ໃນຂອບເຂດຂອງງານມະໂຫລານ ເຫວ້ 2016, ງານບຸນສະແດງສິລະປະຕາມຖະໜົນດ້ວຍຂົວຂໍ້ “ມໍລະດົກ ແລະ ສິສັນວັດທະນະທຳ” ໄດ້ຈັດຂຶ້ນ ຕາມບັນດາຖະໜົນສາຍຕ່າງໆ ຂອງນະຄອນ ເຫວ້ ພາຍໃຕ້ການເຂົ້າ ຮ່ວມຂອງຫຼາຍຄະນະສິລະປະ ພາຍໃນ ແລະ ຕ່າງປະເທດຄື: ຄະນະຟ້ອມກິເລນ-ສິ່ງໂຕ-ມັງກອນ ຖາຍຫງີເດື່ອງ ເຫວ້, ຄະນະ ກາຍຍະສິນ ຫວຽດນາມ, ວົງດິນຕີພື້ນເມືອງ Chango ມາຈາກ ໂກລົມເບຍ, ຄະນະຟ້ອນໃນວັງມາຈາກ ສ.ເກົາຫຼີ, ຄະນະ Yosakoi ມາຈາກ ຍີ່ປຸ່ນ ແລະ ອື່ນໆ.
ງານມະໂຫລານ ເຫວ້ ປີນີ້ ມີຈຳນວນຄະນະນັກ ສິລະປິນ ສາກົນ ມາເຂົ້າຮ່ວມໜ້ອຍກວ່າ ຖ້າທຽບກັບບັນດາງານມະໂຫລານທີ່ໄດ້ຈັດຂຶ້ນໃນຄັ້ງກ່ອນ. ການບໍ່ ເຂົ້າຮ່ວມຂອງບັນດາຄະນະນັກສິລະປິນທີ່ມີຊື່ສຽງຄື: ຄະນະຂີ່ໄມ້ໂຢກເຢກ ແບບຊິກ, ຄະນະຄົນທ້ອງຖິ່ນ ອົສຕາລີ…ເຮັດໃຫ້ບັນຍາກາດຂອງງານບຸນບໍ່ມີຄວາມຟົດຟື້ນບານໃດ. ແຕ່, ການເຂົ້າຮ່ວມຂອງບັນດາຄະນະນັກສິລະປິນໃໝ່ຄື: ຄະນະຟ້ອນໃນວັງ ສ.ເກົາຫຼີ, ຄະນະນັກສິລະປິນພື້ນເມືອງ ມົງກົນ, ຄະນະນັກສິລະປິນ ກວາງຕຸງ (ຈີນ)…ໄດ້ນຳສິ່ງທີ່ແປກໃໝ່ມາໃຫ້ແກ່ ງານບຸນສະແດງສິລະປະຕາມຖະໜົນປີນີ້.
ຢູ່ເທິງຖະໜົນຫຼາຍສາຍຕ່າງໆ, ບັນດານັກສິລະປິນສ້າງບັນຍາກາດທີ່ຟົດຟື້ນຂຶ້ນດ້ວຍລາຍການສະແດງສິລະປະມູນເຊື້ອຂອງປະເທດຕົນເອງ. ເຈືອຈານເຂົ້າກັບທຳນອງສຽງດົນຕີ ແລະ ຈັງຫວະຟ້ອນທີ່ຟົດຟື້ນຂອງ ບັນດາຄະນະນັກສິລະປິນ, ນັກທ່ອງທ່ຽວ ແລະ ຊາວນະຄອນ ເຫວ້ ນັບເປັນຈຳນວນຫຼາຍໝື່ນຄົນ ໄດ້ລົງສູ່ທ້ອງຖະໜົນເພື່ອພົບປະກັບບັນດານັກສິລະປິນ, ສ້າງເປັນສັນຍະລັກໃຫ້ງານມະໂຫລານ ເຫວ້ 2016.
ນັກທ່ອງທ່ຽວ ແລະ ຊາວນະຄອນ ເຫວ້ ມາເຂົ້າຮ່ວມໃນບັນຍາກາດຂອງການສະແດງ
ສິລະປະຕາມທະໜົນຢູ່ຂົງເຂດ 4 ແຍກຂົວ ຈ່າງຕ່ຽນ. ພາບ: ເຈີ່ນແທງຢາງ/VNP
ບັນດານັກສິລະປິນ ຍີ່ປຸ່ນ ກຳລັງສະແດງສິລະປະຕາມ
ຖະໜົນສາຍຕ່າງໆ ຢູ່ນະຄອນ ເຫວ້. ພາບ: ເຕິດເຊີນ/VNP
ຄະນະນັກສິລະປິນ ມົງກົນ ກຳລັງສະແດງສິລະປະຕາມ
ຖະໜົນສາຍຕ່າງໆ ຢູ່ນະຄອນ ເຫວ້. ພາບ: ເຕິດເຊີນ/VNP
ແມ່ເຖົ້າຄົນໜຶ່ງກຳລັງພົບປະສ້າງສັນກັບວົງດົນຕີໜຶ່ງ
ພາບ: ເຕິດເຊີນ/VNP
ບັນດານັກຟ້ອນຂອງຄະນະນັກສິລະປິນ ກວາງຕຸງ ເທື່ອທຳອິດໄດ້ມາເຂົ້າຮ່ວມໃນງານບຸນສະແດງສິລະປະ
ຕາມຖະໜົນຢູ່ງານມະໂຫລານ ເຫວ້. ພາບ: ເຕິດເຊີນ/VNP
ນັກຮ້ອງ 3 ຄົນມາຈາກ ໂກລົມເບຍ ກຳລັງຮ້ອງບັນດາ
ບົດເພງຂອງ ອາເມລິກາ ລາຕິນ. ພາບ: ເຕິດເຊີນ/VNP
ບັນດານັກສິລະປິນ ຫວຽດນາມ ສວຍງາມໃນຊຸດເສື້ອ ຕືເທິງ (ເສື້ອມີ 4 ປ່ຽງ)
ແລະ ກຸບ ກວາຍທາວ ມູນເຊື້ອ. ພາບ: ເຕິດເຊີນ/VNP
ທິມຕີກອງຍິງມາຈາກ ສ.ເກົາຫຼີ. ພາບ: ເຕິດເຊີນ/VNP
ບັນດານັກເຕັ້ນລຳ Belly Dance ທີ່ສວຍງາມ. ພາບ: ເຕິດເຊີນ/VNP
ງານບຸນສະແດງສິລະປະຕາມຖະໜົນ ເບິ່ງມາແຕ່ມູມສູງ. ພາບ: ເຕິດເຊີນ/VNP
ບັນດາລາຍການສະແດງທີ່ປະທັບໃຈຂອງ
ນັກກາຍຍະສິນ ຫວຽດນາມ. ພາບ: ເຈີ່ນແທງຢາງ/VNP
ຄວາມງາມຂອງບັນດານັກສິລະປິນ ສ.ເກົາຫຼີ. ພາບ: ເຈີ່ນແທງຢາງ/VNP
ລາຍການຕີກອງທີ່ຟົດຟື້ນຂອງຄະນະຟ້ອນ ກິເລນ-ສິ່ງໂຕ-ມັງກອນ ຖາຍຫງີເດື່ອງ. ພາບ: ເຈີ່ນແທງຢາງ/VNP
ບ່າວສາວຄູ່ໜຶ່ງໄດ້ຮັບຄຳອວຍພອນຈາກບັນດານັກ
ສິລະປິນ ຍີ່ປຸ່ນ ຢູ່ທ້ອງຖະໜົນ. ພາບ: ເຕິດເຊີນ/VNP
ນັກທ່ອງທ່ຽວ ແລະ ຊາວເມືອງ ເຫວ້ ລົງສູ່ທ້ອງຖະໜົນ ເພື່ອຕ້ອນຮັບງານບຸນ. ພາບ:ເຕິດເຊີນ/VNP
ປະຕິບັດໂດຍ: ເຕິດເຊີນ ແລະ ເຈີ່ນແທງຢາງ