ການເຈລະຈາລະຫວ່າງ 2 ຝ່າຍ
(ພາບ: viettimes.vn)
ໃນຂອບເຂດການຢ້ຽມຢາມ ແລະ ເຮັດວຽກຢູ່ອິນເດຍ, ວັນທີ 28/03, ທ່ານລັດຖະມົນຕີກະຊວງຖະແຫຼງຂ່າວ ແລະ ສື່ສານຫວຽດນາມ ເຈືອງມິງຕ໋ວນ ໄດ້ມີການເຈລະຈາກັບທ່ານລັດຖະມົນຕີກະຊວງເອເລັກໂຕນິກ ແລະ ເຕັກໂນໂລຊີຂໍ້ມູນຂ່າວສານອິນເດຍ Ravi Shankar Prasad. ກ່າວຄຳເຫັນທີ່ການພົບປະເຈລະຈາ, ທ່ານລັດຖະມົນຕີ ເຈືອງມິງຕ໋ວນ ໄດ້ຕີລາຄາວ່າ, ອິນເດຍ ແມ່ນປະເທດມີການພັດທະນາດ້ານເຕັກໂນໂລຊີຂໍ້ມູນຂ່າວສານ ແລະ ສື່ສານຢ່າງແຮງ. ສະນັ້ນ, ຫວຽດນາມ ເອົາໃຈໃສ່ເປັນພິເສດເຖິງບົດຮຽນຂອງລັດຖະບານອິນເດຍ ໃນການຜັນຂະຫຍາຍບັນດາໂຄງການທີ່ກ່ຽວຂ້ອງເຖິງລັດຖະບານເອເລັກໂຕນິກ ແລະ ຄວາມປອດໄພດ້ານຂໍ້ມູນ; ປາດຖະໜາວ່າຢາກຮ່ວມມືກັບກະຊວງເອເລັກໂຕນິກ ແລະ ເຕັກໂນໂລຊີຂໍ້ມູນຂ່າວສານອິນເດຍ ຢ່າງແໜ້ນແຟ້ນ.(ພາບ: viettimes.vn)
ສ່ວນທ່ານລັດຖະມົນຕີ Prasad ຢືນຢັນວ່າ, ອິນເດຍ ພ້ອມແລ້ວທີ່ຈະແບ່ງປັນບົດຮຽນກັບຫວຽດນາມ. ທ່ານລັດຖະມົນຕີໃຫ້ຮູ້ວ່າ, ອິນເດຍ ພ້ອມແລ້ວທີ່ຈະໜູນຊ່ວຍຫວຽດນາມ ໃນຂົງເຂດບຳລຸງສ້າງ, ເຄືອຂ່າຍເອເລັກໂຕນິກຮັບໃຊ້ການບຳລຸງສ້າງ, ຄົ້ນຄວ້າ, ໜູນຊ່ວຍວິສາຫະກິດຂະໜາດກາງ ແລະ ນ້ອຍ, ໂດຍສະເພາະແມ່ນໃຫ້ບັນດາເຂດຊົນນະບົດ…
ພາຍຫຼັງການເຈລະຈາ, ທ່ານລັດຖະມົນຕີ ເຈືອງມິງຕວນ ຍັງພົບປະກັບຜູ້ອຳນວຍການໃຫຍ່ສະຫະພັນບັນດາຫ້ອງການການຄ້າ ແລະ ອຸດສາຫະກຳອິນເດຍ, ເຂົ້າຮ່ວມເວທີປາໄສອຸດສາຫະກຳເຕັກໂນໂລຊີຂໍ້ມູນຂ່າວສານ, ໂຄລະຄົມມະນາຄົມຫວຽດນາມ - ອິນເດຍ….
(ແຫຼ່ງຄັດຈາກ VOV)
