“ເຂົ້າປຸ້ນເບັດເສັດ” ເປັນອາຫານເຍື່ອງໜຶ່ງທີ່ຂອງຊາວໝີຖໍ ທີ່ຄົນຫວຽດນາມທົ່ວໄປຮູ້ຈັກດີ. ຊຶ່ງ ແຕ່ລະຂົງເຂດມີວິທີປຸງແຕ່ງແຕກຕ່າງກັນ, ຕົວຢ່າງຄື ເຫວ້ ມີເຂົ້າປຸ້ນງົວຢໍ່ໝູ, ຮ່າໂນ້ຍມີເຂົ້າປຸ້ນຢໍ່, ເຂົ້າປຸ້ນແກງກະປູ.

 

“ເຂົ້າປຸ້ນເບັດເສັດ” ເປັນອາຫານແຊບຊ້ອຍທີ່ລືຊື່ຂອງໝີຖໍ, ແຂວງຕ່ຽນຢາງ, ຕາມການບອກເລົ່າກ່າວຂານຂອງຊາວໝີຖໍ, ການກິນຊີມລົດຊາດ ອາຫານເຍື່ອງນີ້, ຕ້ອງຮູ້ຈັກວິທີປະສົມເຂົ້າປຸ້ນ, ຊີ້ນ, ກຸ້ງ, ຜັກ, ແຈ່ວນ້ຳປາສົ້ມຫວານ ຈະໃຫ້ລົດຊາດແຊບນົວເປັນທີ່ຈັບອົກຈັບໃຈທາງດ້ານ    ກິ່ນຫອມຂອງຊີ້ນໝູສາມຊັ້ນ, ຂອງໝາກຖົ່ວດິນ, ລົດເຂັ້ມຂອງນ້ຳປາ, ລົດສົ້ມຂອງໝາກຂາມ, ລົດຫວານຂອງກຸ້ງສົດ, ລົດເຜັດຂອງໝາກພິກ, ເຍືອກເຢັນຂອງຜັກຫອມ…ເຖິງວ່າເປັນອາຫານພື້ນບ້ານແຕ່“ເຂົ້າປຸ້ນເບັດເສັດ” ຖືເປັນອາຫານພິເສດຂອງເຂດໝີຖໍໂດຍສະເພາະ. ວັດຖຸດິບ: - ກະດູກໝູ 2 ກິໂລກຣາມ - ກະດູກຂ້າງໝູ ½ ກິໂລກຣາມ - ຊີ້ນໝູສາມຊັ້ນ 250 ກຣາມ - ໝາກຂາມ - ຜັກແປ້ນ, ສະຫຼັດ, ຜັກບົ້ງ, ດອກກ້ວຍຊອຍເປັນເສັ້ນ - ຫອມບົ່ວ, ຜັກທຽມ - ເກືອ, ນ້ຳຕານ, ແປ້ງນົວ, ນ້ຳປາ - ຖົ່ວດິນຕຳແຫຼກ - ເຂົ້າປຸ້ນ - ປາແດກ                                                                      ວິທີປຸງ: - ຊີ້ນໝູສາມຊັ້ນ, ກະດູກຂ້າງໝູຕັດເປັນຕ່ອນພໍກິນ ແລ້ວໃສ່ໝໍ້ຕົ້ມ ເມື່ອຊີ້ນ ກະດູກຂ້າງສຸກດີແລ້ວ ກໍຕັກຊີ້ນອອກ, ສ່ວນກະດູກຕົ້ນຕໍ່ໄປອີກ ເພື່ອເອົານ້ຳ ແກງ. - ຊີ້ນໝູສາມຊັ້ນປະໃຫ້ມັນເຢັນ ແລ້ວຊອຍບາງ. - ກຸ້ງຕົ້ມສຸກ, ແກະເປືອກ. - ຫອມບົ່ວລ້າງສະອາດ, ຊອຍນ້ອຍໆ. - ນ້ຳແກງໃສ່ໝາກຂາມ, ປາແດກ ແລະເຄື່ອງປຸງພໍດີກິນ. - ເວລາຮັບປະທານ, ເອົາເຂົ້າປຸ້ນໃສ່ຖ້ວຍ ແລ້ວເອົາຜັກຫອມ, ຊີ້ນໝູ ສາມຊັ້ນ, ກະດູກຂ້າງໝູ, ກຸ້ງ, ໝາກຖົ່ວດິນ, ຫອມບົ່ວໃສ່ ແລ້ວຕັກນ້ຳ ແກງໃສ່.   ໂດຍ: ຫວິງຮືງ - ພາບ: ກົງດາດ

Bài: Vĩnh Hưng - Ảnh: Công Đạt