ພິທີເຊີດຊູ 100 ເຄື່ອງໝາຍການຄ້າດ້ານການທ່ອງທ່ຽວແຖວໜ້າ 2016
(ພາບ: TTXVN)
ຕອນຄ່່ຳວັນທີ 24/03, ພະແນກທ່ອງທ່ຽວນະຄອນໂຮ່ຈິມິນ ໄດ້ສົມທົບກັບສະຫະພັນທ່ອງທ່ຽວນະຄອນ ຈັດຕັ້ງພິທີເຊີດຊູ 100 ເຄື່ອງໝາຍການຄ້າດ້ານການທ່ອງທ່ຽວແຖວໜ້າ 2016. ນີ້ແມ່ນໂອກາດເພື່ອເຊີດຊູບັນດາວິສາຫະກິດທ່ອງທ່ຽວ, ໂຮງແຮມ, ຂົນສົ່ງນັກທ່ອງທ່ຽວ, ຊື້ຂາຍ, ກິນດື່ມ… ທີ່ໄດ້ປະກອບສ່ວນຢ່າງຕັ້ງໜ້າເຂົ້າໃນການພັດທະນາການທ່ອງທ່ຽວຂອງນະຄອນໂຮ່ຈິມິນ ເວົ້າສະເພາະ ແລະ ທ່ອງທ່ຽວຫວຽດນາມ ເວົ້າລວມ ໃນປີ 2016. ປີນີ້, 100 ເຄື່ອງໝາຍການຄ້າທ່ອງທ່ຽວແຖວໜ້າຢູ່ນະຄອນໂຮ່ຈິມິນ ໄດ້ຮັບການເຊີດຊູຄື: ບໍລິສັດທ່ອງທ່ຽວ inbound (ຕ້ອນຮັບນັກທ່ອງທ່ຽວຕ່າງປະເທດມາຫວຽດນາມ), ວິສາຫະກິດ outbound (ນຳນັກທ່ອງທ່ຽວຫວຽດນາມ ໄປຕ່າງປະເທດ), ວິສາຫະກິດທ່ອງທ່ຽວຢູ່ພາຍໃນປະເທດ… ພິເສດ, ໃນປີນີ້, ຄະນະຈັດຕັ້ງຍັງຄັດເລືອກ ແລະ ມອບລາງວັນໃຫ້ວິສາຫະກິດການບໍລິການທ່ອງທ່ຽວເລີ່ມທຸລະກິດພົ້ນເດັ່ນໄລຍະ 2014 – 2016 10 ແຫ່ງ ໃຫ້ບັນດາບໍລິສັດທ່ອງທ່ຽວ, ຂົນສົ່ງນັກທ່ອງທ່ຽວ ແລະ ຜະລິດຕະພັນການບໍລິການໃໝ່ຂອງນະຄອນ.
(ແຫຼ່ງຄັດຈາກ VOV)
