ພ້ອມໆກັບບຶງບົວໂຮ່ໄຕ, ໃນມໍ່ໆມານີ້ບັນດາຜູ້ຄົນທີ່ຮັກມັກດອກໄມ້ປະເພດນີ້ໄດ້ໄປຮອດໄປເຖິງບຶງບົວ ນິງຊ໋າ ຢູ່ຊານເມືອງນະຄອນ ຮ່າໂນ້ຍ ເພື່ອຍຸທ່າງເຊີຍຊົມ ຄວາມສວຍສົດງົດງາມຂອງດອກບົວ 12 ປະເພດທີ່ແປກໆ ແລະ ປະເສີດຫາຍາກທີ່ສຸດ.
ຜູ້ທີ່ສ້າງບຶງບົວທີ່ມີຄ່າຫາຍາກແຫ່ງນີ້ຂຶ້ນແມ່ນທ່ານ ຫງວຽນວັນແຮ້ງ ຢູ່ບ້ານ ນິງຊ໋າ, ຕາແສງ ນິງເສີ, ເມືອງ ເຖື່ອງຕີ້ນ, ຮ່າໂນ້ຍ. ທີ່ຜ່ານມາເປັນຜູ້ໜຶ່ງທີ່ມີຊື່ສຽງກ່ຽວກັບຄວາມຫລົງໄຫລນິຍົມຊົມຊອບກັບດອກບົວ, ແຕ່ຈົນມາຮອດປີ 2010, ທ່ານແຮ້ງຈຶ່ງໄດ້ມີໂອກາດພັດທະນາສ້າງສາບຶງບົວເປັນຂອງຕົນເອງຂຶ້ນ ເມື່ອໄດ້ຂໍເຊົ່າຄືນໜອງບຶງເກົ່າຂອງສະຫະກອນຢູ່ຕໍ່ໜ້າເຮືອນຂອງຕົນ.
ໃນເນື້ອທີ່ລວມ 5000 ຕາຕະລາງແມັດຂອງບຶງ, ທ່ານແຮ້ງໄດ້ລົງມືກໍ່ສ້າງ, ສະສົມ ແລະ ຂະຫຍາຍແນວພັນບົວທີ່ມີຄ່າຫລາຍປະເພດ. ດ້ວຍການຊ່ວຍເຫຼືອຢ່າງສຸດອົກສຸດໃຈຂອງເຈົ້າອາວາດວັດ ຮືງຟຸກ(ເມືອງແທງຈີ່), ທ່ານແຮ້ງໄດ້ປະສົບຜົນສຳເລັດໃນການເພາະພັນປະເພດດອກບົວຂາວ, ກີບຄູ່ ແລະ ກີບຄູ່ແຂບສີອິດ ຊຶ່ງເປັນປະເພດດອກບົວທີ່ຍັງບໍ່ມີຫຼາຍໃນທົ່ວປະເທດ.
ທ່ານແຮ້ງໃຫ້ຮູ້ວ່າ, ຢູ່ບ່ອນໃດມີແນວພັນບົວປະເສີດຫາຍາກ ລາວໄດ້ພະຍາຍາມໄປຮອດໄປເຖິງເພື່ອຂໍແບ່ງປັນ ແລະ ຊອກຮູ້ຮໍ່າຮຽນວິທີເພາະປູກເຊັ່ນເຂດ ຮືງອຽນ, ບັກນິງ ຫລື ຫາໝູ່ເພື່ອນຊ່ວຍຊື້ໃຫ້ແນວພັນບົວໃນພະລາຊະວັງເກົ່າເຫວ້, ດອກບົວແດງກີບດຽວຈາກພາກໃຕ້ ແລະ ອື່ນໆ. ທ່ານແຮ້ງໄດ້ເສຍ ສະຫລະເວລາ ແລະ ເຫື່ອແຮງຢ່າງຫຼວງຫຼາຍເພື່ອບົວລະບັດ ແລະ ປົວແປງລະດັບນ້ຳ, ປະລິມານຂີ້ຕົມຢູ່ໃນບຶງຄືນໃໝ່ເພື່ອໃຫ້ພໍເໝາະກັບຕົ້ນບົວແຕ່ລະແນວ. ໃນຕໍ່ໜ້ານີ້, ທ່ານແຮ້ງໄດ້ມີແຜນຈະລົງທຶນຂະຫຍາຍເນື້ອທີ່ບຶງຕື່ມອີກ 10.000 ແມັດມົນທົນ ແລະ ເພາະພັນແນວພັນທີ່ມີຄ່າອີກຫຼາຍ ປະເພດເຊັ່ນດອກບົວກຸງດິ່ງຂາວ, ດອກບົວຍີ່ປຸ່ນ ແລະ ອື່ນໆ.
ກໍ່ຍ້ອນສາມາດຮ້ອນໂຮມໄດ້ຫລາກຫລາຍປະເພດບົວທີ່ແສນປະເສີດ. ເພາະສະນັ້ນ, ບຶງບົວແຫ່ງນີ້ຈຶ່ງໄດ້ດຶງດູດເອົາຜູ້ນິຍົມຊົມຊອບບົວມາທີ່ນີ້ເພື່ອເຊີຍຊົມກໍ່ຄືເພື່ອຕາມລ່າຫາຮູບພາບທີ່ສວຍງາມຄຽງຂ້າງດອກໄມ້ທີ່ແສນສວຍງາມສູງສົ່ງປະເພດນີ້. ຕາມບັນດານັກຖ່າຍຮູບຜູ້ທີ່ມີຄວາມນິຍົມ ແລະ ມີປະສົບການຖ່າຍຮູບກ່ຽວກັບດອກບົວໃຫ້ຮູ້ວ່າ, ດອກບົວງາມທີສຸດແມ່ນຍາມຫາກໍອ້າກີບຈໍ່ດອກ ແລະ ໃນຈຸດເວລານັ້ນ, ຖ້າຫາກວ່າຖ່າຍຮູບສວນແສງຕາເວັນໃນຍາມຮຸ່ງເຊົ້າ ແມ່ນຈະໄດ້ພາບຖ່າຍງາມທີສຸດ.
ຢູ່ບຶງນິງຊ໋າ, ປະເພດດອກບົວທີ່ພິເສດທີສຸດແມ່ນດອກບົວສີຂາວ ແຂບສີບົວ, ກີບຄູ່, ບາງຄັ້ງຄາວ ມີບາງດອກກາຍກໍາມະພັນຈຶ່ງອອກດອກມີທັງສີຂາວ ແລະ ສີບົວໃນດອກດຽວກັນ.
ເມື່ອມາຢ້ຽມຢາມບຶງບົວນິງຊ໋າແຫ່ງນີ້, ບາງເທື່ອບໍ່ແມ່ນຜູ້ໃດກໍ່ສາມາດເຊີຍຊົມໄດ້ຄົບທັງດອກບົວ 12 ປະເພດ ເພາະວ່າມີບາງປະເພດດອກບົວອາດຈະຍັງບໍ່ທັນຮອດຍາມເບັ່ງບານ, ແຕ່ພຽງວັນດຽວທີ່ທ່ານມີໜ້າຢູ່ທີ່ບຶງບົວແຫ່ງນີ້ ແລະໄດ້ສູບດົມກິ່ນຫອມຫວນຂອງດອກບົວທີ່ແສນເຢືອກເຢັນແລ້ວກໍ່ເຮັດໃຫ້ແຂກຄົນທັງຫລາຍຮູ້ສຶກປະທັບໃຈສຸດແສນຍາກທີ່ຈະລືມລົງໄດ້.
ໃນເນື້ອທີ່ລວມ 5000 ຕາຕະລາງແມັດຂອງບຶງ, ທ່ານແຮ້ງໄດ້ລົງມືກໍ່ສ້າງ, ສະສົມ ແລະ ຂະຫຍາຍແນວພັນບົວທີ່ມີຄ່າຫລາຍປະເພດ. ດ້ວຍການຊ່ວຍເຫຼືອຢ່າງສຸດອົກສຸດໃຈຂອງເຈົ້າອາວາດວັດ ຮືງຟຸກ(ເມືອງແທງຈີ່), ທ່ານແຮ້ງໄດ້ປະສົບຜົນສຳເລັດໃນການເພາະພັນປະເພດດອກບົວຂາວ, ກີບຄູ່ ແລະ ກີບຄູ່ແຂບສີອິດ ຊຶ່ງເປັນປະເພດດອກບົວທີ່ຍັງບໍ່ມີຫຼາຍໃນທົ່ວປະເທດ.
ທ່ານແຮ້ງໃຫ້ຮູ້ວ່າ, ຢູ່ບ່ອນໃດມີແນວພັນບົວປະເສີດຫາຍາກ ລາວໄດ້ພະຍາຍາມໄປຮອດໄປເຖິງເພື່ອຂໍແບ່ງປັນ ແລະ ຊອກຮູ້ຮໍ່າຮຽນວິທີເພາະປູກເຊັ່ນເຂດ ຮືງອຽນ, ບັກນິງ ຫລື ຫາໝູ່ເພື່ອນຊ່ວຍຊື້ໃຫ້ແນວພັນບົວໃນພະລາຊະວັງເກົ່າເຫວ້, ດອກບົວແດງກີບດຽວຈາກພາກໃຕ້ ແລະ ອື່ນໆ. ທ່ານແຮ້ງໄດ້ເສຍ ສະຫລະເວລາ ແລະ ເຫື່ອແຮງຢ່າງຫຼວງຫຼາຍເພື່ອບົວລະບັດ ແລະ ປົວແປງລະດັບນ້ຳ, ປະລິມານຂີ້ຕົມຢູ່ໃນບຶງຄືນໃໝ່ເພື່ອໃຫ້ພໍເໝາະກັບຕົ້ນບົວແຕ່ລະແນວ. ໃນຕໍ່ໜ້ານີ້, ທ່ານແຮ້ງໄດ້ມີແຜນຈະລົງທຶນຂະຫຍາຍເນື້ອທີ່ບຶງຕື່ມອີກ 10.000 ແມັດມົນທົນ ແລະ ເພາະພັນແນວພັນທີ່ມີຄ່າອີກຫຼາຍ ປະເພດເຊັ່ນດອກບົວກຸງດິ່ງຂາວ, ດອກບົວຍີ່ປຸ່ນ ແລະ ອື່ນໆ.
ກໍ່ຍ້ອນສາມາດຮ້ອນໂຮມໄດ້ຫລາກຫລາຍປະເພດບົວທີ່ແສນປະເສີດ. ເພາະສະນັ້ນ, ບຶງບົວແຫ່ງນີ້ຈຶ່ງໄດ້ດຶງດູດເອົາຜູ້ນິຍົມຊົມຊອບບົວມາທີ່ນີ້ເພື່ອເຊີຍຊົມກໍ່ຄືເພື່ອຕາມລ່າຫາຮູບພາບທີ່ສວຍງາມຄຽງຂ້າງດອກໄມ້ທີ່ແສນສວຍງາມສູງສົ່ງປະເພດນີ້. ຕາມບັນດານັກຖ່າຍຮູບຜູ້ທີ່ມີຄວາມນິຍົມ ແລະ ມີປະສົບການຖ່າຍຮູບກ່ຽວກັບດອກບົວໃຫ້ຮູ້ວ່າ, ດອກບົວງາມທີສຸດແມ່ນຍາມຫາກໍອ້າກີບຈໍ່ດອກ ແລະ ໃນຈຸດເວລານັ້ນ, ຖ້າຫາກວ່າຖ່າຍຮູບສວນແສງຕາເວັນໃນຍາມຮຸ່ງເຊົ້າ ແມ່ນຈະໄດ້ພາບຖ່າຍງາມທີສຸດ.
ຢູ່ບຶງນິງຊ໋າ, ປະເພດດອກບົວທີ່ພິເສດທີສຸດແມ່ນດອກບົວສີຂາວ ແຂບສີບົວ, ກີບຄູ່, ບາງຄັ້ງຄາວ ມີບາງດອກກາຍກໍາມະພັນຈຶ່ງອອກດອກມີທັງສີຂາວ ແລະ ສີບົວໃນດອກດຽວກັນ.
 ດອກບົວເບັ່ງບານໃນຍາມຮຸ່ງອາລຸນຂອງທຸກວັນ.  ຈຸດເວລາທີ່ດອກບົວເບັ່ງບານເຜີຍເກສອນທັງໝົດ…  … ຂະນະທີ່ແສງພະອາທິດຂອງວັນໃໝ່ຫາກໍ່ສາດສ່ອງລົງກີບດອກໄມ້.  ປະເພດບົວຂາວກີບດ່ຽວ ແຜ່ຂະຫຍາຍ ແລະ ອອກດອກໃນບຶງແມ່ນໃນເດືອນມິຖຸນາຂອງທຸກປີ.  ດອກບົວຂາວ(ແບກລຽນຮວາ)ນີ້ເປັນປະເພດດອກບົວທີ່ຫາຍາກຢູ່ເຂດພາກເໜືອຫວຽດນາມກຳລັງຢູ່ໃນໄລຍະເບັ່ງບານທີສຸດ.  ດອກບົວສີບົວທີ່ມັກຈະເຫັນຢູ່ໜອງໂຮ່ໄຕ ເມື່ອນໍາມາປູກຢູ່ບຶງນິງຊ໋າແມ່ນມີກິ່ນຫອມສຸດທີ່ພິເສດ.  ດອກບົວຮົ່ງກວານເອີມ (ບານຮ້ອຍກີບ) ມີຕົ້ນກຳເນີດຈາກໄທ, ກີບໃຫຍ່ຢູ່ຊັ້ນນອກ...  ... ທາງໃນແມ່ນມີເຖິງຮ້ອຍກີບນ້ອຍ, ດອກບົວບານຕະຫຼອດສອງອາທິດຈຶ່ງຫ່ຽວ.  ພາບດອກບົວຮົ່ງກວານເອີມຮ້ອຍກີບ.  ດອກບົວສີບົວ, ກີບຄູ່.  ດອກບົວກຸງດິ່ງ, ເປັນປະເພດດອກບົວທີ່ມີຄ່າຫາຍາກ, ມີຂະໜາດນ້ອຍກວ່າປະເພດດອກບົວອື່ນໆ ແລະ ມີແກ່ນຢູ່ກາງ. ກ່ອນໜ້ານີ້, ດອກບົວປະເພດນີ້ໄດ້ປູກຢູ່ໃນພະລາຊະວັງເຫວ້, ປັດຈຸບັນມັກເຫັນປູກຢູ່ໃນກະໂຖດອກໄມ້ໂຊ.  ດອກບົວຂາວແຂບສີບົວ, ກີບຄູ່, ເປັນປະເພດດອກບົວທີ່ມີຄ່າຫາຍາກເປັນພິເສດ. ບາງຄັ້ງຄາວ ມີບາງດອກຖືກກາຍກໍາມະພັນໃຫ້ກຳເນີດສອງສີຄືສີຂາວແລະສີບົວຢູ່ໃນດອກດຽວ.  ສີສັນ ແລະ ກິ່ນຫອມຂອງດອກບົວໄດ້ດຶງດູດເອົາພວກເຜີ້ງທັງຫລາຍໃນຍາມເຊົ້າຕູ່.  ຍ້ອນໄດ້ປູກຕາມເງື່ອນໄຂທຳມະຊາດດັ່ງນັ້ນມີບາງກິ່ງຂອງດອກບົວແຜ່ຂະຫຍາຍເປັນຮູບຊົງທີ່ແປກໆ, ຈັບຕາຈັບໃຈບັນດາທ່ານຜູ້ຊົມ.  ນັກທ່ອງທ່ຽວຜູ້ໜຶ່ງບັນທຶກຮູບດອກບົວໄວ້ໃນກອງຖ່າຍຮູບຂອງຕົນ.  ພາບໃກ້ຂອງເກສອນດອກບົວສີບົວ, ກີບຄູ່, ເຄີຍໃຊ້ເພື່ອເອືອບຊາ ແລ ະເປັນຢາດີຕໍ່ສຸຂະພາບ.  ຕາມປົກກະຕິ, ລະດູດອກບົວບານແກ່ຍາວແຕ່ເດືອນພຶດສະພາຮອດເດືອນສິງຫາ. ໃນຊ່ວງເວລານີ້, ເຂດບຶງບົວໄດ້ຕ້ອນຮັບນັກຖ່າຍຮູບອາຊີບ ແລະ ສະໝັກຫຼິ້ນທີ່ມາຊອກຫາບັນດາຊຸດພາບຖ່າຍທີ່ງາມໆກ່ຽວກັບດອກບົວ.  ທ່ານຫງວຽນວັນແຮ້ງກັບດອກບົວປະເພດໜຶ່ງທີ່ບໍ່ທັນຮູ້ຕົ້ນກຳເນີດ, ກຳລັງປູກທົດລອງຢູ່ໃນໂຖດອກໄມ້ກ່ອນທີ່ຈະນໍາໄປປູກໃນບຶງ.  ມາທ່ອງຊົມບຶງບົວນິງຊ໋າ, ນັກທ່ອງທ່ຽວຈະມີຄວາມປະທັບໃຈຫລາຍຍ້ອນໄດ້ເຊີຍຊົມສີສັນ ແລະ ກິ່ນຫອມຂອງດອກບົວປະເພດຕ່າງໆທີ່ມີຄ່າຫາຍາກ. |
ເມື່ອມາຢ້ຽມຢາມບຶງບົວນິງຊ໋າແຫ່ງນີ້, ບາງເທື່ອບໍ່ແມ່ນຜູ້ໃດກໍ່ສາມາດເຊີຍຊົມໄດ້ຄົບທັງດອກບົວ 12 ປະເພດ ເພາະວ່າມີບາງປະເພດດອກບົວອາດຈະຍັງບໍ່ທັນຮອດຍາມເບັ່ງບານ, ແຕ່ພຽງວັນດຽວທີ່ທ່ານມີໜ້າຢູ່ທີ່ບຶງບົວແຫ່ງນີ້ ແລະໄດ້ສູບດົມກິ່ນຫອມຫວນຂອງດອກບົວທີ່ແສນເຢືອກເຢັນແລ້ວກໍ່ເຮັດໃຫ້ແຂກຄົນທັງຫລາຍຮູ້ສຶກປະທັບໃຈສຸດແສນຍາກທີ່ຈະລືມລົງໄດ້.
ປະຕິບັດ: ເຈີ່ນກົງດາດ
