ຜ່ານໄປ 4 ປີ ຫຼັງຈາກຜັນຂະຫຍາຍແຜນການ 02 ຂອງ ຄະນະກຳມະການພັກນະຄອນຫຼວງ ຮ່າໂນ້ຍ ກ່ຽວກັບ ການ “ພັດທະນາກະສິກຳ, ກໍ່ສ້າງເຂດຊົນນະບົດໃໝ່, ຍົກສູງຊີວິດການເປັນຢູ່ຂອງຊາວກະສິກອນ ໄລຍະ 2011-2015 ເທື່ອລະກ້າວ”, ປະຈຸບັນ ດານເຝື້ອງເປັນ ເມືອງທີ່ນຳໜ້າດ້ານຈຳນວນຕາແສງທີ່ບັນລຸມາດຖານຊົນນະບົດໃໝ່ (ໃນອັດຕາ13/15 ຕາແສງ) ແລະ ກຳລັງຈັດຕັ້ງຜັນຂະຫຍາຍຫຼາຍມາດຕາການຕ່າງໆເພື່ອແກ້ໄຂ, ສູ້ຊົນໃຫ້ກາຍເປັນເມືອງຊົນນະບົດໃໝ່ແຫ່ງທຳອິດ ຂອງ ນະຄອນຫຼວງ.
ຕາມທ່ານ ຫງວຽນເຕິດຖັ້ງ, ເລຂາພັກເມືອງເມືອງ ດານເຝື້ອງໃຫ້ຮູ້ວ່າ ເລີ່ມແຕ່ປີ 2011, ບັນດາອົງການຈັດຕັ້ງທີ່ກ່ຽວຂ້ອງຂອງເມືອງໄດ້ເລີ່ມມີການເຄື່ອນໄຫວຕົວຈິງ, ຕິດຕາມຢ່າງໃກ້ຊິດແຕ່ລະຄຸ້ມຊຸມຊົນ, ຊອກຮູ້ ແລະ ແກ້ໄຂຂໍ້ຫຍຸ້ງຍາກ, ຂໍ້ຄົງຄ້າງທີ່ເກີດຂຶ້ນຈາກການຜັນຂະຫຍາຍແຜນການ 02ໃຫ້ທັນການ. ການນຳຂັ້ນເມືອງໄດ້ແບ່ງໜ້າທີ່ຮັບຜິດຊອບວຽກງານຕົວຈິງໃຫ້ແຕ່ລະຄະນະກຳມະການ, ຂະແໜງການ, ບຸກຄົນ, ແນະນຳບັນດາຕາແສງ, ຄຸ້ມບ້ານຈັດຕັ້ງ ປະຕິບັດ ໜ້າທີ່ການ. ຂັ້ນເມືອງຍັງມີແຜນນະໂຍບາຍປຸກລະດົມ, ປະຕິບັດການຍ້ອງຍໍ ຕໍ່ບຸກຄົນ, ການຈັດຕັ້ງທີ່ມີຜົນງານດີເດັ່ນໃຫ້ທ່ວງທັນກັບເວລາ… ຍ້ອນແນວນັ້ນ, ຄວາມຄືບໜ້າຂອງການສ້າງໃຫ້ເປັນຊົນນະບົດໃໝ່ແມ່ນມີຄວາມເປັນໄປໄດ້ດີ. ບັນດາຕາແສງຫຼັງຈາກນະຄອນຮ່າໂນ້ຍຮັບຮອງເປັນ ຕາແສງທີ່ບັນລຸມາດຖານຊົນນະບົດໃໝ່ແລ້ວ ກໍ່ໄດ້ມີຄວາມເປັນເຈົ້າການຖອດຖອນບົດຮຽນເພື່ອສືບຕໍ່ ຍົກສູງຄຸນນະພາບຂອງບັນດາມາດຖານທີ່ບັນລຸໄດ້ນັ້ນ ມາປັບປຸງ ແລະ ເຮັດໃຫ້ດີຂຶ້ນຕື່ມ.
ມາຮອດປະຈຸບັນ, ທົ່ວເມືອງ ດານເຝື້ອງ ໄດ້ຫັນປ່ຽນ ເນື້ອທີ່ດິນ ເຮັດນາຈຳນວນ 950 ເຮັດຕາມາປູກຕົ້ນໄມ້ ກິນໝາກທີ່ມີຜົນຕອບແທນທາງດ້ານເສດຖະກິດສູງຄື: ປູກດອກໄມ້, ປູກຜັກ, ຕົ້ນໄມ້ກິນໝາກ, ຍົກມູນຄ່າການ ຜະລິດກະສິກຳຂຶ້ນເປັນ 160-250 ລ້ານດົ່ງຕໍ່ແຮັກຕາ. ເມືອງ ດານເຝື້ອງ ຍັງໄດ້ສຸມໃສ່ ພັດທະນາດ້ານການບໍລິການ, ການຄ້າ, ກຸ່ມອຸດສາຫະກຳ ມີວິສາຫະກິດຂະໜາດກາງ ແລະ ຂະໜາດນ້ອຍ ຫຼາຍກວ່າ 500 ແຫ່ງ, ມີກຸ່ມອຸດສາຫະກຳ, ຫັດຖະກຳ 6 ແຫ່ງ, ທົ່ວເມືອງ ມີສະຫະກອນກະສິກຳ 21 ແຫ່ງ, ມີສະຫະກອນອຸດສາ ຫະກຳ 8 ແຫ່ງ, ມີສະຫະກອນຂົນສົ່ງ 1 ແຫ່ງ ແລະ ມີ ກອງທຶນສິນເຊື່ອ ປະຊາຊົນ 4 ແຫ່ງ, ປະກອບສ່ວນຊ່ວຍ ແກ້ໄຂການສ້າງ ວຽກເຮັດງານທຳ, ເພີ່ມລາຍຮັບໃຫ້ຊາວຜູ້ອອກແຮງງານ ຫຼາຍພັນຄົນຢູ່ທັງພາຍໃນ ແລະ ນອກທ້ອງຖິ່ນຂອງຕົນ.
ມູມໜຶ່ງຂອງເມືອງ ດານເຝື້ອງ ໃນປະຈຸບັນ.
ປະຈຸບັນ, ເມືອງ ດານເຝື້ອງ ມີໂຮງຮຽນທຸກຊັ້ນ 35/48 ແຫ່ງບັນລຸ ມາດຕະຖານແຫ່ງຊາດ.
ການປະຕິບັດກົນໄກປະຕູດຽວຢູ່ຕາແສງ ເຖາະຊວນ, ເມືອງ ດານເຝື້ອງ. |
ການກຳນົດສ້າງພື້ນຖານໂຄງລ່າງສັງຄົມເປັນປະຖົມປັດໃຈພື້ນຖານເພື່ອສ້າງຊົນນະບົດໃໝ່, ດານເຝື້ອງ ໄດ້ ສຸມທຸກແຫຼ່ງ ທ່າແຮງກໍ່ສ້າງເສັ້ນທາງໄດ້ 6 ສາຍເຊື່ອມຕໍ່ລະຫວ່າງຕາແສງ, 22 ກິໂລແມັດເປັນທາງເສັ້ນຫຼັກຂອງບ້ານ, 136 ກິໂລແມັດເປັນທາງຮ່ອມ ແລະ 80 ກິໂລແມັດແມ່ນທາງເຂົ້າທົ່ງນາ. ຂະແໜງໄຟຟ້າກັບບັນດາຕາແສງໃນຂົງເຂດແມ່ນ ໄດ້ລົງທຶນ ກໍ່ສ້າງຕາຂ່າຍໄຟ ຟ້າແຮງກາງຈຳນວນ 235 ກວ່າກິໂລແມັດ, ໄຟຟ້າແຮງຕ່ຳ 111 ກິໂລແມັດ, ຕິດຕັ້ງຫມ້ໍແປງໄຟຟ້າ 28 ແຫ່ງ, ເພີ່ມຈຳນວນຫມ້ໍແປງໄຟຟ້າຂຶ້ນເປັນ 225 ແຫ່ງ. ຍ້ອນ ແນວນັ້ນ, ອັດຕາສ່ວນປະຊາຊົນທີ່ໄດ້ຊົມໃຊ້ໄຟຟ້າບັນ ລຸເຖິງ 99%. ເຄືອຂ່າຍການໄປສະນີ-ໂທລະຄົມມະນາຄົມພັດທະນາຢ່າງ ກວ້າງຂວາງ, ຕອບສະໜອງດ້ານຂໍ້ມູນຂ່າວສານໃຫ້ແກ່ ປະຊາຊົນໄດ້ຢ່າງທົ່ວເຖິງ.
ທົ່ວເມືອງມີໂຮງຮຽນ 35 ແຫ່ງໃນຈຳນວນ 48 ແຫ່ງບັນລຸ ມາດຕະຖານແຫ່ງຊາດ, ຂັ້ນຕາແສງມີສູນວັດທະນະທຳ 15 ແຫ່ງ, ມີສູນວັດທະນະທຳຂັ້ນບ້ານ 93 ສູນ ແລະ ມີ ເດີ່ນກິລາ ຂອງຕາແສງ 15 ເດີ່ນ. ທົ່ວເມືອງ ມີຕະຫຼາດ 7 ແຫ່ງ, 45 ບ້ານ, 13 ຄຸ້ມ ແລະ 21 ກຸ່ມຊຸມຊົນທີ່ໄດ້ຮັບ ນາມມະຍົດເປັນກຸ່ມຊຸມຊົນວັດທະນະທຳ; ມີຈຳນວນ 89% ຂອງຈຳນວນຄອບຄົວບັນລຸມາດຕະຖານຄອບຄົວ ວັດທະນະທຳ ແລະ ບັນລຸ ໄດ້ 100% ເປັນຕາແສງທີ່ຄົບເງື່ອນໄຂດ້ານສາທາລະນະສຸກລະດັບຊາດ.
ທ່ານ ຈູຝູ໋ໝີ, ຜູ້ອຳນວຍການຂະແນກກະສິກຳ ແລະ ພັດທະນາຊົນນະບົດ ຮ່າໂນ້ຍ ໃຫ້ຮູ້ວ່າ ຍ້ອນມີການ ພັດ ທະນາເສດຖະກິດ ໄປພ້ອມໆກັບການປະຕິບັດແຜນລົບລ້າງຄວາມທຸກຍາກເປັນຢ່າງດີ, ຈຳນວນຄອບຄົວທີ່ທຸກ ຍາກຂອງດານເຝື້ອງ ຈຶ່ງຫຼຸດລົງຫຼາຍ. ໃນປີ 2010, ຈຳນວນຄອບຄົວທີ່ທຸກຍາກແມ່ນ 4.236 ຄອບຄົວ, (ກວມອັດຕາ 12,21%) ມາເຖິງປີ 2014 ແມ່ນຍັງເຫຼືອ ພຽງ 880 ຄອບຄົວ (ກວມອັດຕາ 2,2%). ອັດຕາສ່ວນ ແຮງງານທີ່ເຄີຍໄດ້ຜ່ານການບຳລຸງສ້າງວິຊາຊີບແມ່ນ ຈາກ 35% ໃນປີ 2010 ເພີ່ມຂຶ້ນເປັນ 61% ໃນ ປີ 2014… ໃນໄລຍະ 2011-2015, ເມືອງ ໄດ້ສ້າງວຽກ ເຮັດງານທຳບັນລຸໄດ້ 1 ໝື່ນຄົນ, ອັດຕາສ່ວນແຮງງານ ທີ່ ມີວຽກເຮັດເປັນປະຈຳ ບັນລຸໄດ້ ປະມານ 95%.
ຈາກຜົນສຳເລັດຕ່າງໆຂ້າງເທິງ, ເມືອງ ດານເຝື້ອງ ກຳລັງ ຢູ່ໃນຂະບວນສ້າງສຳນວນເອກະສານ ເພື່ອນຳສະເໜີການຮັບຮອງ ເປັນເມືອງທີ່ບັນລຸມາດຕະຖານຂອງ ຊົນນະບົດໃໝ່ຕາມກຳນົດ.
ຄອບຄົວອ້າຍ ບຸ່ຍຊວນຕຽບ ຢູ່ຄຸ້ມບ້ານ ຖາບເທື້ອງ (ຊອງເຝື້ອງ, ດານເຝື້ອງ) ໄດ້ຕັດສິນໃຈ
ປະການປູກເຂົ້າຫັນມາປູກຕົ້ນໄມ້ກິນໝາກແທນ, ແຕ່ລະປີມີລາຍຮັບແຕ່ 300-400 ລ້ານດົ່ງ.
ໝາກຮຸ່ງ ເປັນຕົ້ນໄມ້ທີ່ມີຜົນຕອບແທນທາງດ້ານເສດ ຖະກິດສູງຕໍ່ປະຊາຊົນຕາແສງ ຊອງເຝື້ອງ.
ເມືອງ ໄດ້ຫັນປ່ຽນເນື້ອທີ່ດິນເຮັດນາຫັນມາປູກດອກ ໄມ້ຊະນິດຕ່າງໆໄດ້ຫລາຍກວ່າ 950 ແຮັກຕາ,
ຍົກຜົນການຜະລິດກະສິກຳຂຶ້ນເຖິງ 160-250 ລ້ານດົ່ງ ຕໍ່ແຮັກຕາ.
ຜະລິດເຄື່ອງໄມ້ສົ່ງອອກຕາມຂະບວນການແບບໃໝ່, ທັນສະໄໝ.
ປະຈຸບັນ, ທົ່ວເມືອງ ດານເຝື້ອງ ມີງົວປະມານ 1.000 ໂຕ, ໃນນັ້ນ ມີງົວແມ່ນົມ 200 ໂຕ,
ສຸມໃສ່ລ້ຽງຢູ່ຕາແສງ ເຝືອງດິ່ງ.
ເມືອງ ດານເຝື້ອງ ໄດ້ຫັນປ່ຽນເນື້ອທີ່ດິນເຮັດນາຈຳນວນ 950 ແຮັກຕາມາປູກຕົ້ນໄມ້ກິນໝາກ
ທີ່ມີຜົນຕອບແທນ ດ້ານເສດຖະກິດສູງຄື: ດອກໄມ້, ຜັກ, ຕົ້ນໄມ້ກິນໝາກ,
ຍົກຜົນຜະລິດກະສິກຳຂຶ້ນເປັນ160-250 ລ້ານດົ່ງຕໍ່ ແຮັກຕາ. |
ບົດ: ຮວ່າງຮ່າ - ພາບ: ຮວ່າງຮ່າ ແລະ ເອກະສານ