ ຊຶ່ງໄດ້ມີການຄາດ ໝາຍໄວ້ເຖິງຄວາມຮຽກຮ້ອງຕ້ອງການໃນສະພາບໃໝ່ອີກ
ດ້ວຍ. ໃນກອບຂອງການຢ້ຽມຢາມຄັ້ງນີ້, ສະຫາຍ ຫງວຽນ ຊິງຮຸ່ງ, ປະທານສະພາແຫ່ງຊາດຫວຽດນາມ ໄດ້ມີການພົບ ປະແລກປ່ຽນຄຳຄິດຄຳເຫັນກັບສະຫາຍ ຈູມມາລີ ໄຊຍະ ສອນ, ເລຂາທິການໃຫຍ່, ປະທານປະເທດແຫ່ງ ສປປ ລາວ ແລະ ສະຫາຍ ທອງສິງ ທຳມະວົງ, ນາຍົກລັດຖະມົນ ຕີແຫ່ງ ສປປ ລາວ. ສະຫາຍ ຫງວຽນຊິງຮຸ່ງ ໄດ້ສະແດງຄວາມຂອບອົກຂອບໃຈຕໍ່ການນຳຂອງລາວ ທີ່ໃຫ້ກຽດ ຕ້ອນຮັບຄະນະ; ແຈັງໃຫ້ການນຳລາວໄດ້ຊາບຜົນຂອງການພົບປະເຈລະຈາກັບສະຫາຍ ປະທານສະພາແຫ່ງ ຊາດ ປານີ ຢາທໍ່ຕູ້ ແລະ ຢືນຢັນແນວທາງໜຶ່ງດຽວ, ນະໂຍບາຍສະເໝີຕົ້ນສະເໝີປາຍຂອງຫວຽດນາມ, ຍາມ ໃດກໍຖືຄວາມສຳຄັນ ແລະ ໃຫ້ບູລິມະສິດອັນດັບແຖວໜ້າໃນການພົວພັນກັບ ສປປ ລາວ. ບັນດາຜູ້ນຳລາວ ຖື ການຢ້ຽມຢາມຂອງຄະນະຜູ້ແທນສະພາແຫ່ງຊາດຫວຽດນາມ ຄັ້ງນີ້ ເປັນການສະແດງອອກຄວາມມີຊີວິດຊີວາ ຂອງສາຍພົວພັນມິດຕະພາບອັນເປັນມູນເຊື້ອ, ຄວາມສາມັກຄີພິເສດໃນຄວາມຜູກພັນອັນກົມກ່ຽວໜຽວແໜ້ນ, ສັດຊື່ບໍລິສຸດຜ່ອງໃສລະຫວ່າງສອງພັກ, ສອງລັດ, ສອງສະພາ ແລະ ປະຊາຊົນສອງຊາດຫວຽດນາມ-ລາວ ແລະ ຄວາມມຸ່ງມາດປາຖະໜາຂອງສອງຝ່າຍທີ່ຈະເພີ່ມທະວີການຮ່ວມມື, ນຳເອົາການພົວພັນມິດຕະພາບ ລາວ-ຫວຽດ ນາມ ກ້າວສູ່ລະດັບໃໝ່.
ຂ່າວ ແລະ ພາບ: ຮວ່າງເຈືອງ (ວຽງຈັນ)
|