ທ່ານ ບູ່ຍແທງເຊີນ, ຮອງລັດຖະມົນຕີຜູ້ປະຈຳ
ການກະຊວງການຕ່າງປະເທດ ຫວຽດນາມ
(ພາບ: TTXVN)
ຕອນບ່າຍວັນທີ 8/12, ຢູ່ ຮ່າໂນ້ຍສືບຕໍ່ດຳເນີນກອງປະຊຸມສຳມະນາກ່ຽວກັບບັນດາບຸລິມາສິດຂອງປີ APEC 2017. ກ່າວຄວາມເຫັນສະຫຼຸບກອງປະຊຸມສຳມະນາ, ທ່ານ ບູ່ຍແທງເຊີນ, ຮອງລັດຖະມົນຕີຜູ້ປະຈຳການກະຊວງການຕ່າງປະເທດ ຫວຽດນາມ, ປະທານບັນດາເຈົ້າໜ້າທີ່ຂັ້ນສູງ (SOM) APEC 2017 ໄດ້ຕີລາຄາສູງຄວາມເຫັນແບ່ງປັນຂອງຂອງບັນດາສະມາຊິກ, ເຊິ່ງໄດ້ຊ່ວຍເຈາະຈີ້ມທິດທາງເພື່ອໃຫ້ການຮ່ວມມື APEC ບັນລຸປະສິດທິຜົນ ແລະ ແທດຈິງກວ່າໃນໄລຍະຈະມາເຖິງ, ພິເສດແມ່ນໃນ 4 ບັນຫາກ່ຽວກັບການຊຸກຍູ້ການຮ່ວມສຳພັນ, ການເຊື່ອມຕໍ່ໃນພາກພື້ນ, ການເຕີບໂຕຢ່າງໝັ້ນຄົງ, ມີຫົວຄິດປະດິດສ້າງ ແລະ ທົ່ວໄປ, ສ້າງເງື່ອນໄຂສະດວກໃຫ້ບັນດາວິສາຫະກິດຂະໜາດນ້ອຍທີ່ສຸດ, ນ້ອຍ, ແລະ ກາງ, ຊຸກຍູ້ການຮ່ວມມືໃນບັນດາບັນຫາພັດທະນາ ເຮັດໃຫ້ເວທີປາໄສກາຍເປັນກົນໄກນຳໜ້າລະດັບທົ່ວໂລກກ່ຽວກັບການຮັບມືກັບບັນດາການທ້າທາຍອັນຮີບດ່ວນ. ປະທານ SOM APEC 2017 ໄດ້ຂອບອົກຂອບໃຈການສະໜັບສະໜູນຂອງບັນດາສະມາຊິກ ກໍ່ຄືບັນດາອົງການຈັດຕັ້ງສາກົນ ແລະ ພາກພື້ນສຳລັບວິວັດການເຊື່ອມໂຍງເຂົ້າກັບສາກົນ ແລະ ເຂົ້າຮ່ວມ APEC ຂອງ ຫວຽດນາມ ໃນເກືອບ 2 ທົດສະວັດຜ່ານມາ.
ການກະຊວງການຕ່າງປະເທດ ຫວຽດນາມ
(ພາບ: TTXVN)
(ແຫຼ່ງຄັດຈາກ VOV)
