ວັດພະສາດສະດາເຝິດໂຕ໊ຕັ້ງຢູ່ຄຸ້ມເມືອງ 4 ນະຄອນກ່າເມົາ ໄດ້ຮັບການສ້າງຂຶ້ນໃນປີ 1840. ນີ້ແມ່ນກິດຈະກຳສະຖາປັດ ຕະຍະກຳ ສາສະໜາອັນເປັນມູນເຊື້ອ ແລະ ແມ່ນບ່ອນເທ ສະໜາທາງທຳທີ່ເກີດຂຶ້ນແຫ່ງທຳອິດໃນເຂດດິນ ກ່າເມົາ.
ການຕັ້ງຊື່ວັດພະສາດສະດາເຝິດໂຕ້ນັ້ນ ແມ່ນໄດ້ເລີ່ມມາ ຈາກການເຄົາລົບບູຊາຈາກຫລາຍເຊັ່ນຄົນ ຂອງຊາວເຂດ ກ່າເມົາ ຕໍ່ບຸກຄົນທີ່ມີບຸບພະກາລີໄດ້ສ້າງວັດນີ້ຂຶ້ນຄື: ພະອົງຖິກຈີ໊ເຕີມ.
ໃນປະມານປີ 1840, ທົ່ວທັງເຂດກ່າເມົາຍັງແມ່ນເຂດດິນຕົມ ບວກມີແຕ່ໄມ້ອ້ໍ ໄມ້ເລົາ, ຮົກເຮື້ອຫວ່າງເປົ່າທີ່ສຸດ. ຊາວທ້ອງຖິ່ນເລົ່າສືບທອດກັນມາວ່າ, ສະໄໝນັ້ນ ມີທ້າວໂຕກວາງຊວນ ໄປຫາຟືນໃນປ່າ, ເມື່ອສັບຂວານໃສ່ຕົ້ນໂພໃຫຍ່ເກົ່າແກ່ ເລີຍ ເຫັນ ປຶ້ມພະທຳຢູ່ທາງໃນກົກໄມ້. ນັບແຕ່ນັ້ນມາ, ທ້າວໄດ້ຕັ້ງ ວິຫານຂຶ້ນທັງບວດ ແລະ ທັງຊອກຢາມາປິ່ນປົວພະຍາດ ໃຫ້ ແກ່ປະຊາຊົນຢູ່ລຽບຕາມເໝືອງ ກວ໋ານໂລ້. ໂຕກວາງ ຊວນ ສວດມົນຕາມພະທຳກີມເກືອງ ສາມາດຫັນປ່ຽນລິດເດດອັນ ຮ້າຍກາດຂອງສັດຮ້າຍໄດ້. ທົ່ວທຸກແຫ່ງຫົນໄດ້ຮູ້ຂ່າວກໍ່ພາກັນຫຼັ່ງໄຫຼເຂົ້າມາຂໍຢາ ແລະ ສຶກສາທຳເປັນຈຳນວນຫຼາຍ.
ພາຍຫລັງມາ, ຍ້ອນມີການບໍລິຈາກຂອງປະຊາຊົນ, ໂຕກວາງຊວນສ້າງວັດຂຶ້ນຫຼັງໜຶ່ງ ມຸ້ງດ້ວຍໃບໄມ້ແບບລຽບງ່າຍ. ເຫັນແນວນັ້ນ, ເຈົ້ານາຍບ້ານ ຜູ້ຫນຶ່ງຊື່ວ່າ ໂດ້ວັນວຽນມີຄວາມ ອິດສາລິດສະຫຍາ ໄດ້ຕູ່ຫາວ່າເພິ່ນແມ່ນຍາຄູປອມ. ເພິ່ນຖືກ ຄຸມຕົວໄປໄຊງ່ອນ (ປັດຈຸບັນ ແມ່ນນະຄອນ ໂຮ່ຈີມິນ) ເພື່ອ ກັກຂັງບໍລິເວນ.
ແຕ່ຍ້ອນເປັນຜູ້ມີຄຸນນະທຳປະຈຳໃຈ, ໂຕກວາງຊວນ ໄດ້ເຮັດ ໃຫ້ເຈົ້ານາຍຂັ້ນເທິງນິຍົມນັບຖື. ເມື່ອໄປເຖິງເມືອງເຫວ້, ເພິ່ນໄດ້ມາບຳເພນກຸສົນບວດຢູ່ວັດກີມເຈື້ອງ. ບັນດາພະເຖລານຸເຖລະໄດ້ຍື່ນໃບດີກາຂຶ້ນເຈົ້າຊີວິດຫງວຽນ (ປີຖ້ຽວຈີ້ທີ 2-1842) ແລະ ເຈົ້າຊີວິດໄດ້ອອກພະລາຊະອົງການໂປດປະທານໃຫ້ວັດຂອງເພິ່ນໄດ້ໃສ່ຊື່ວ່າ “ສັກຕື້ກວານເອີມໂກ໊ຕື້ ”.
ເມື່ອເຂົ້າບວດໄດ້ພຽງ 7 ວັນ, ເພິ່ນໄດ້ມໍລະນະພາບທີ່ວັດກີມເຈື້ອງ. ເພິ່ນໄດ້ຮັບຍົດເປັນພະເຖລາ ໃສ່ນາມຕາມວິຖີພຸດແມ່ນ ຖິກຈ໊ີເຕີມ, ໄດ້ຮັບສັງຂະທານຜ້າແພໄໝ ແລະ ສົ່ງໄປ ຮອດບ້ານເກີດຢູ່ກ່າເມົາ. ນັບແຕ່ນັ້ນມາ, ປະຊາຊົນໃນເຂດ ໄດ້ເອີ້ນວັດທີ່ ເພິ່ນສ້າງຂຶ້ນແມ່ນວັດພະສາດສະດາເຝິດໂຕ໊ ເພື່ອສະແດງເຖິງຄວາມເຄົາລົບນັບຖືຂອງປະຊາຊົນທີ່ມີຕ່ໍເພິ່ນ.
ວັດພະສາດສະດາເຝິດໂຕ໊ ແມ່ນກິດຈະກຳສະຖາປັດຕະຍະກຳສາສະໜາທີ່ມີຄຸນຄ່າທາງດ້ານສິລະປະສູງ. ການປະຕິສັງຂອນວັດໃນປີ 1937 ຍັງຮັກສາໄວ້ໄດ້ສະຖາປັດຕະຍະກຳດັ່ງເດີມຈົນມາຮອດປັດຈຸບັນ.
ພະພຸດທະຮູບພະໂພທິສັດສີຟ້າປະດິດສະຖານເທິງຖ້ານໃບ ບົວຢູ່ຕ່ໍໜ້າວັດ.
ຝາວັດທັງສອງເບື້ອງຢູ່ທາງນອກຂອງຫໍທຳມະສະພາມີຮູບ ປັ້ນໂອບດ້ວຍດິນເຜົາເຄືອບ ເຮັດໃຫ້ວັດຍິ່ງມີຄວາມຄຶກຂືມເກົ່າແກ່.
ເສົາຢູ່ຫໍທຳມະສະພາໄດ້ປະດັບລວດລາຍດ້ວຍຮູບມັງ
ກອນ 5 ໂຕ ບິນເຮີນເທິງນ້ຳ.
ເຈດີຂອງພະເຖລາ ຖິກຈ໊ິເຕີມ-ຄູບາອົງທຳອິດສ້າງວັດພະສາດ ສະດາຂຶ້ນ.
ເຈດີຂອງບັນດາເຈົ້າອາວາດວັດພະສາດສະດາທີ່ໄດ້ມໍລະນະພາບ.
ແຂກຄົນມາຈາກສາລະທິດຈູດທູບທຽນ ພາວະນາທີ່ ຫໍທຳ ມະສະພາ.
ປະຈຸບັນນີ້, ວັດພະສາດສະດາແມ່ນໜຶ່ງໃນຈຳນວນສູນວັດທະ ນະທຳດ້ານການເຊື່ອຖື
ຂອງພະພິກຂຸ, ພະພິກຂຸນີ ແລະ ສາ ສະນິກະຊົນຂອງ ແຂວງກ່າເມົາ.
|
ທຸກວັນນີ້, ວັດພະສາດສະດາເຝິດໂຕ໊ເປັນສູນກາງດ້ານ ວັດທະນະທຳຄວາມເຊື່ອຖືຂອງປະຊາຊົນ, ເປັນສູນວັດທະນະທຳ, ການສຶກສາສົງ ແລະ ສະແດງທຳຂອງພະພິກຂຸ, ພະພິກຂຸນີ ແລະ ສາສະນິກະຊົນ ແຂວງກ່າເມົາ.
ຫຼັງຄາວັດເປັນຮູບໜ່ວຍກາທັບ, ມຸ້ງດ້ວຍດິນຂໍ, ສະຖາປັດຕະຍະກຳປານີດ, ລອກແບບຫຼັງຄາວັດເຂດທົ່ງພຽງແມ່ນ້ຳຂອງ. ຫລັງຄາໄດ້ແບ່ງອອກເປັນສອງສ່ວນ: ຫຼັງຄາສ່ວນຫຼັກ ແລະ ຫຼັງຄາຂອງສ່ວນເສົາປະຕູ. ແປວັດສ່ວນຫຼັກ ຖືກປະດັບດ້ວຍ ຄູ່ມັງກອນທີ່ໄດ້ປະດິດສ້າງ ຢ່າງວິຈິດພິດສະດານສະແດງໃຫ້ເຫັນຄຸນຄ່າດ້ານສິລະປະອັນເປັນເອກະລັກຂອງວັດ, ດ້ານລຸ່ມເປັນຮູບພາບປັ້ນໃຫຍ່ ພັນລະນາເຖິງທິວທັດທຳມະຊາດ. ດ້ານໜ້າຂອງແປວັດໄດ້ຂຽນ 6 ຕົວອັກສອນ: “ສັກຕື້ກວານເອີມໂກ້ຕື້ ”.
ຈຸດຂົດໂງຂຶ້ນລົງຂອງຫຼັງຄາວັດ 4 ແຈ ໄດ້ສະແດງ ຮູບປາເນລະມິດເປັນໂຕມັງກອນທີ່ເຮັດດ້ວຍຊີມັງເຜົາເຄືອບມີຮູບຊົງ ບ່ໍຊ້ຳແບບໃຜ. ຫຼັງຄາຕ່ຳສ່ວນປົກເສົາປະຕູມຸງດ້ວຍດິນຂໍປະດັບລາຍດອກທີ່ມີຊີວິດຊີວາ ແລະ ສະຫຼັກ 4 ຕົວອັກສອນ: “ກວານເອີມໂກ໊ຕື້ ”. ເບື້ອງເທິງປະຕູເຂົ້າອອກຫໍທຳມະສະພາ ໄດ້ຮັບການປະດັບລວດລາຍ ເປັນຕົວອັກສອນໝັ້ນຍືນ. ຝາຜະໜັງສອງເບື້ອງຢູ່ດ້ານນອກຂອງຫໍທຳມະສະພາໄດ້ແຕ້ມແຕ່ງຮູບພາບຕ່າງໆ ພາໃຫ້ວັດຍິ່ງມີຄວາມຄຶກຂືມທົບເທົ່າ.
ຈາກທາງນອກມອງເຂົ້າໄປຈະເຫັນ ບໍລິເວນວັດກວ້າງຂວາງ ພໍສົມຄວນ, ໄດ້ຮັບການຈັດສັນຢ່າງກົມກືນເຂົ້າກັບ ພະພຸດທະຮູບກວານເອີມໃຫຍ່ກວ່າຄົນປະດິດສະຖານເທິງຖ້ານ ໃບບົວປິ່ນໜ້າໄປຫາ ແຣກຈົ່ວ. ພະພຸດທະຮູບເຮັດດ້ວຍຊີມັງທາສີຟ້າ, ໃນຊົງໃບໜ້າຄົນໃຈບຸນ, ສົມສັດສ່ວນ.
ປະຕູວັດເປີດອອກຕາມຮູບເຄິ່ງວົງມົນນຳພາໄປເຖິງຫໍທຳມະສະພາ. ທາງໃນຫໍ ມີເສົາຊີມັງເປັນສອງແຖວ, ແຖວລະສາມ ເສົາ, ສ້າງໃຫ້ມີຍ່ານອາກາດກວ້າງຂວາງປອດໂປ່ງດີ. ຢູ່ຖັນ ລັດຕະນະໄຕໄດ້ປະດິດສະຖານພະພຸດທະຮູບຫຼາຍອົງ. ຈຸດ ເອກະລັກທີ່ຖັນລັດຕະນະໄຕແມ່ນໃຊ້ເຄື່ອງດິນເຜົາເຄືອບ ໂອບລາຍດອກດ້ວຍຊີມັງເພື່ອສ້າງແທ່ນບູຊາ.
ນອກຈາກນັ້ນ, ວັດພະສາດສະດາເຝິດໂຕ໊ຍັງຮັກສາໄວ້ໄດ້ ຮູບຄວັດດ້ວຍໄມ້ ແລະ ວັດຖຸພັນຫຼາຍຢ່າງຄື: ປ້າຍໜັງສື ດ້ວຍໄມ້, ໂຖ, ລະຄັງທອງ, ປ້າຍຄຳຄູ່, ພະລາຊະອົງການ…
ແທ່ນບູຊາພະເຖລາ ຖິກຈ໊ິເຕີມ ຖືກຕັ້ງເທິງຖ້ານຊີມັງສູງ 1,47 ແມັດ, ກວ້າງ 1,52 ແມັດ. ທັງສອງເບື້ອງຂອງຮູບຄວັດ ພະເຖລາມີປ້າຍຄຳຄູ່ທີ່ມີມີຄວາມຫມາຍວ່າ: “ອັກສອນດຽວອ່ານຕາມສາຍຂວາງ ກໍສາມາດຮັກສາໄດ້ຄວາມສະຫງົບທົ່ວທຸກແຫ່ງຫົນ/ຊ່ວຍເຮັດໃຫ້ມະນຸດຊາດຢູ່ເຢັນເປັນສຸກໃນການຈຳສິນໄປໂດຍຕະຫຼອດ”.
ດ້ານລຸ່ມຂອງແທ່ນບູຊາພະເຖລາ ຖິກຈ໊ິເຕີມ ມີສີລາແຜ່ນໜຶ່ງໄດ້ຖືກສ້າງໄວ້ເວລາປະຕິສັງຂອນວັດໃນປີ 1937, ໃນຫີນສີ ລາໄດ້ສະຫຼັກຕົ້ນສະບັບພະລາຊະອົງການຂອງເຈົ້າຊີວິດ ຖ້ຽວຈີ້ ສົ່ງໃຫ້ວັດດ້ວຍຕົວອັກສອນຫານ. ປັດຈຸບັນ, ເທິງແທ່ນບູຊາຍັງມີປ້າຍຄຳຄູ່ເກົ່າແກ່ດ້ວຍກາບຕົ້ນໝາກພ້າວຍາວ 4 ແມັດ, ຟອກ ຄຳປິວ, ພ້ອມສຳນວນຄຳເວົ້າສຸດທີ່ເລິກເຊິ່ງ.
ປະຈຸບັນນີ້, ວັດພະສາດສະດາແມ່ນໜຶ່ງໃນຈຳນວນສູນວັດທະນະທຳດ້ານການເຊື່ອຖືຂອງພະພິກຂຸ, ພະພິກຂຸນີ ແລະ ສາສະນິກະຊົນຂອງ ແຂວງກ່າເມົາ.
ແທ່ນບູຊາ ໄດ້ປະດັບປະດາດ້ວຍແຜ່ນໄມ້ທີ່ມີການຄວັດສະ ຫຼັກລວດລາຍຢ່າງມີຊີວິດຊີວາ ແລະ ປານີດ.
ຫີນສີລາສະຫຼັກພະລາຊະອົງການສະບັບຕົ້ນຂອງເຈົ້າຊີວິດ ຖ້ຽວຈີ້ ປະທານໃຫ້ວັດພະສາດສະດາ.
ພະພຸດທະຮູບນັ່ງວິປັດສະນາໃຕ້ຮູບປັ້ນມັງກອນ 9 ຫົວໃນບໍລິ ເວນວັດ.
ພະພຸດທະຮູບເກົ່າແກ່ດ້ວຍຊີມັງຢູ່ວັດພະສາດສະດາ.
ພະພຸດທະຮູບປະດິດສະຖານໃນບໍລິເວນວັດພະສາດສະດາ.
ພາບປັ້ນຢູ່ຝາອ້ອມຂ້າງວັດ ພັນລະນາເຖິງຕຳນານ ຕ່າງໆ ກ່ຽວພັນເຖິງພະພຸດທະເຈົ້າ.
|
ບົດ: ເວີນກຸຍ - ພາບ: ຫງວຽນລວນ
bichlien