40 ປີໄດ້ຜ່ານພົ້ນໄປ, ຂຸມລັບທີ່ເກັບຮັກສາອາວຸດຈໍານວນເກືອບ 3 ໂຕນຂອງ ກອງນັກລົບພິເສດ ໄຊງ່ອນ ໃນພື້ນເຮືອນເລກທີ 287/70 ຖະໜົນ ຫງວຽນດິ່ງຈຽວ, ຕາແສງ 5, ເມືອງ 3, ນະຄອນ ໂຮ່ຈີມິນ ທີ່ເຄີຍຮັບໃຊ້ບັ້ນບຸກໂຈມຕີ ທຳນຽບ ດົກເລິບ ເມື່ອປີ 1968 ນັ້ນ, ປະຈຸບັນໄດ້ກາຍເປັນເຂດຮ່ອງຮອຍປະຫວັດສາດແຫ່ງໜຶ່ງ. ຂຸມລັບດັ່ງກ່າວນີ້ ເປັນໜຶ່ງໃນບັນດາຫຼັກຖານ ພະຍານ ທີ່ສະຫວ່າງສະໄຫວຂອງກອງທັບ ແລະ ປະຊາຊົນ ຫວຽດນາມ ເພື່ອໃຫ້ໄດ້ມາວັນມະຫາໄຊຊະນະ 30/04/1975 ແລະ ທ້ອນໂຮມປະເທດຊາດເປັນເອກະພາບ.
ເຮືອນເລກທີ 287/70 ຕັ້ງຢູ່ລະຫວ່າງກາງ 2 ດ້ານໜ້າ ຂອງ 2 ຮ່ອມທາງທີ່ທະລຸອອກສູ່ 2 ຖະໜົນ ຫງວຽນດິ່ງຈຽວ ແລະ ຫວໍວັນເຕີ່ນ ມີເນື້ອທີ່ປະມານ 37 ແມັດມົນທົນ, (ລວງຍາວ 14,9 ແມັດ, ລວງກວ້າງ 2,5 ແມັດ). ເຈົ້າຂອງເຮືອນແມ່ນລຸງ ເຈິ່ນວັນ ລາຍ (ນຳລາຍ), ຊື່ເຄື່ອນໄຫວປິດລັບແມ່ນ ມາຍໂຮ່ງເກ້ວ ເພິ່ນໃຊ້ເວລາ 3 ປີ (ແຕ່ປີ 1966-1968) ເພື່ອຊື້ເຮືອນ ແລະ ຂຸດຂຸມ ລັບ. ໃນໄລຍະນີ້ເພິ່ນທັງເຮັດວຽກໃຫ້ທຳນຽບ ດົກເລິບ ໃນນາມ ຜູ້ຮັບເໝົາ ນຳ U-SOM (ຍ້ອນວ່າເພິ່ນເຄີຍເຂົ້າອອກອົງການ U-SOM ຂອງ ອາເມລິກາ ຢູ່ເລື້ອຍໆ ເພື່ອປະມູນການກໍ່ສ້າງ) ທັງ ເຄື່ອນໄຫວຢ່າງປິດລັບໃນໜ່ວຍ ຮັບປະກັນຂອງກອງນັກລົບພິເສດ ໄຊງ່ອນ.
ບັນດາສະຫາຍກອງລຳລຽງຂົນສົ່ງອາວຸດໃຫ້ກອງຮັບປະກັນການຕໍ່ສູ້ທີ່ທີ່ໝັ້ນ ຖາຍໝີ໋-ກູຈີ. ພາບ: ເອກະສານ
ນັກທ່ອງທ່ຽວຕ່າງປະເທດມາຢ້ຽມຢາມ ແລະ ຊອກຮູ້ກ່ຽວກັບ ຮ່ອງຮອຍ ແລະ ວັດຖຸສິ່ງຂອງ
ທີ່ເປັນຫຼັກຖານພະຍານ ທາງປະຫວັດສາດຂອງນັກລົບພິເສດ ໄຊງ່ອນ. ພາບ: ເລມິນ/VNP |
ອ້າງເຫດຜົນວ່າສ້ອມແປງເຮືອນ ຕ້ອງການຂຸດອ່າງສວ້ມຖ່າຍ ແລະ ລະບົບລະບາຍນຳ້ເພື່ອປິດຕາສັດຕູ, ລາວສົ່ງເມຍກັບ ລູກ ເມືອເມືອງ ງໍ່ເວິບ, ລາວຢູ່ ໃນເຮືອຍຫຼັງນັ້ນຜູ້ດຽວ, ກາງເວັນໄປ ຮັບເໝົາ, ກາງຄືນຢູ່ເຮືອນ ຂຸດຂຸມ, ດິນຂຸດຂຶ້ນມາ ລາວເອົາໃສ່ຖັງກາກຕົງ ຂົນຂຶ້ນລົດເອົາໄປ ຖອກຖິ້ມຢູ່ ໄກເຖິງເມືອງ ບິ່ນແຈງ ເພື່ອຫຼີກສາຍຕາຂອງສັດຕູ. ຂຸມແຫ່ງນີ້ ໃຊ້ເວລາກໍ່ສ້າງ 7 ເດືອນຈຶ່ງສໍາເລັດ, ມີຂະໜາດລວງຍາວ 2 ແມັດ, ລວງກວ້າງ 1,2 ແມັດ, ສູງ 2,5 ແມັດ ປະກອບມີ 4 ປະຕູເພື່ອຫລົບໜີ, ຝາ ແລະ ພື້ນຂຸມເຮັດດ້ວຍຊີມັງຢ່າງໜາເພື່ອຕ້ານນໍ້າຊືມ. ໃນຂຸມມີ 4 ຂອບວົງມົນເຊື່ອມຕໍ່ກັບທໍ່ລະບາຍນໍ້າ ຂະໜາດພໍດີສໍາລັບຜູ້ໜຶ່ງລອດອອກເພື່ອໜີໄພ. ຈຸດທີ່ຕັ້ງຂອງ ປາກຂຸມແມ່ນໄດ້ຕັ້ງຢູ່ໃກ້ກັບຂັ້ນໄດ ແລະ ຝາອັດຂຸມປະກອບສ້າງດ້ວຍດິນຈີ່ 6 ກ້ອນຕິດກັນດ້ວຍນອັດກຽວ. ປາກຂຸມມີເນື້ອທີ່ 0,4 ແມັດຄູນ 0,6 ແມັດ, ພໍດີໃຫ້ຜູ້ໜຶ່ງລອດລົງ.
ການກໍ່ສ້າງຂຸມສຳເລັດກໍ່ພໍດີກັບເວລາກົມກອງຮັບປະກັນຊອກຫາວິທີຂົນສົ່ງອາວຸດເຂົ້າມາໄວ້. ຊຸດໄມ້ແປ້ນຊຸດໜຶ່ງທີ່ທາງໃນໂກນ ສ້າງໂດຍລຸງ ເຈີ່ນຝູ໋ເກື່ອງ, ຊື່ເຄື່ອນໄຫວປິດລັບແມ່ນລຸງ ນໍາມົກ ເປັນທະຫານກໍາລັງພິເສດຜູ້ໜຶ່ງທີ່ເຄື່ອນໄຫວຢູ່ໃນນະຄອນ ໄດ້ຖືກນໍາສົ່ງມາຍັງຕາແສງ ເຝືອກຮຽບ, ເມືອງ ກູຈີ. ຢູ່ທີ່ນີ້, ອາວຸດໄດ້ ຖືກ ຊຸກເຊື່ອງຢ່າງຄ່ອງແຄ້ວເຂົ້າໃນຊຸດໄມ້ແປ້ນແລ້ວໃຊ້ກວຽນງົວ ຂົນສົ່ງໄປເຖິງ ຈຸດນັດພົບ, ປິດບັງເຮັດຄືນີ້ແມ່ນ ການຊື້ຂາຍໄມ້ ແປ້ນທຳມະດາຊື່ໆ. ຊຸດໄມ້ແປ້ນທີ່ເຊື່ອງອາວຸດທາງຂ້າງ ໃນສືບ ຕໍ່ຖືກຂົນ ຂຶ້ນລົດໂອໂຕທະບຽນໝາຍເລກ EC 6045 ໂດຍທ້າວ ບາບາວ (ຫງວຽນວັນບາວ) ເປັນຜູ້ຂັບຂົນໄປເຕົ້າໂຮມ, ຊຸກເຊື່ອງ ໃນຂຸມລັບຢູ່ໃນເຮືອນຂອງລຸງ ນຳລາຍ.
ນອກນັ້ນ, ອາວຸດຍັງໄດ້ເຊື່ອງໃນ ກ່າຕັງ (ຮີນຊະນິດໜຶ່ງ ທີ່ນຳໃຊ້ເພື່ອເຮັດຝາ) ກ້ຽວເປັນວົງ. ແຕ່ລະຄັ້ງທີ່ຂົນອາວຸດມາເຮືອນ, ບັນ ດານັກຮົບຈະເລືອກເອົາຊ່ວງເວລາໃກ້ຈະຄໍ່າ, ຖອຍລົດເຂົ້າຈໍາ ໃນ ເຮືອນເພື່ອຫຼີກສາຍຕາຂອງຜູ້ຄົນອ້ອມຂ້າງ. ອາວຸດ ເປັນຈໍານວນຫຼວງຫຼາຍ ປະກອບດ້ວຍຫຼາຍຊະນິດຄື: ປືນສັ້ນ, AK, ກະສູນ ທຸກຊະນິດ, B40, ລະເບີດດິນ ແລະ ອື່ນໆ. ລ້ວນແຕ່ຖືກຂົນສົ່ງມາເກັບມ້ຽນໃນຂຸມລັບ ເພື່ອລໍຖ້າເຖິງວັນ ບຸກໂຈມຕີ.
ຄໍ່າຄືນວັນທີ 31 ມັງກອນ 1968, ນັກຮົບ ຂອງ ກອງທະຫານ ພິເສດເລກ 5 ຈໍານວນ 15 ຄົນໄດ້ ເຕົ້າໂຮມກັນ ຢູ່ ເຮືອນເລກ 287/70 ເພື່ອຮັບເອົາອາວຸດ, ຫຼັງຈາກນັ້ນ ອອກເຄື່ອນທີ່ດ້ວຍ ລົດໂອໂຕ 3 ຄັນ ແລະ ລົດຈັກຮອນດາຄັນໜຶ່ງ ມຸ່ງໜ້າ ສູ່ທຳນຽບ ດົກເລິບ, ກອງນັກລົບພິເສດເລກ 5 ໄດ້ປະຕິບັດການບຸກໂຈມຕີ ຢ່າງຫານກ້າ ແລະ ດັງກ້ອງສະໜັ່ນ ພາຍໃຕ້ການ ບັນຊາຂອງ ທ່ານ ເຈືອງຮວ່າງແທງ (ບາແທງ). ເຖິງວ່າ ຫຼັງຈາກນັ້ນ ເຮືອນຕົກຢູ່ໃນກໍາມືຂອງພວກສັດຕູ, ແຕ່ຂຸມອາວຸດ ຍັງເປັນຄວາມລັບ ສຳລັບພວກມັນຕະຫຼອດມາ.
ມູມໜຶ່ງໃນຂຸມລັບຂອງນັກລົບພິເສດໄຊງ່ອນທີ່ຊຸກເຊື່ອງ ອາວຸດເກືອບ 3 ໂຕນ
ໃນເຮືອນເລກທີ 287/70 ຖະໜົນ ຫງວຽນດິ່ງຈຽວ, ຕາແສງ 5, ເມືອງ 3, ນະຄອນ ໂຮ່ຈີມິນ
ເຄີຍໄດ້ຮັບໃຊ້ຈຸດປະສົງບຸກໂຈມຕີທຳນຽບດົກເລິບເມື່ອປີ 1968. ພາບ: ເລມິນ/VNP
ອາວຸດຊະນິດຕ່າງໆຂອງນັກລົບພິເສດໄຊງ່ອນຊຸກເຊື່ອງໃນຂຸມລັບຈໍານວນເກືອບ 3 ໂຕນ
ໃຊ້ເພື່ອບຸກໂຈມຕີທໍານຽບດົກເລິບ ໃນປີ 1968. ພາບ: ເລມິນ/ VNP
ກ່າຕັງ ໄດ້ນຳໃຊ້ເພື່ອຊຸກເຊື່ອງອາວຸດຫຼາຍຊະນິດເຊັ່ນ: AK ແລະ B 40. ພາບ: ເລມິນ/VNP
ນັກທ່ອງທ່ຽວຕ່າງປະເທດມາຢ້ຽມຢາມ ແລະ ຊອກຮູ້ກ່ຽວກັບ ຂຸມລັບຂອງນັກລົບພິເສດໄຊງ່ອນ
ທີ່ຊຸກເຊື່ອງອາວຸດເກືອບ 3 ໂຕນ. ພາບ: ເລມິນ/VNP |
ວັນທີ່ພາກໃຕ້ໄດ້ຮັບການປົດປ່ອຍຢ່າງສົມບູນ (30/4/1975), ເຮືອນຫຼັງນີ້ ໄດ້ກາຍເປັນທີ່ຢູ່ແດງເພື່ອໃຫ້ຄົນລຸ້ນໜຸ່ມ ມາຢ້ຽມຊົມ ແລະ ສຶກສາຮໍ່າຮຽນ. ມາເຖິງປີ 1986, ເຮືອນຫຼັງນີ້ ໄດ້ຖືກ ຮັບ ຮອງ ເປັນເຂດຮ່ອງຮອຍປະຫວັດສາດ-ວັດທະນະທຳລະດັບຊາດ. ທ່ານພົນເອກ ຫວໍຫງວຽນຢາບ (1911-2013) ເມື່ອມາຢ້ຽມຢາມ ຂຸມແຫ່ງນີ້ ໄດ້ຍ້ອງຍໍສັນລະເສີນນໍ້າໃຈອົງອາດກ້າຫານ ຂອງບັນດານັກລົບກໍາລັງພິເສດ.
ເຂດຮ່ອງຮອຍປະຫວັດສາດຂຸມລັບຊຸກເຊື່ອງອາວຸດຂອງນັກລົບພິເສດໄຊງ່ອນ ໄດ້ຕ້ອນຮັບແຂກຄົນມາຢ້ຽມຊົມປະມານ 2.000 ເທື່ອຄົນຕໍ່ປີ, ສ່ວນຫຼາຍແມ່ນຄະນະນັກຮຽນ, ນັກສຶກສາ, ນັກທ່ອງ ທ່ຽວຕ່າງປະເທດ... ທ່ານ Makoto Hasebe, ນັກທ່ອງທ່ຽວຊາວ ຍີ່ປຸ່ນ ໄດ້ແບ່ງປັນຄວາມຮູ້ສຶກວ່າ: “ຂ້າພະເຈົ້າມີຄວາມເຄົາລົບນັບຖືຕໍ່ຜົນງານ ແລະ ໄຊຊະນະທີ່ຊາວ ຫວຽດນາມ ເຮັດໄດ້ໃນບັນດາຂະບວນການຕໍ່ສູ້ຜ່ານມາ. ຄົນລຸ້ນໜຸ່ມຂອງພວກທ່ານ ມີຫຼາຍເຫດຜົນ ເພື່ອເອກອ້າງທະນົງໃຈຕໍ່ປະ ຫວັດສາດ ຂອງປະເທດຊາດ”.
ບົດ: ຫງວຽນຫວູແທ່ງດາດ-ພາບ: ເລມິນ
bdLao