ຕອນເຊົ້າວັນທີ 14 ສິງຫາ, ທີ່ສຳນັກງານສະພາແຫ່ງຊາດ ຫວຽດນາມ ໄດ້ດຳເນີນພິທີຕ້ອນຮັບຄະນະຜູ້ແທນຂັ້ນສູງສະພານິຕິບັນຍັດແຫ່ງຊາດແຫ່ງລາຊະອານາຈັກ ໄທ ໂດຍທ່ານປະທານສະພານິຕິບັນຍັດແຫ່ງຊາດ ໄທ ພອນເພັດ ວິຈິດຈົນໃຈ
ທ່ານນາງ ຫງວຽນທິກີມເງິນ ຕ້ອນຮັບ ທ່ານພອນເພັດ ວິຈິດຈົນໃຈ
ນຳ ໜ້າໄດ້ມາຢ້ຽມຢາມ ຫວຽດນາມ ຢ່າງເປັນທາງການແຕ່ວັນທີ 13 – 16 ສິງຫາ. ພາຍຫລັງພິທີຕ້ອນຮັບ ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກີມເງິນ ເປັນປະທານການເຈລະຈາກັບທ່ານປະທານສະພານິຕິບັນຍັດແຫ່ງຊາດ ໄທ ພອນເພັດ ວິຈິດຈົນໃຈ. 2 ຝ່າຍຕີລາຄາສູງບັນດາບາດກ້າວພັດທະນາອັນດີງາມໃນການພົວພັນມິດຕະພາບ ແລະ ການຮ່ວມມືລະຫວ່າງ 2 ປະເທດ ກໍ່ຄືລະຫວ່າງ 2 ອົງການນິຕິບັນຍັດໃນໄລຍະຜ່ານມາ. ພ້ອມທັງ ຢືນຢັນວ່າ ຈະຕັ້ງໜ້າສົມທົບກັນຢ່າງແໜ້ນແຟ້ນກ່ວາອີກ ເພື່ອແນໃສ່ປະຕິບັດໂຄງການດຳເນີນງານໃນການຜັນຂະຫຍາຍຄູ່ຮ່ວມມືຍຸດທະສາດໄລຍະ 2014 – 2018 ຢ່າງມີປະສິດທິຜົນ. ໃນຂົງເຂດຮ່ວມມືຢູ່ບັນດາເວທີສາກົນປຶກສາຫາລືຫລາຍຝ່າຍ ແລະ ພາກພື້ນ, 2 ຝ່າຍຢືນຢັນວ່າ ຈະເພີ່ມທະວີຄວາມສາມັກຄີ ເພື່ອຄວາມເປັນເອກະພາບ ແລະ ກຳລັງແຮງລວມຂອງສະຫະສະມາຄົມ; ເສີມຂະຫຍາຍບົດບາດໃຈກາງຂອງ ອາຊຽນ; ຢຶດໝັ້ນບັນດາຫຼັກການລວມ, ຮັບປະກັນຄວາມສາມັກຄີ, ເປັນເອກະພາບ ແລະ ເພີ່ມທະວີການສົມທົບກັນບົນພື້ນຖານຫຼັກໝັ້ນ ແລະ ທັດສະນະຂອງ ອາຊຽນ ສຳລັບບັນດາບັນຫາພາກພື້ນ ແລະ ສາກົນ; ຜັນຂະຫຍາຍປະຊາຄົມເສດຖະກິດ ອາຊຽນ ຢ່າງມີປະສິດທິຜົນ, ມຸ່ງໄປເຖິງການກໍ່ສ້າງປະຊາຄົມໝັ້ນຄົງ - ການເມືອງໃນໄລຍະຈະມາເຖິງ.
ແລະ ກໍ່ໃນຕອນບ່າຍວັນດຽວກັນ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ຕ້ອນຮັບທ່ານ ພອນເພັດ ວິຈິດຈົນໃຈ, ປະທານສະພານິຕິບັນຍັດແຫ່ງຊາດ ໄທ. ທີ່ການຕ້ອນຮັບ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຕີລາຄາສູງບັນດາບາດກ້າວພັດທະນາອັນດີງາມໃນການພົວພັນມິດຕະພາບ ແລະ ການຮ່ວມມືລະຫວ່າງ 2 ປະເທດກໍ່ຄືລະຫວ່າງ 2 ອົງການນິຕິບັນຍັດ 2 ປະເທດ ໃນໄລຍະຜ່ານມາ. ທ່ານນາຍົກລັດຖະມົນຕີ ຫງວຽນຊວນຟຸກ ສະເໜີໃຫ້ທ່ານປະທານສະພານິຕິບັນຍັດແຫ່ງຊາດ ພອນເພັດ ວິຈິດຈົນໃຈ ເອົາໃຈໃສ່ຊຸກຍູ້ອົງການກ່ຽວຂ້ອງຂອງ ໄທເປີດປະຕູຕະຫຼາດໃຫ້ສິນຄ້າ ຫວຽດນາມ, ສ້າງເງື່ອນໄຂໃຫ້ຄົນງານ ຫວຽດນາມ ຢູ່ ໄທ, ສົ່ງເສີມບັນດານັກທຸລະກິດໄທ ຍູ້ແຮງການລົງທຶນເຂົ້າ ຫວຽດນາມ.
ແລະ ກໍ່ໃນຕອນບ່າຍວັນດຽວກັນ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ຕ້ອນຮັບທ່ານ ພອນເພັດ ວິຈິດຈົນໃຈ, ປະທານສະພານິຕິບັນຍັດແຫ່ງຊາດ ໄທ. ທີ່ການຕ້ອນຮັບ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຕີລາຄາສູງບັນດາບາດກ້າວພັດທະນາອັນດີງາມໃນການພົວພັນມິດຕະພາບ ແລະ ການຮ່ວມມືລະຫວ່າງ 2 ປະເທດກໍ່ຄືລະຫວ່າງ 2 ອົງການນິຕິບັນຍັດ 2 ປະເທດ ໃນໄລຍະຜ່ານມາ. ທ່ານນາຍົກລັດຖະມົນຕີ ຫງວຽນຊວນຟຸກ ສະເໜີໃຫ້ທ່ານປະທານສະພານິຕິບັນຍັດແຫ່ງຊາດ ພອນເພັດ ວິຈິດຈົນໃຈ ເອົາໃຈໃສ່ຊຸກຍູ້ອົງການກ່ຽວຂ້ອງຂອງ ໄທເປີດປະຕູຕະຫຼາດໃຫ້ສິນຄ້າ ຫວຽດນາມ, ສ້າງເງື່ອນໄຂໃຫ້ຄົນງານ ຫວຽດນາມ ຢູ່ ໄທ, ສົ່ງເສີມບັນດານັກທຸລະກິດໄທ ຍູ້ແຮງການລົງທຶນເຂົ້າ ຫວຽດນາມ.
(ແຫຼ່ງຄັດຈາກ VOV)