ຕອນເຊົ້າວັນທີ 19 ກໍລະກົດ, ທີ່ຮ່າໂນ້ຍ, ກ່າວຄຳເຫັນໃນການເຮັດວຽກກັບສະພາກາແດງ ຫວຽດນາມ, ຊຶ່ງແມ່ນອົງການຈັດຕັ້ງສັງຄົມສວມບົດບາດຫຼັກແຫຼ່ງໃນພາລະກິດມະນຸດສະທຳຂອງປະເທດ
ທ່ານນາຍົກລັດຖະມົນຕີ ຫງວຽນຊວນຟຸກ ເຮັດວຽກກັບສະພາກາແດງ ຫວຽດນາມ
ທ່ານນາຍົກລັດຖະມົນຕີ ຫງວຽນຊວນຟຸກ ຢືນຢັນວ່າ ລັດຖະບານ, ນາຍົກລັດຖະມົນຕີ ຍາມໃດກໍ່ເອົາໃຈໃສ່, ສ້າງເງື່ອນໄຂໃຫ້ບັນດາການເຄື່ອນໄຫວຂອງສະມາຄົມ. ທ່ານນາຍົກລັດຖະມົນຕີ ຫງວຽນຊວນຟຸກ ຢືນຢັນວ່າ ການເຄື່ອນໄຫວຂອງສະມາຄົມສືບຕໍ່ສະແດງໃຫ້ເຫັນ ແລະ ເສີມຂະຫຍາຍມູນເຊື້ອວັດທະນະທຳອຸ້ມຊູຊ່ວຍເຫຼືອຊຶ່ງກັນ ແລະ ກັນ, ວັດທະນະທຳມະນຸດອັນດີງາມຂອງຊາດ. ທ່ານນາຍົກລັດຖະມົນຕີຊີ້ແຈ້ງວ່າ ສະມາຄົມຄວນສືບຕໍ່ເສີມຂະຫຍາຍບົດບາດ, ຄວາມຮັບຜິດຊອບຂອງຕົນໃນບັນດາການເຄື່ອນໄຫວມະນຸດສະທຳ, ປະກອບສ່ວນເຂົ້າໃນພາລະກິດຮັບປະກັນຊີວິດສັງຄົມຂອງປະເທດຊາດ. ທ່ານນາຍົກລັດຖະມົນຕີສະເໜີສະມາຄົມຄວນຍູ້ແຮງບັນດາການເຄື່ອນໄຫວກາແດງ; ສືບຕໍ່ຈັດຕັ້ງບັນດາບັ້ນຂົນຂວາຍ, ຂະບວນການ, ການເຄື່ອນໄຫວມະນຸດສະທຳຢ່າງແທດຈິງ, ລະອຽດ, ມຸ່ງໄປສູ່ຮາກຖານ; ທະວີຄຸນບັນດາຮູບການທີ່ເໝາະສົມ, ມີປະສິດທິຜົນ. ຜ່ານນັ້ນ ປະກອບສ່ວນສຶກສາ, ຍົກສູງສະຕິ, ຈິດໃຈມະນຸດສະທຳ, ອຸ້ນຊູຊ່ວຍເຫຼືອຊຶ່ງກັນ ແລະ ກັນທີ່ເຄີຍເປັນມູນເຊື້ອອັນດີງາມຂອງຊາດ.
(ແຫຼ່ງຄັດຈາກ VOV)