ຕາແສງ ຖ້າຍເຕິນ ທີ່ຂຶ້ນກັບເມືອງ ນາມແຊັກ, ແຂວງ ຫາຍເຢືອງ ເດີມເປັນເຂດດິນສັນດອນທີ່ປູກພຽງແຕ່ຖົ່ວດິນ ແລະ ສາລີດ້ວຍສະມັດຕະພາບຕໍ່າ, ປະສິດທິຜົນດ້ານເສດ ຖະກິດບໍ່ສູງ.ເພາະສະນັ້ນ ຊາວບ້ານຈຶ່ງຫັນປ່ຽນມາເພາະປູກກາຣົດແທນ. ພືດຊະນິດນີ້ ເໝາະກັບດິນຟ້າອາ ກາດຂອງຂົງເຂດດັ່ງກ່າວຈຶ່ງເຮັດໃຫ້ສະມັດຕະພາບການຜະລິດສູງ, ລະດັບຊີວິດການເປັນຢູ່ຂອງປະຊາຊົນໄດ້ຮັບການປັບປຸງ,ເສດຖະກິດຂອງທ້ອງຖິ່ນນັບມື້ນັບພັດທະນາຂຶ້ນ.
ພວກຂ້າພະເຈົ້າໄດ້ໄປຮອດໄປເຖິງຕາແສງ ຖ້າຍເຕິນ ກໍ່ພໍດີເໝາະເຈາະກັບໄລຍະຊາວ ບ້ານ ບິ່ງຢາງ, ອານເຢີດ, ເຕິນ ຖັງ, ໝາກເກົ່າ ເລີ່ມກ້າວເຂົ້າສູ່ລະດູເກັບກ່ຽວ ກາຣົດ. ໃນເນື້ອທີ່ປູກ ກາຣົດພຽງ 4 ໄຮ່ ຂອງຄອບຄົວອ້າຍ ຮ່ວາງວຽດຮວິງ ຢູ່ບ້ານ ບິ່ງຢາງ ມີແຮງງານຫຼາຍສິບຄົນພວມເກັບກ່ຽວກາຣົດ. ດີໃຈຍ້ອນກາຣົດ ປີນີ້ ໃຫ້ສະມັດຕະພາບສູງ, ພໍ່ຄ້າແມ່ຄ້າກໍ່ມາເກັບຊື້ກັບທີ່, ອ້າຍ ຮວ່າງວຽດຮວິງ ໃຫ້ຮູ້ວ່າ: “ເຂົາເຈົ້າມາຊື້ກາຣົດ ດ້ວຍລາຄາ 10.000 ດົ່ງ/1kg, ໄຮ່ໜຶ່ງປູກກາຣົດໄດ້ 2 ໂຕນ, ຫັກຄ່າໃຊ້ຈ່າຍຕ່າງໆອອກ ໝົດແລ້ວ, ຄອບຄົວຂ້າພະເຈົ້າມີກຳໄລຢູ່ສິບກວ່າ ລ້ານດົ່ງ”.
ຊາວບ້ານ ຖ້າຍເຕິນ ລົງທຶນກໍ່ສ້າງລະບົບຊົນລະປະທານທີ່ທັນສະໄໝ ເພື່ອຍົກສູງປະລິມານການຜະລິດ.
ຊາວບ້ານ ຖ້າຍເຕິນ ພວມເກັບກ່ຽວກາຣົດສຳເລັດຮູບ.
ເພື່ອເກັບກ່ຽວກາຣົດໃຫ້ຖືກກັບລະດູຄືເດືອນພະຈິກໃນແຕ່ລະປີ, ຫລາຍຄອບຄົວໃນບ້ານ
ຖ້າຍເຕິນຕ້ອງຈ້າງແຮງງານນອກມາເກັບກ່ຽວເພື່ອໃຫ້ທັນລະດູການ.
ຫຼັງຈາກຫລົກກາຮົດຂຶ້ນມາ, ຊາວບ້ານຕັດໃບມັນອອກ, ບັນຈຸໃສ່ເປົາແລ້ວເອົາໄປຂາຍ.
ຊາວບ້ານ ເຕີນຖັງ ຜູ້ໜຶ່ງພວມເກັບກ່ຽວກາຣົດ ໃນເນື້ອທີ່ປູກ 5 ໄຮ່ຂອງຕົນ.
ທົ່ງນາປູກກາຣົດຂອງຕາແສງ ຖ້າຍເຕິນ ມີເນື້ອທີ່ກວ້າງ ຫຼາຍຮ້ອຍເຮັກຕາ ພວມໃນລະດູເກັບກ່ຽວ.
ເປົາກາຣົດທັງຫລາຍກໍາລັງຈະຂາຍສົ່ງອອກຢູ່ທີ່ທົ່ງນາ.
ພໍ່ຄ້າແມ່ຄ້າພວມເກັບຊື້ກາຣົດຢູ່ກັບທີ່.
ຊາວບ້ານ ຖ້າຍເຕິນ ຫຼາຍຄົນໄດ້ລົງທຶນຊື້ເຄື່ອງຈັກປຸງແຕ່ງກາຣົດ ໃນຂັ້ນຕົ້ນ
ເພື່ອຍົກສູງລາຄາຂາຍກໍ່ຄືຄຸນນະພາບ ຂອງຜະລິດຕະພັນ.
ກາຣົດ ຂອງຄອບຄົວລຸງ ຫວູວັນຕວ້າໄດ້ມີການລ້າງໃຫ້ສະອາດ ແລະ ຫຸ້ມຫໍ່ຢ່າງຄັກແນ່ແລ້ວຈຶ່ງເອົາໄປຂາຍ.
ລຸງ ດິງຖໍ້ເລິມ ດີໃຈຫລາຍຍ້ອນກາຣົດປີນີ້ ໄດ້ຮັບຜົນດີ ແລະ ລາຄາຂາຍກໍ່ສູງ. |
ຫ່າງຈາກທົ່ງນາຂອງຄອບຄົວອ້າຍຮວິງບໍ່ໄກປານໃດ, ຄອບ ຄົວເອື້ອຍ ເວືອງທິແອວງ ຢູ່ບ້ານ ເຕິນຖັງ ກໍ່ພວມຂາຍກາຣົດອອກເປັນຈຳນວນຫຼາຍສິບໂຕນ. ຍ້ອນວ່າພໍ່ຄ້າແມ່ຄ້າເພິ່ນສັ່ງຊື້ກ່ອນແລ້ວ. ສະນັ້ນ, ຄອບຄົວລາວຕ້ອງຈ້າງແຮງງານທາງນອກເພີ່ມເພື່ອມາເກັບກ່ຽວແຕ່ເຊົ້າ. ເອື້ອຍ ແອວງ ໃຫ້ຮູ້ວ່າ: ຕົ້ນກາຣົດ ນັບແຕ່ເວລາປູກຈົນເຖິງເວລາເກັບກ່ຽວຕ້ອງໃຊ້ເວລາ 3 ເດືອນກວ່າ, ຕົ້ນກາຣົດ ບົວລະບັດງ່າຍ, ແຕ່ລະປີສາມາດເກັບກ່ຽວໄດ້ 2 ລະດູ. ກໍ່ຍ້ອນກຳແໜ້ນ ເຕັກນິກການປູກ ແລະ ບົວລະບັດກາຣົດ, ສະນັ້ນ ປີນີ້ ຄອບ ຄົວເອື້ອຍ ແອວງ ຈຶ່ງຕັດສິນໃຈລົງທຶນປູກກາຣົດຕື່ມອີກເຮັກຕາໜຶ່ງ ແລະ ບັນລຸໄດ້ສະມັດຕະພາບສູງ. ຫັກຄ່າໃຊ້ຈ່າຍຕ່າງໆອອກແລ້ວ, ເອື້ອຍ ແອວງຄາດຄະເນວ່າຈະມີກຳໄລເປັນຮ້ອຍລ້ານດົ່ງ.
ປະຈຸບັນຢູ່ ຖ້າຍເຕິນ, ເພ່ືອຍົກສູງຄຸນນະພາບຂອງຫົວກາຣົດ, ມີຄອບຄົວຈຳນວນໜຶ່ງໄດ້ຕັດສິນໃຈລົງທຶນຊື້ອຸປະ ກອນເຄື່ອງຈັກປຸງແຕ່ງກາຣົດໃນຂັ້ນຕົ້ນ, ຫຸ້ມຫໍ່ຄັກແນ່ແລ້ວຈຶ່ງສົ່ງໄປຂາຍຢູ່ບັນດາແຂວງ, ນະຄອນໃນທົ່ວປະເທດ.
ເປັນຜູ້ໜຶ່ງທີ່ມີປະສົບການໃນການປູກກາຣົດມາເປັນເວລາຫຼາຍສິບປີ, ລຸງ ຫວູວັນຕວ້າ ຢູ່ບ້ານ ເຕີນຖັງ ມີຄວາມມຸ່ງ ມາດ ປາດຖະໜາຢາກຍົກສູງຄຸນນະພາບ, ກໍ່ຄືລາຄາຂອງຫົວກາຣົດ, ສະນັ້ນ ຄອບຄົວລາວໄດ້ລົງທຶນຊື້ເຄື່ອງຈັກປຸງແຕ່ງກາຣົດໃນຂັ້ນຕົ້ນ 2 ເຄື່ອງ, ສ້າງວຽກເຮັດງານທຳໃຫ້ 10 ກວ່າແຮງງານ. ທ່ານ ຕວ້າ ໃຫ້ຮູ້ວ່າ: “ ໃນໂຮງງານຂອງຄອບຄົວ ຂ້າພະເຈົ້າ, ສະເລ່ຍແລ້ວທັງລ້າງທັງຫຸ້ມຫໍ່ກາຣົດໄດ້ປະມານ 30 ໂຕນຕໍ່ມື້. ກາຣົດ ຖ້າຍເຕິນ ສ່ວນຫຼາຍໄດ້ຂາຍອອກໄປບັນດາແຂວງ, ນະຄອນຄື: ຮ່າໂນ້ຍ, ຫາຍຝ່ອງ ແລະ ກວາງນິງ”.
ກາຣົດ ຫຼັງຈາກ ເກັບກູ້ມາຈາກທົ່ງນາແລ້ວ ຈະໄດ້ລ້າງສະອາດດ້ວຍຈັກ ແລະ ເອົາໄປຫຸ້ມຫໍ່ໃສ່ຖົງຢາງ ແລ້ວຈຶ່ງເອົາໄປຂາຍ. ຍ້ອນວິທີເຮັດຄືດັ່ງກ່າວນີ້, ຄຸນນະພາບກໍ່ຄືລາຄາຂອງຜະລິດຕະພັນກາຣົດ ຖ້າຍເຕິນຈຶ່ງສູງຂຶ້ນຢ່າງຊັດເຈນ, ຄ່ອຍໆກາຍເປັນເຂດປູກສະເພາະກາຣົດ ທີ່ມີເຄື່ອງ ໝາຍການຄ້າຂອງແຂວງ ຫາຍເຢືອງ.
ບົດ: ກວິ່ງແອງ - ພາບ: ວັນກວ່ຽນ
bichlien