ວັນທີ 16 ມີນາ 2016, ທີ່ຮ່າໂນ້ຍ, ທ່ານນາຍົກລັດຖະມົນຕີ ຫງວຽນເຕີ້ນຢຸງ ແລະ ທ່ານນາຍົກລັດຖະມົນຕີ ທອງສິງ ທຳມະວົງ ໄດ້ເຂົ້າຮ່ວມພິທີສະຫຼຸບຜົນສຳເລັດໂຄງການປັກຫຼັກໝາຍຖີ່ ແລະ ບູລະນະລະບົບຫຼັກໝາຍຊາຍແດນປະເທດຫວຽດນາມ-ລາວ.
ໂຄງການດັ່ງກ່າວໄດ້ເລີ່ມຕົ້ນປະຕິບັດນັບແຕ່ປີ 2008, ສອງຝ່າຍ ໄດ້ປະສານສົມທົບ ຜັນຂະຫຍາຍການປັກຫຼັກໝາຍຢູ່ທຸກໆຈຸດຕາມແລວຊາຍແດນ, ເພີ່ມຄວາມຖີ່ຂອງຈຳນວນຈຸດປັກຫຼັກໝາຍຕາມ ພື້ນທີ່ບໍລິເວນຕ່າງໆທີ່ຈຳເປັນ ເພື່ອແນໃສ່ເຮັດໃຫ້ຈະແຈ້ງທິດທາງ ຂອງຊາຍແດນຢູ່ເທິງຫນ້າດິນ; ບູລະນະ ແລະ ກໍ່ສ້າງໃໝ່ບັນດາ ຫຼັກໝາຍທີ່ມີໃນປະຈຸບັນ, ໂດຍສະເພາະ ແມ່ນບັນດາ ຈຸດຄູ່ຊາຍ ແດນ, ໃຫ້ເປັນຮູບເປັນລະບົບຫຼັກໝາຍໃໝ່ທີ່ໝັ້ນຄົງ, ສະຫງ່າ ແລະ ທັນສະໄໝ, ພ້ອມກັນນັ້ນກໍ່ນຳໃຊ້ເຕັກໂນໂລຊີທີ່ທັນສະໄໝ, ມີ ຄວາມຊັດເຈນສູງ ເພື່ອເຮັດສຳເລັດສຳນວນເອກະສານນິຕິກຳ ເສັ້ນຊາຍແດນຫວຽດນາມ-ລາວທີ່ມີຈຳນວນ 1.002 ຫລັກຫມາຍ.
ໂຄງການດັ່ງກ່າວບໍ່ພຽງແຕ່ນຳມາເຊິ່ງໂສມໜ້າໃໝ່, ສາມາດມອງເຫັນໄດ້ງ່າຍ ແລະ ຄຸ້ມຄອງເສັ້ນຊາຍແດນສອງປະເທດ ຫວຽດ ນາມ-ລາວໄດ້ງ່າຍກວ່າເທົ່ານັ້ນ ຫາກຍັງປະກອບສ່ວນສ້າງ ພື້ນ ຖານນິຕິກຳສາກົນທີ່ໝັ້ນຄົງໃຫ້ແກ່ການຮ່ວມມື ແລະ ການປະ ສານສົມທົບລະຫວ່າງສອງຝ່າຍໃນບັນຫາການປົກປັກຮັກສາ ແລະ ຄຸ້ມຄອງເສັ້ນຊາຍແດນອານະເຂດ.
ທ່ານນາຍົກລັດຖະມົນຕີ ຫງວຽນເຕິ້ນຢຸງກ່າວປາໄສທີ່ພິທີສະຫຼຸບ. ພາບ: ຖົ໋ງເຍິດ/VNA
ທ່ານນາຍົກລັດຖະມົນຕີ ຫງວຽນເຕີ້ນຢຸງ ມອບຫຼຽນໄຊແຮງງານ ແລະ ຫຼຽນໄຊມິດຕະພາບໃຫ້ແກ່ບຸກຄົນ ຂອງລາວທີ່ມີຜົນງານ ດີເດັ່ນໃນການປະຕິບັດ
ໂຄງການປັກຫຼັກໝາຍຖີ່ ແລະ ບູລະນະ ລະບົບຫຼັກໝາຍຊາຍແດນປະເທດຫວຽດນາມ-ລາວ. ພາບ: ຖົ໋ງເຍິດ/VNA
ທ່ານນາຍົກລັດຖະມົນຕີ ທອງສິງ ທຳມະວົງ ມອບຫຼຽນໄຊ ມິດຕະພາບໃຫ້ແກ່ບຸກຄົນຈາກຫວຽດນາມ ທີ່ມີຜົນງານ ດີເດັ່ນໃນການປະຕິບັດໂຄງການປັກຫຼັກໝາຍຖີ່
ແລະ ບູລະນະ ລະບົບຫຼັກໝາຍຊາຍແດນປະເທດຫວຽດນາມ-ລາວ. ພາບ: ຖົ໋ງເຍິດ/VNA
ດ້ວຍການສຳເລັດໂຄງການ, ເສັ້ນຊາຍແດນແຫ່ງຊາດລະຫວ່າງ ສອງປະເທດທີ່ມີຄວາມຍາວທັງຫມົດ 2.340 ກິໂລແມັດ ໄດ້ຮັບ ການປະກອບເພີ່ມເຕີມ ແລະ ປັກຫຼັກໝາຍຊາຍແດນລະຫວ່າງປະເທດໃໝ່ ໄດ້ທັງຫມົດ 100.2 ຈຸດ ແລະ ຫລັກຫມາຍ, ເພີ່ມຂຶ້ນ 4,5 ເທື່ອ ທຽບໃສ່ໄລຍະຜ່ານມາ (ກ່ອນຫນ້າເກີດມີໂຄງການ, ເສັ້ນຊາຍແດນ ລະຫວ່າສອງ ປະເທດມີຫຼັກໝາຍພຽງ 199 ຫລັກຫມາຍເທົ່ານັ້ນ). |
ກ່າວປາໄສທີ່ພິທີ, ທ່ານນາຍົກລັດຖະມົນຕີທັງສອງໄດ້ຢືນຢັນວ່າ, ໂຄງການດັ່ງກ່າວໄດ້ເພີ່ມສັນຍາລັກທີ່ມີຄວາມຊີວິດຊີວາ ຂອງສາຍ ພົວພັນມິດຕະພາບອັນເປັນມູນເຊື້ອ, ຄວາມສາມັກຄີ ພິເສດ ແລະ ການຮ່ວມມືຮອບດ້ານລະຫວ່າງສອງປະເທດ ບົນຫຼັກການເຄົາລົບ ຄວາມເປັນເອກະລາດ, ອຳນາດອະທິປະໄຕໃນ ຜືນແຜ່ນດິນອັນ ຄົບຖ້ວນ ແລະ ຜົນປະໂຫຍດອັນຊອບທຳຂອງກັນ ແລະ ກັນ, ສະເໝີພາບ, ຕ່າງຝ່າຍຕ່າງມີຜົນປະໂຫຍດ, ເປັນເສັ້ນຊາຍແດນ ແຫ່ງສັນ ຕິພາບ, ສະຖຽນລະພາບ, ຮ່ວມມືພ້ອມກັນພັດທະນາ, ເພື່ອຜົນປະໂຫຍດຂອງປະຊາຊົນ ສອງປະເທດ; ສະແດງໃຫ້ເຫັນຄວາມເປັນ ເອກະພາບສູງ, ຄວາມໄວ້ເນື້ອເຊື່ອໃຈ ແລະ ຄວາມເຂົ້າໃຈເຊິ່ງກັນ ແລະ ກັນ ລະຫວ່າງສອງພັກ, ສອງລັດ ແລະ ປະຊາຊົນສອງປະເທດ.
ນາຍົກລັດຖະມົນຕີທັງສອງທ່ານໄດ້ຢືນຢັນວ່າ, ໄປຄຽງຄູ່ກັບການ ຍົກສູງປະສິດທິຜົນຂອງວຽກງານຄຸ້ມຄອງ ແລະ ປົກປັກຮັກສາ ເສັ້ນຊາຍແດນ, ປັບປຸງວຽກງານປ້ອງກັນຊາດ ແລະ ປອ້ງກັນ ຄວາມສະຫງົບ ຂອງແຕ່ລະປະເທດແລ້ວ, ໂຄງການດັ່ງກ່າວກໍຍັງ ປະກອບສ່ວນສ້າງເງື່ອນໄຂອຳນວຍຄວາມສະດວກໃຫ້ແກ່ການຮ່ວມມືໃນຂົງເຂດ ການຄ້າ, ການລົງທຶນ ແລະ ການພົບປະໃນຂົງ ເຂດເສດຖະກິດ, ວັດທະນະທຳ, ທ່ອງທ່ຽວລະຫວ່າງສອງປະເທດ, ຈາກນັ້ນຈະເປັນການຊຸກຍູ້ສາຍພົວພັນມິດຕະພາບ ແລະ ການ ຮ່ວມມືຮອບດ້ານລະຫວ່າງ ສອງປະເທດ.
ດ້ວຍເຫດນັ້ນ, ທ່ານນາຍົກລັດຖະມົນຕີທັງສອງຮຽກຮ້ອງໃຫ້ກ້ອນ ກຳລັງທີ່ມີບົດບາດໜ້າທີ່ຂອງສອງຝ່າຍ ສືບຕໍ່ຮ່ວມມື ເປັນຢ່າງດີ, ປົກປັກຮັກສາໃຫ້ໝັ້ນຄົງ ຜົນສຳເລັດທີ່ບັນລຸໄດ້ ຂອງໂຄງການ ແນໃສ່ຮັກສາເສັ້ນຊາຍແດນຫວຽດນາມ-ລາວ ເປັນເສັ້ນຊາຍແດນ ແຫ່ງສັນຕິພາບ, ສະຖຽນລະພາບ, ຮ່ວມມື ແລະ ພັດທະນາຢ່າງຍືຍຍົງ, ປະໄວ້ມູນມໍລະດົກອັນດີງາມ ໃຫ້ແກ່ເຊັ່ນລູກເຊັ່ນຫຼານຊົ່ວກາ ລະນານ.
ທ່ານນາຍົກລັດຖະມົນຕີ ຫງວຽນເຕີ້ນຢຸງ ແລະ ທ່ານນາຍົກ ລັດຖະ ມົນຕີ ທອງສິງ ທຳມະວົງ ເປັນສັກຂີພິຍານໃນພິທີລົງນາມ
ໃນເອກະສານນິຕິກຳສຳຄັນ ຊຶ່ງເປັນຂີດໝາຍຂອງຄວາມສຳເລັດ ໂຄງ ການຢ່າງມີໄຊ. ພາບ: ຖົ໋ງເຍິດ/VNA
ທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງ ການຕ່າງປະເທດຫວຽດນາມ ຟ້າມບິ່ງມິນ (ເບື້ອງຂວາ) ແລະ ທ່ານຮອງນາຍົກລັດຖະມົນຕີ,
ລັດຖະມົນຕີວ່າການກະຊວງ ການຕ່າງປະເທດລາວ ທອງລຸນ ສີສຸລິດ ແລກປ່ຽນເອກະສານ ທີ່ໄດ້ຮັບການລົງນາມ. ພາບ: ຖົ໋ງເຍິດ/VNA
ເນື່ອງໃນໂອກາດດັ່ງກ່າວ, ສອງຝ່າຍໄດ້ລົງນາມໃນເອກະສານນິຕິ ກຳສຳຄັນສອງສະບັບຄື: “ອະນຸສັນຍາວ່າດ້ວຍເສັ້ນຊາຍແດນ ແລະ ຫຼັກໝາຍຊາຍແດນປະເທດ” ແລະ “ສັນຍາວ່າດ້ວຍລະບຽບ ການຄຸ້ມຄອງຊາຍແດນ ແລະ ດ່ານຊາຍ ແດນຢູ່ເທິງຫນ້າດິນຕໍ່ແຜ່ນ” ລະຫວ່າງລັດຖະບານແຫ່ງສາທາລະນະລັດສັງຄົມນິຍົມ ຫວຽດນາມ ແລະ ລັດຖະບານແຫ່ງສາທາລະນະລັດປະຊາທິປະ ໄຕປະຊາຊົນລາວ.
ປະຕິບັດໂດຍ: VNA/VNP