ພິທີ ເຊີດຊູກ່ວາ 100 ຜະລິດຕະພັນອຸດສາຫະກຳຊົນນະບົດທີ່ດີເດັ່ນປີ 2017
ກະຊວງອຸດສາຫະກຳ ແລະ ການຄ້າ ຫວຽດນາມ ຈັດຕັ້ງພິທີປະກາດ ແລະ ເຊີດຊູກ່ວາ 100 ຜະລິດຕະພັນໃນຈຳນວນ 700 ຜະລິດຕະພັນອຸດສາຫະກຳຊົນນະບົດທີ່ດີເດັ່ນລະດັບຊາດປີ 2017. ບັນດາຜະລິດຕະພັນໄດ້ຈັດແບ່ງຕາມກຸ່ມ ລວມມີ: ກຸ່ມຜະລິດຕະພັນເຄື່ອງສິລະປະຫັດຖະກຳ; ກຸ່ມຜະລິດຕະພັນປຸ້ງແຕ່ງກະເສດ, ເຄື່ອງປ່າຂອງດົງ, ສິນໃນນ້ຳ ແລະ ເຄື່ອງດື່ມ; ກຸ່ມຜະລິດຕະພັນພາຫະນະ, ເຄື່ອງຈັກ, ເຄື່ອງມື ແລະ ເຄື່ອງອາໄຫຼ່ກົນຈັກ ແລະ ກຸ່ມບັນດາຜະລິດຕະພັນອື່ນໆ.
ແລະກໍ່ໃນຕອນເຊົ້າວັນທີ 20 ກັນຍາ, ງານຕະຫລາດນັດວາງສະແດງຜະລິດຕະພັນສິນຄ້າອຸດສາຫະກຳຊົນນະບົດທີ່ດີເດັ່ນປີ 2017 ໄດ້ຖືກໄຂຂຶ້ນ. ງານວາງສະແດງຈະດຳເນີນແຕ່ວັນທີ 20 – 24 ກັນຍາປີ 2017.
(ແຫຼ່ງຄັດຈາກ VOV)