ເປັນເວລາຫຼາຍໆປີຜ່ານມາ, ນັກອອກແບບສີ໊ຮວ່າງ ຈຶ່ງໄດ້ສົມຫວັງ ສົມປາດຖະຫນາຂອງຕົນກ່ຽວກັບການກໍ່ສ້າງຫໍພິພິດທະພັນ ອ໋າວຢ່າຍແຫ່ງທຳອິດຢູ່ຫວຽດນາມ.

ຫໍພິພິທະພັນ ຊຸດອ໋າວຢ່າຍດັ່ງກ່າວ ໄດ້ຮັບການກໍ່ສ້າງ ຕາມແບບ ສະຖາປັດຕະຍະກຳ ເຮືອນໄມ້ບູຮານ ຢູ່ເຂດເຮືອນສວນ ລອງຖ້ວນ ອັນກວ້າງໃຫຍ່ ແລະ ເຂັ້ມຂຸ້ນໄປດ້ວຍລັກສະນະ ຂອງເຂດ ຕາເວັນຕົກສຽງໃຕ້ ກົມກືນກັບທົ່ງນາຮົ້ວສວນ, ຂົວໄມ້ໄຜ່, ໜອງດອກບົວ ແລະ ແມ່ນ້ຳລຳທານ.

ບັນດາຊຸດອ໋າວຢ່າຍທີ່ໄດ້ຈັດວາງສະແດງຢູ່ທີ່ນີ້ ແມ່ນຈັດຕາມ ຫມວດຫມູ່ຄື: ຊຸດອ໋າວຢາຍຕື໋ເທີ່ນ (ເສື້ອຍາວສີ່ປ່ຽງ) ສະໄຫມ ສະ ຕະວັດທີ 17, 18, ອ໋າວຢ່າຍຂອງວົງຕະກູນລາຊະວົງ ຫງວຽນ ສະຕະວັດທີ 19…

ຢູ່ຫໍພິພິດທະພັນແຫ່ງນີ້ ຍັງມີບັນດາຊຸດອ໋າວຢ່າຍ ທີ່ມີຄວາມ ສະໜິດຕິດພັນກັບ ແມ່ຍິງຫວຽດນາມ ຜູ້ຊື່ສຽງໂດ່ງດັງຫຼາຍຄົນ ໃນຂົງເຂດຕ່າງໆຄື: ການເມືອງ, ເສດຖະກິດ ແລະ ວັດທະນະທຳ… ຂອງຊາດເຊັ່ນ: ນັກວິລະຊົນກຳລັງປະກອບອາວຸດຍິງ ຫງວຽນທິດິ້ງ, ອະດີດຮອງປະທານປະເທດ ຫງວຽນທິບິ່ງ, ນັກການທູດ ໂຕນນື໊ທິນິງ, ນັກສິລະປິນປະຊາຊົນ ຈ່າຢາງ, ນັກສິລະປິນວິລະຊົນ ແບກ ຕວ໋ຽດ ແລະ ອື່ນໆ… ນອກຈາກນັ້ນ, ກໍຍັງມີຊຸດສະສົມ, ອ໋າວຢ່າຍຫຼາຍຊຸດ ທີ່ເຄີຍຍາດລາງວັນສາກົນ ຂອງນັກອອກແບບສີ໊ ຮວ່າງເອງ. ຄຽງຄູ່ກັນນັ້ນ, ຢູ່ຫໍພິພິດທະພັນຍັງໄດ້ຈັດວາງສະແດງ ພາບແມ່ຍິງ ຫວຽດນາມປະມານ 3000 ກວ່າແຜ່ນ ໃນຊຸດອ໋າວຢ່າຍປະຈຳຊາດອີກດ້ວຍ.

ມາທີ່ຫໍພິພິດທະພັນ, ທ່ານຜູ້ຊົມບໍ່ພຽງແຕ່ໄດ້ເຫັນປະຈັກຕາ ບັນດາຊຸດອ໋າວຢ່າຍມີຄວາມງາມທີ່ເປັນເອກະລັກເທົ່ານັ້ນ, ຫາກຍັງ ສາມາດໄດ້ແຕ້ມ, ໄດ້ເລືອກຊຸດຕາມຄວາມມັກ ຂອງຕົວ ເອງ ເພື່ອນຸ່ງ ແລະ ຖ່າຍຮູບເປັນທີ່ລະນຶກ ຫຼື ຊົມເບິ່ງບັນດານາຍ ຊ່າງສາທິດເຕັກນິກການຫຍິບອ໋າວຢາຍອີກດ້ວຍ.

ນັກອອກແບບສີ໊ຮວ່າງໄດ້ໄຂຄວາມໃນໃຈອອກມາວ່າ: “ອ໋າວຢ່າຍ ຫວຽດນາມ ມີຄຸນຄ່າລວມທັງດ້ານສະຫງວນຄວາມງາມ ແລະ ຄຸນສົມບັດ. ຍ້ອນວ່າມັນຊ່ວຍໃຫ້ຜູ້ນຸ່ງມີຄວາມງາມ ແບບມີສະເໜ່ ແລະ ມີມາລະຍາດທີ່ດີ. ອ໋າວຢ່າຍຫວຽດນາມ ໄດ້ຮັບການເຊີດຊູ ຈາກທົ່ວໂລກ, ໃນຂະນະນັ້ນ ປະເທດເຮົາຍັງບໍ່ທັນມີຫໍພິພິດທະພັນ ອ໋າວຢ່າຍແຫ່ງໃດເທື່ອ. ດ້ວຍເຫດນັ້ນ, ຂ້າພະເຈົ້າຈິ່ງຄິດວ່າ , ຫໍພິພິດທະພັນ ບໍ່ພຽງແຕ່ເປັນບ່ອນ ອະນຸລັກຮັກສາ ບັນດາຊຸດອ໋າວຢ່າຍ ທີ່ມີຄ່າເທ່ົ່ານັ້ນ, ຫາກຍັງໄດ້ ຮັບການເຜີຍແຜ່ ໂຄສະນາ ອອກສູ່ໂລກພາຍນອກອີກດ້ວຍ.

ບົດ: ຫງວຽນແອວງ - ພາບ: ຫງວຽນລວນ ແລະ ເອກະສານ