ມາທີ່ນີ້, ໝູ່ສາມັນຊົນ ແລະ ສາສະນິກະຊົນຈະໄດ້ຢ້ຽມຊົມ ເຄື່ອງບູ ຊາຫລາຍກວ່າ 200 ເຄື່ອງທີ່ມີຄຸນຄ່າສູງທາງດ້ານເຕັກນິກຂອງຄວາມສວຍງາມ ແລະ ເຄີຍໄດ້ຖືກນຳໃຊ້ໃນພິທີການ, ຮີດຄອງປະເພນີຕ່າງໆ ຂອງສາສະໜາກາໂຕລິກ.
ກ້າວເຂົ້າສູ່ຫ້ອງວາງສະແດງ, ໝູ່ສາມັນຊົນກ່ອນອື່ນຈະໄດ້ຊື່ນຊົມຮູບປັ້ນ ພະເຢຊູຮັບເຄາະເທິງໄມ້ກາງເຂນ ສູງ 2 ແມັດ, ມີແຫຼ່ງກໍາເນີດມາຈາກເມືອງ ຫາຍເຫົ້າ, ແຂວງ ນາມດິງ ແຕ່ຕົ້ນສະຕະວັດ ທີ 20. ຮູບປັ້ນດັ່ງກ່າວໂດຍແມ່ນທ່ານ ຟໍຢາວ ນາຍຊ່າງຜູ້ມີຊື່ສຽງທີ່ສຸດໃນການແກະສະຫຼັກຮູບປັ້ນດ້ວຍໄມ້ຂອງ ຫວຽດນາມ ໃນສະໄໝນັ້ນເປັນຜູ້ສ້າງ. ຕາມຄຸນພໍ່ ຫງວຽນຫຶວຈຽດ ໃຫ້ຮູ້ວ່າ, ບັນດາ ຮູບປັ້ນແກະສະຫຼັກດ້ວຍໄມ້ທີ່ທ່ານ ຟໍຢາວ ແລະ ລູກສິດ ຂອງເພິ່ນສະໜອງໃຫ້ ໄດ້ຖືກນຳໃຊ້ຢ່າງຫລວງຫລາຍໃນໂບດຕ່າງໆຢູ່ ຫວຽດນາມ.
 ບໍລິເວັນພາຍໃນຫ້ອງວາງສະແດງຊຸດສະສົມ “ເຄື່ອງບູຊາທີ່ເກົ່າແກ່ແລະບູຮານນະການຂອງ ສາສະໜາ ກາໂຕລິກ”ທີ່ເຮືອນມູນເຊື້ອຂອງສາສະໜາ ກາໂຕລິກ ຢູ່ນະຄອນ ໂຮ່ຈີມິນ. ພາບ: ຫງວຽນລວນ  ຊຸດສະສົມ “ເຄື່ອງບູຊາທີ່ເກົ່າແກ່ແລະບູຮານນະການຂອງ ສາສະໜາ ກາໂຕລິກ”ສາມາດດຶງດູດ ນັກທ່ອງທ່ຽວມາຢ້ຽມຊົມນັບເປັນຈຳນວນຫຼວງຫຼາຍ. ພາບ: ຫງວຽນລວນ  ໝູ່ສາມັນຊົນ ຢ້ຽມຊົມ ເຄື່ອງບູ ຊາຫລາຍກວ່າ 200 ເຄື່ອງທີ່ມີຄຸນຄ່າສູງທາງດ້ານເຕັກນິກຂອງຄວາມສວຍງາມ ແລະ ເຄີຍໄດ້ຖືກນຳ ໃຊ້ໃນພິທີການ, ຮີດຄອງປະເພນີຕ່າງໆ ຂອງສາສະໜາກາໂຕລິກ ພາບ: ຫງວຽນລວນ  ຄຸນພໍ່ ຫງວຽນຫຶວຈຽດ ກຳລັງແນະນຳ ຊຸດສະສົມ “ເຄື່ອງບູຊາທີ່ເກົ່າແກ່ແລະບູຮານນະການຂອງ ສາສະໜາ ກາໂຕລິກ”. ພາບ: ແທ່ງດາດ |
ໃນຈໍານວນ 200 ເຄື່ອງບູຊາຂອງສາສະໜາກາໂຕລິກ, ຕູ້ບູຊາທີ່ແກະ ສະຫຼັກດ້ວຍ ໄມ້ລຳແຂງ (Ebony) ແລະ ຝັງມຸກ ເປັນເຄື່ອງວັດຖຸບູຊາໜຶ່ງທີ່ຄຸນພໍ່ ຫງວຽນຫຶວຈຽດ ໃຫ້ຄວາມເຄົາລົບນັບຖືທີ່ສຸດ. ເຈົ້າຂອງຜູ້ທໍາອິດ ຂອງຕູ້ບູຊາໜ່ວຍນີ້ ແມ່ນເຈົ້າແຂວງແຂວງ ບິ່ງເຢືອງ ມີໄວ້ໃນຄອບຄອງຕັ້ງແຕ່ສະຕະວັດທີ 19. ຫຼັງຈາກເພິ່ນ ເສຍຊີວິດໄປແລ້ວ, ຄອບ ຄົວເພິ່ນໄດ້ມອບໃຫ້ຄຸນພໍ່ ຟາວໂລ ຫງວຽນຊວນດິງຊຶ່ງເປັນ ຄຸນພໍ່ຂອງ ສາສະໜາ ເຂດຖາຍຮວ່າ ສັງຄະສະມາຄົມ ຈີ້ຮວ່າ ຢູ່ເມືອງ ເຕິນບິ່ງ, ນະຄອນ ໂຮ່ຈີມິນ, ຕໍ່ຈາກນັ້ນ ຄຸນພໍ່ ຫງວຽນຊວນດິງ ໄດ້ມອບຕໍ່ໃຫ້ເຮືອນມູນເຊື້ອຂອງສາສະໜາ ກາໂຕລິກ.
ຕາມຄຸນພໍ່ ຫງວຽນຫຶວຈຽດ ແລ້ວ, ຕູ້ບູຊາໜ່ວຍນີ້ ແມ່ນວັດຖຸເຄື່ອງທີ່ມີໜຶ່ງ ບໍ່ມີສອງຢູ່ ຫວຽດນາມ ແລະ ໂລກນີ້, ເພາະມັນຖືກ ອອກແບບຕາມວັດທະນະທຳຂອງ ຫວຽດນາມ ແຕ່ກໍ່ຍັງຝັງ ລວດລາຍ ຮູບພາບທີ່ລະອຽດຂອງສາສະໜາ ກາໂຕລິກ. ເທິງຕູ້ບູຊາ ໜ່ວຍນີ້ ມີຮູບປັ້ນແມ່ ມາຣີ ກຳລັງອູ້ມ ພະເຢຊູ ເຮັດດ້ວຍດິນເຜົາ ບຽນຮວ່າ. ຮູບປັ້ນໜ່ວຍນີ້ ກໍ່ລຳ້ຄ່າທີ່ສຸດຍ້ອນເຕົາດິນເຜົາຕ່າງໆທີ່ມີຊື່ສຽງຢູ່ພາກໃຕ້ ໃນສະໄໝນັ້ນ ຄື: ໄກມາຍ, ລາຍທ່ຽວ, ບຽນຮວ່າ ລ້ວນແຕ່ບໍ່ທໍາການຜະລິດເຄື່ອງບູຊາຂອງສາສະໜາ ກາໂຕລິກ.
ເຄື່ອງບູຊາຈໍານວນບໍ່ໜ້ອຍໃນຊຸດສະສົມດັ່ງກ່າວ ມີລັກສະນະປະສົມ ປະສານ ລະຫວ່າງວັດທະນະທຳຂອງເບື້ອງຕາເວັນອອກ-ຕາເວັນຕົກເຊັ່ນ:ຮູບປັ້ນ ພະເຢຊູ ນຸ່ງເສື້ອຕາມແບບແຜນຂອງເບື້ອງຕາເວັນອອກ. ຄຽງຄູ່ກັນນັ້ນ ແມ່ນການປະສານສົມທົບລະຫວ່າງ ສາສະໜາພຸດ- ສາສະໜາ ຂົງຈື - ສາສະໜາ ດ້າວ (Taoism) ກັບສາສະໜາ ກາໂຕລິກ.
ນອກຈາກ ເຄື່ອງບູຊາທີ່ມີແຫລ່ງກໍາເນີດຈາກພາຍໃນປະເທດ, ນັກທ່ອງທ່ຽວ ຍັງມີຄວາມປະທັບໃຈທີ່ສຸດເມື່ອໄດ້ຊົມຮູບປັ້ນແມ່ ມາຣີ ທີ່ມີຕົ້ນກຳເນີດມາແຕ່ ອີຕາລີ ໃນສະຕະວັດທີ 19 ແກະສະຫຼັກ ດ້ວຍຫີນອ່ອນ ແລະປະກອບດ້ວຍລວດລາຍຕ່າງໆ ຢ່າງປານີດ.
ລຸງ ຫງວຽນຄັກເຕິມ, ສາສະນີກະຊົນຄົນໜຶ່ງຢູ່ເມືອງ ບິ່ງແທກ, ນະຄອນ ໂຮ່ຈີມິນ ໃຫ້ຮູ້ວ່າ: “ຊຸດສະສົມປະກອບດ້ວຍວັດຖຸເຄື່ອງທີ່ ມີຄຸນຄ່າທີ່ສຸດ, ມັນສະແດງໃຫ້ເຫັນຢ່າງຄົບຖ້ວນບັນດາ ເຄື່ອງບູຊາຂອງສາສະໜາ ກາໂຕລິກ ທີ່ເປັນເອກະລັກສະເພາະຂອງ ວັດທະນະທຳ ຫວຽດນາມ. ຂ້າພະເຈົ້າຮູ້ສຶກ ປະທັບໃຈທີ່ສຸດຕໍ່ກັບຕູ້ບູຊາ ທີ່ແກະສະຫຼັກດ້ວຍໄມ້ລຳແຂງ ແລະ ຝັງມຸກທີ່ສວຍງາມນັ້ນ”.
 ຮູບປັ້ນແມ່ມາຣີ ທີ່ໂບດ ແບ່, ເຂດສາສະໜາ ດ່າງງວ່າຍ, ສະຕະວັດທີ 18. ພາບ: ຫງວຽນລວນ  ຊຸດຮູບປັ້ນ ຄຼິດສະມາດ ທີ່ເຮັດດ້ວຍດິນເຜົາ, ມີຕົ້ນກຳເນີດຈາກ ຝຣັ່ງ, ສະຕະວັດທີ 19. ພາບ: ຫງວຽນລວນ  ຮູບປັ້ນພະ ກີໂຕ ເຮັດດ້ວຍດິນເຜົາຂອງ ທ່ານ ຟໍຈ້ອງ (ຟາດຢ້້ຽມ) ປະຕິບັດເມື່ອປີ 1925. ພາບ: ຫງວຽນລວນ  ຮູບປັ້ນ ແມ່ ມາຣີ ຫຼໍ່ດ້ວຍທອງ, ມີຕົ້ນກຳເນີດຈາກ ຝຣັ່ງ, ສະຕະວັດທີ 19. ພາບ: ຫງວຽນລວນ  ຊຸດເຄື່ອງບູຊາທີ່ໄດ້ເຄືອບສີຄຳ, ໄດ້ຜະລິດໃນໄລຍະ ທ້າຍສະຕະວັດທີ 19 ຕົ້ນສະຕະວັດທີ 20. ພາບ: ຫງວຽນລວນ  ຮູບປັ້ນ ແມ່ ລາວາງ ທີ່ແກະສະຫລັກດ້ວຍໄມ້. ພາບ: ຫງວຽນລວນ  ແທ່ນທຽນຫຼໍ່ດ້ວຍທອງ, ມີຕົ້ນກຳເນີດຈາກ ເອີຣົບ, ສະຕະວັດທີ 19-20. ພາບ: ຫງວຽນລວນ  ຮູບປັ້ນພະເຢຊູ ແກະສະຫລັກດ້ວຍໄມ້, ຊຸມປີ 70 ຂອງສະຕະວັດທີ 20. ພາບ: ຫງວຽນລວນ  ໄມ້ກາງເຂນໄດ້ຝັງມຸກ. ພາບ: ຫງວຽນລວນ  ເຄື່ອງບູຊາໜ່ວຍໜຶ່ງທີ່ຫຼໍ່ດ້ວຍທອງ, ມີຕົ້ນກຳເນີດຈາກ ຝຣັ່ງ, ຕົ້ນສະຕະວັດທີ 20. ພາບ: ແທ່ງດາດ  ຮູບປັ້ນ ພະເຢຊູ ທີ່ແກະສະຫລັກດ້ວຍໄມ້ ແລະ ເຈ້ຍ. ພາບ: ແທ່ງດາດ  ຮູບປັ້ນແມ່ ມາຣີ ແລະ ພະເຢຊູ ທີ່ແກະສະຫລັກດ້ວຍໄມ້. ພາບ: ແທ່ງດາດ  ຫົວຮູບປັ້ນ ພະເຟໂຣ ທີ່ເຮັດດ້ວຍດິນເຜົາ. ພາບ: ແທ່ງດາດ  ພາບຄວັດສະຫຼັກໂນນພະ ເຢຊູ ທີ່ເຮັດດ້ວຍໄມ້. ພາບ: ແທ່ງດາດ |
ບົດ: ແທ່ງດາດ - ພາບ: ຫງວຽນລວນ, ແທ່ງດາດ
