ທ່ານ ມາຍຕ໋ຽນຢູ້ງ ແລະ ທ່ານ ເພັດ ພົມພິພັກ ມອບຂອງຂວັນທີ່ລະນຶກໃຫ້ກັນ
(ພາບ: VGP/Nguyễn Hoàng)
ໃນຂອບເຂດການຢ້ຽມຢາມ ແລະ ເຮັດວຽກຢູ່ລາວ ຕາມຄຳເຊື້ອເຊີນຂອງທ່ານລັດຖະມົນຕີ, ຫົວໜ້າຫ້ອງວ່າການສຳນັກງານນາຍົກລັດຖະມົນຕີລາວ, ຕອນເຊົ້າວັນທີ 27/3, ຢູ່ແຂວງຫຼວງພະບາງ, ທາງພາກເໜືອລາວ, ທ່ານ ມາຍຕ໋ຽນຢູ້ງ, ລັດຖະມົນຕີ, ຫົວໜ້າຫ້ອງວ່າການລັດຖະບານ ຫວຽດນາມ ແລະ ທ່ານ ເພັດ ພົມພິພັກ, ລັດຖະມົນຕີ, ຫົວໜ້າຫ້ອງວ່າການສຳນັກງານທ່ານນາຍົກລັດຖະມົນຕີ ລາວ, ເປັນປະທານຮ່ວມກອງປະຊຸມສຳມະນາຄັ້ງທີ 5 ກ່ຽວກັບ “ວຽກງານເປັນເສນາທິການຮັບໃຊ້ລັດຖະບານ ແລະ ນາຍົກລັດຖະມົນຕີ”. ທີ່ກອງປະຊຸມສຳມະນາ, 2 ຝ່າຍສຸມໃສ່ປຶກສາຫາລື ແລະ ແລກປ່ຽນບົດຮຽນກ່ຽວກັບວຽກງານເປັນເສນາທິການໃຫ້ແກ່ລັດຖະບານ, ນາຍົກລັດຖະມົນຕີ, ລວມມີ: ການສ້າງແຜນການເຄື່ອນໄຫວຂອງລັດຖະບານ; ສ້າງ ແລະ ປັບປຸງກົດໝາຍ, ເອກະສານນິຕິກຳ; ວຽກງານຕິດຕາມກວດກາສະພາບການປະຕິບັດໜ້າທີ່ໂດຍລັດຖະບານ, ນາຍົກລັດຖະມົນຕີມອບໝາຍໃຫ້…(ພາບ: VGP/Nguyễn Hoàng)
ແລະກ່ອນໜ້ານັ້ນ, ໃນວັນດຽວກັນ, ໂດຍນອນຂອບເຂດບັນດາການເຄື່ອນໄຫວໃນການຢ້ຽມຢາມ ແລະ ເຮັດວຽກຢູ່ລາວ, ທ່ານ ມາຍຕ໋ຽນຢູ້ງ, ລັດຖະມົນຕີ, ຫົວໜ້າຫ້ອງວ່າການລັດຖະບານ ມີການພົບປະກັບທ່ານ ເພັດ ພົມພິພັກ, ລັດຖະມົນຕີ, ຫົວໜ້າຫ້ອງວ່າການສຳນັກງານນາຍົກລັດຖະມົນຕີ ລາວ. ລັດຖະມົນຕີ 2 ທ່ານໄດ້ແລກປ່ຽນບັນດາມາດຕະການເພື່ອແນໃສ່ຊຸກຍູ້ການພົວພັນຮ່ວມມືໃນບັນດາວຽກງານກ່ວາອີກ; ແບ່ງປັນຫຼາຍບົດຮຽນເພື່ອໃຫ້ 2 ຝ່າຍຮັບໃຊ້ວຽກງານເປັນເສນາທິການ, ຮັບໃຊ້ການເຄື່ອນໄຫວຊີ້ນຳ, ບໍລິຫານຂອງລັດຖະບານ, ນາຍົກລັດຖະມົນຕີຂອງແຕ່ລະປະເທດໃຫ້ດີກ່ວາອີກ.
(ແຫຼ່ງຄັດຈາກ VOV)
