ໃນຖານະເປັນສິດມວຍຂອງທັງຄ້າຍມວຍ ວິງຊວນ ຫວຽດນາມ ແລະ Vovinam- ຫວຽດຫວໍດ້າວ, ອາຈານ ຟານເຢືອງບິ່ງ ໄດ້ຮວບຮວມເອົາສິ່ງຍອດຍິ່ງຂອງທັງສິລະປະມວຍສາກົນ ແລະ ມວຍພື້ນເມືອງ ຫວຽດນາມ. ເພາະສະນັ້ນ, ອາຈານຟານເຢືອງບິ່ງ ບໍ່ພຽງແຕ່ເປັນຜູ້ຕາງໜ້າ ຂອງຄ້າຍມວຍ Vovinam- ຫວຽດຫວໍດ້າວ ຂອງພາກເໜືອເທົ່ານັ້ນ, ຫາກເພິ່ນຍັງເປັນຜູ້ທີ່ມີຄຸນງາມຄວາມດີໃນການນຳເອົາຈິດໃຈມວຍຫວຽດ ເຜີຍແຜ່ໂຄສະນາ ອອກສູ່ໂລກພາຍນອກອີກດ້ວຍ.
ສຳລັບວົງການມວຍ ຫວຽດ, ເມື່ອເວົ້າເຖິງເພິ່ນແມ່ນເວົ້າເຖິງສິດມວຍຜູ້ເກັ່ງກ້າຂອງຄ້າຍມວຍ ວິງຊວນ ແລະ Vovinam- ຫວຽດຫວໍດ້າວ. ໃນເວລາຊອກຮູ້ກ່ຽວກັບເພິ່ນ, ພວກຂ້າພະເຈົ້າໄດ້ຮູ້ຊື່ແຝງຂອງເພິ່ນແມ່ນ “ບິ່ງບູ້ນ”, ຊື່ແຝງຕິດພັນກັບທ່າມວຍ ໜຶ່ງທີ່ມີໜ້ອຍຄົນທີ່ສຸດທີ່ສາມາດຝຶກໄດ້, ນັ້ນແມ່ນ “ຊຸກກົດກົງ” (ໃນຊົ່ວພິບຕາສາມາດເຮັດໃຫ້ກະດູກຫົດເຂົ້າຢືດອອກ, ຮ່າງກາຍອ່ອນເອຍ, ສາມາດເຮັດໃຫ້ຮ່າງກາຍຫົດເຂົ້າ ນອນໃນກະຕ່າເຂົ້າປຸ່ນໄດ້).
ເມື່ອໄດ້ພົບປະໂອ້ລົມກັບເພິ່ນ, ພວກຂ້າພະເຈົ້າຮູ້ສຶກວ່າ ອາຍຸສັງຂານບໍ່ໄດ້ກະທົບກະເທືອນຕໍ່ຈິດໃຈ ແລະ ຄວາມສະຫຼາດສະຫຼຽວຂອງຄູມວຍຄົນໜຶ່ງດີເດັ່ນຄືເພິ່ນ.
ເມື່ອໄດ້ພົບປະໂອ້ລົມກັບເພິ່ນ, ພວກຂ້າພະເຈົ້າຮູ້ສຶກວ່າ ອາຍຸສັງຂານບໍ່ໄດ້ກະທົບກະເທືອນຕໍ່ຈິດໃຈ ແລະ ຄວາມສະຫຼາດສະຫຼຽວຂອງຄູມວຍຄົນໜຶ່ງດີເດັ່ນຄືເພິ່ນ.
ໃນຮ່າງກາຍຂອງຄູມວຍ ຟານເຢືອງບິ່ງ ຍາມໃດກໍ່ຄົງໄວ້ສອງວາດຊົງ “ແຂງກັບອ່ອນ” ຂອງສອງຄ້າຍມວຍ ວິງຊວນ ແລະ Vovinam- ຫວຽດຫວໍດ້າວ ຢ່າງຕະຫຼອດການ. ສະນັ້ນ, ເລື່ອງທີ່ພວກຂ້າພະ ເຈົ້າໂອ້ລົມກັບເພິ່ນ ຕິດພັນກັບການພັດທະນາຂອງສອງຄ້າຍ ມວຍດັ່ງກ່າວ ຢູ່ ຫວຽດນາມ.
 ອາຈານມວຍຟານເຢືອງບິ່ງ.  ອານຈານ ຟານເຢືອງບິ່ງ (ເສື້ອດໍາ)ແລະ ອາຈານ ຫງວຽນລົກ (ຂວາມື) ພ້ອມກັບບັນດານັກມວຍລຸ້ນທຳອິດຂອງຄ້າຍມວຍ Vovinam.  ອາຈານຟານເຢືອງບິ່ງ ຖ່າຍຮູບຮ່ວມກັນກັບ ບັນດາສິດມວຍຂອງຕົນຢູ່ເຢຍລະມັນ .  ອາຈານ ຟານເຢືອງບິ່ງ ຮັບໃບຮັບຮອງອາຈານໃຫຍ່ ຂອງສະຫະພັນໂລກ ມວຍພື້ນເມືອງ ຫວຽດນາມ.  ອາຈານຟານເຢືອງບິ່ງ ເຂົ້າຮ່ວມກອງປະຊຸມໃຫຍ່ສ້າງຕັ້ງ ສະຫະພັນໂລກ ມວຍພື້ນເມືອງ ຫວຽດນາມ.  ໃບຢັ້ງຢືນ ອາຈານຟານເຢືອງບິ່ງ ເຂົ້າຮ່ວມການສ້າງຕັ້ງ ແລະ ພັດທະນາສະມາຄົມມວຍ ຮ່າໂນ້ຍ.  ໃບຮັບຮອງອາຈານໃຫຍ່ ຂອງສະຫະພັນໂລກ ມວຍພື້ນເມືອງ ຫວຽດນາມ ສຳລັບ ອາຈານ ຟານເຢືອງບິ່ງ. |
ຫວຽດນາມ.
ເລີ່ມຈາກຄວາມໄຝ່ຝັນທີ່ສຸດແສນ “ ທໍາມະດາ ”ຂອງເພິ່ນແຕ່ຄາວຍັງເຍົາໄວ ນັ້ນກໍ່ຄື ຢາກກາຍຕົວເປັນຕົວສະແດງໃນເລື່ອງການຕໍ່ສູ້ຂອງນັກມວຍ.ເພາະສະນັ້ນ, ເມື່ອອາຈານມວຍ ເຕ໋ກົງ ຮັບເອົາເປັນລູກສິດ, ເພິ່ນກໍ່ເລີຍໄດ້ຮຽນເອົາບັນດາສິ່ງຍອດຍິ່ງທີ່ສຸດ ຂອງວິຊາມວຍ ວິງຊວນກວ່ຽນ. ຈາກນັ້ນ, ເພິ່ນກາຍເປັນ ລູກສິດຜູ້ເກັ່ງກ້າຂອງອາຈານມວຍ ເຕ໋ກົງ ແລະ ຄ້າຍມວຍ ວິງຊວນ ຫວຽດນາມ. ຊື່ສຽງຂອງເພິ່ນໃນສະໄໝນັ້ນ ໂດ່ງດັງ
ອອກໄປທົ່ວທັງພາຍໃນ ແລະ ຕ່າງປະເທດ. ເພາະສະນັ້ນ,ຈຶ່ງໄດ້ມີນັກຮຽນຫຼາຍຄົນຊອກມາຮຽນນຳເພິ່ນ. ປະຈຸບັນ, ລູກສິດຂອງອາຈານຟານເຢືອງບິ່ງ ບໍ່ພຽງແຕ່ຢູ່ພາຍໃນເທົ່ານັ້ນ, ຫາກຍັງມີຢູ່ຫຼາຍປະເທດໃນໂລກອີກດ້ວຍ.
ບໍ່ຢຸດຢູ່ແຕ່ເທ່ົານັ້ນ, ຈິດໃຈ ແລະ ຄວາມມັກຮັກເມົາມົວກັບວິຊາມວຍໃນຕົວຂອງອາຈານ ຟານເຢືອງບິ່ງ ໄດ້ພາເພິ່ນໄປຊອກຮູ້ ແລະ ຄົ້ນຄວ້າບັນດາຈຸດດີເດັ່ນທີ່ສຸດຂອງບັນດາຄ້າຍມວຍຕ່າງໆ, ໃນນັ້ນ ມີຄ້າຍມວຍ Vovinam (ວິຊາມວຍໂດຍອາຈານ ຫງວຽນລົກ ເປັນຜູ້ສ້າງຕັ້ງເມື່ອປີ 1938 ແລະ ປະຈຸບັນ ມີໜ້າຢູ່ 60 ປະເທດໃນໂລກ).
Vovinam ເປັນວິຊາມວຍໜຶ່ງທີ່ໄດ້ສ້າງຕັ້ງຂຶ້ນມາຈາກວິຊາມວຍປ້ຳພື້ນເມືອງຂອງ ຫວຽດນາມ. ດ້ວຍມູນຫຼັກ “ແຂງກັບອ່ອນ”, Vovinam ຖືເປັນວິຊາມວຍໜຶ່ງສະແດງໃຫ້ເຫັນແຈ້ງເຖິງ ຈິດໃຈ, ວາດຊົງຂອງຊາວ ຫວຽດນາມ. ຍ້ອນແນວນີ້, ເພິ່ນຈຶ່ງມາຂໍເປັນລູກສິດຂອງອາຈານຫງວຽນລົກ.
ສຳລັບອາຈານຫງວຽນລົກ, ຫຼັງຈາກໄດ້ເຫັນກັບຕາຄວາມສາມາດໃນວິຊາມວຍຂອງ ຟານເຢືອງບິ່ງ, ເພິ່ນກໍ່ເຊິນ ຟານເຢືອງບິ່ງ ພັກໃນເຮືອນ ແລະ ຮັບຜິດຊອບຊ່ວຍສອນມວຍໃຫ້ແກ່ບັນດານັກມວຍ. ເວລາຝຶກຢູ່ໃນໂຮງມວຍ, ເພິ່ນ ເຂົ້າໃຈໄດ້ນຳ້ໃຈ, ຄຸນສົມບັດຂອງອາຈານ ຫງວຽນລົກ ແລະ ຈຸດດີຂອງວິຊາມວຍ Vovinam, ເປັນຕົ້ນແມ່ນເຂົ້າໃຈໄດ້ຄຸນຄ່າອັນສູງສົ່ງຂອງມວຍໂດຍຜ່ານການເປີດອົກເປີດໃຈຂອງອາຈານ ຫງວຽນລົກ “ເປັນນັກມວຍຕ້ອງນັບຖືກຽດຂອງນັກມວຍ ຫວຽດນາມ, ເຂົ້າໃຈໜ້າທີ່ ແລະ ຍອມເສຍສະຫຼະຊີວິດເພື່ອ ອຸດົມຄະຕິຂອງນັກມວຍ”.
ຕັ້ງແຕ່ນັ້ນມາ, ອາຈານຟານເຢືອງບິ່ງ ສັນຍາຈະອຸທິດຊີວິດຂອງຕົນເພື່ອຮັກສາ ແລະ ພັດທະນາວິຊາມວຍທີ່ເຕັມໄປດ້ວຍລັກສະນະ ແລະ ຈິດໃຈຂອງຊາວ ຫວຽດນາມ. ອາຈານ ຟານເຢືອງບິ່ງ ຖືໄດ້ວ່າເປັນຜູ້ຕາງໜ້າຂອງຄ້າຍມວຍ Vovinam-ຫວຽດຫວໍດ້າວ ພາກເໜືອ, ເປັນຜູ້ສືບທອດແລະ ປະຕິບັດຕາມຄຳສັ່ງສອນຂອງອາຈານ ຫງວຽນລົກ ນັ້ນກໍ່ຄືເຜີຍແຜ່ວິຊາມວຍ Vovinam ລົງສູ່ພາກໃຕ້ຫວຽດນາມ.
ປະຈຸບັນ, Vovinam ບໍ່ພຽງແຕ່ພັດທະນາຢູ່ພາກໃຕ້ເທ່ົານັ້ນ, ຫາກຍັງແຜ່ອອກໄປເຖິງຫຼາຍປະເທດໃນໂລກອີກດ້ວຍ. ປີ 1995, ເພິ່ນພ້ອມດ້ວຍບັນດາອາຈານໃນສະພາຊົ່ວຄາວອາຈານມວຍ Vovinam-ຫວຽດຫວໍດ້າວ ຫາຍຫງວ້າຍ, ອອກຖະແຫຼງການສ້າງຕັ້ງສະພານັກມວຍ, ປະຈຸບັນແມ່ນສະຫະສະຫະພັນ Vovinam ໂລກ. Vovinam ເປັນວິຊາມວຍໜຶ່ງຂອງຊາວ ຫວຽດນາມ ມີໜ້າຢູ່ 60 ກວ່າປະເທດໃນໂລກ. ຜົນງານດັ່ງກ່າວ
ມີການປະກອບສ່ວນຢ່າງບໍ່ໜ້ອຍຂອງອາຈານ ຟານເຢືອງບິ່ງ.
 ອາຈານ ຟານເຢືອງບິ່ງ ສອນທ່າມວຍໃໝ່ໃຫ້ບັນດານັກມວຍ.  ສິດມວຍກົ້ມຫົວອຳລາຄູມວຍພາຍຫຼັງຊົ່ວໂມງຮຽນ.  ອາຈານ ແລະ ບັນດາລູກສິດຂອງຕົນ. |
ເຖິງວ່າ ອາຍຸ 86 ປີແລ້ວ, ແຕ່ມື້ໃດອາຈານ ຟານເຢືອງບິ່ງ ກໍ່ສະຫງວນເວລາ 30 ນາທີເພື່ອຝຶກຈີ້ກົງ (ຝຶກຫາຍໃຈ ແລະ ຮ່າງກາຍ) ແລະ ສອນມວຍໃຫ້ບັນດານັກຮຽນຢູ່ເຮືອນຂອງຕົນ. ສິ່ງດັ່ງກ່າວ ຊ່ວຍເຮັດໃຫ້ອາຈານ ຟານເຢືອງບິ່ງ ຮັກສາໄດ້ ຄວາມສະຫຼາດຫຼັກແຫຼມ ແລະ ຄວາມຍອດແຍ້ຂອງຄູມວຍເກັ່ງກ້າຄົນໜຶ່ງ.
ບົດ: ວີຖາວ - ພາບ: ເຈີ່ນແທງຢາງ
