ທ່ານເລຂາທິການໃຫຍ່ ຫງວຽນຟູ້ຈ້ອງ ຕ້ອນຮັບ
ທ່ານປະທານາທິບໍດີ ອິດສະຣາແອນ Reuven Ruvi Rivlin
(ພາບ: TTXVN)
ໃນຕອນບ່າຍວັນທີ 20/03, ຢູ່ຮ່າໂນ້ຍ, ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ້ຈ້ອງ ໄດ້ໃຫ້ການຕ້ອນຮັບທ່ານປະທານາທິບໍດີ ອິດສະຣາແອນ Reuven Ruvi Rivlin . ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ້ຈ້ອງ ສະເໜີວ່າ ໃນໄລຍະທີ່ຈະມາເຖິງ, 2 ປະເທດຕ້ອງຊຸກຍູ້ການພົວພັນຮ່ວມມື 2 ຝ່າຍ, ເອົາໃຈໃສ່ພັດທະນາການພົວພັນເສດຖະກິດ, ສົ່ງເສີມການຮ່ວມມືລົງທຶນລະຫວ່າງ 2 ປະເທດ, ເພີ່ມທະວີການແລກປ່ຽນຄະນະຜູ້ແທນຂັ້ນຕ່າງໆ. ສ່ວນ ທ່ານປະທານາທິບໍດີ ອິດສະຣາແອນ Reuven Ruvi Rivlin ກໍໄດ້ຕີລາຄາສູງບັນດາຜົນງານແຫ່ງການປ່ຽນແປງໃໝ່, ກໍຄືອິດທິພົນຊື່ສຽງ ແລະ ບົດບາດຂອງຫວຽດນາມໃນພາກພື້ນ ແລະ ສາກົນ. ທ່ານປະທານາທິບໍດີ ອິດສະຣາແອນ Reuven Ruvi Rivlin ຢືນຢັນ ມີຄວາມຫວັງ ແລະ ຕັດສິນໃຈຊຸກຍູ້ການພົວພັນມິດຕະພາບ ແລະ ການຮ່ວມມືລະຫວ່າງ 2 ປະເທດ, ພິເສດແມ່ນໃນຂົງເຂດວິທະຍາສາດ ເຕັກໂນໂລຢີ, ກະສີກຳ, ການຄ້າ, ການປ້ອງກັນຊາດ ແລະ ປ້ອງກັນຄວາມສະຫງົບ...
ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ
ໄດ້ພົບປະທ່ານປະທານາທິບໍດີ ອິດສຣາແອນ Reuven Ruvi Rivlin
(ພາບ: TTXVN)
ແລ້ະກໍ່ໃນຕອນບ່າຍວັນທີ 20/03, ຢູ່ຮ່າໂນ້ຍ ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ພົບປະກັບທ່ານປະທານາທິບໍດີ ອິດສຣາແອນ Reuven Ruvi Rivlin. ທ່ານນາຍົກລັດຖະມົນຕີ ຫງວຽນຊວນຟຸກ ຢືນຢັນວ່າ ຫວຽດນາມ ຍາມໃດກໍ່ຖືເປັນສຳຄັນການພົວພັນຮ່ວມມືກັບ ອິດສຣາແອນ. 2 ຝ່າຍຄວນຍູ້ແຮງການຮ່ວມມືໃນຂົງເຂດວິທະຍາສາດ ແລະ ເຕັກໂນໂລຢີ, ນຳວິທະຍາສາດ ແລະ ເຕັກໂນໂລຢີກາຍເປັນການຮ່ວມມືປາຍແຫຼມລະຫວ່າງ 2 ປະເທດ, ໃນນັ້ນມີກະສິກຳເຕັກໂນໂລຢີສູງ.
ສ່ວນທ່ານປະທານາທິບໍດີ ອິດສຣາແອນ Reuven Ruvi Rivlin ຢືນຢັນວ່າ ຍາມໃດກໍ່ຖືເປັນສຳຄັນການພົວພັນກັບບັນດາປະເທດ ອາຊີ, ໃນນັ້ນມີ ຫວຽດນາມ; ຖື ຫວຽດນາມ ແມ່ນປະເທດສຳຄັນໃນກຸ່ມ ອາຊຽນ.
(ແຫຼ່ງຄັດຈາກ VOV)
