ພໍ່ແມ່ປະຊາຊົນຊາວ ຫວຽດນາມ ຢູ່ ວຽງຈັນ ເວົ້າຮ່ວມງານບຸນໂດຍ ວັດ ເຟີດຕິກ ຈັດຕັ້ງ
ວັນທີ 15/1, ຄະນະປະຕິບັດງານຂອງ ຫວຽດນາມ ປະຈຳ ສປຊ ໄດ້ຈັດຕັ້ງບຸນປີໃໝ່ປະຈຳຊາດ ປີ ຣະກາ. ນີ້ແມ່ນໂອກາດເພື່ອໃຫ້ຊາວ ຫວຽດນາມ ທຸກໆຄົນທີ່ພວມດຳລົງຊີວິດຮ່ຳຮຽນ ແລະ ເຮັດວຽກຢູ່ລັດ ນິວຢອກ ແລະ ບັນດາເຂດອ້ອມຂ້າງ ເຕົ້າໂຮມກັນ, ພ້ອມກັນວາງແຜນການໃຫ້ປີໃໝ່ ປີຣະກາ. ເຂົ້າຮ່ວມການພົບປະສັງສັນຍັງມີບັນດາເຈົ້າໜ້າທີ່ຂັ້ນສູງຂອງ ສປຊ, ເອກອັກຄະລັດຖະທູດຂອງຄະນະປະຕິບັດງານຂອງບັນດາປະເທດ ອາຊຽນ ປະຈຳ ສປຊ, ເພື່ອນມິດ, ຜູ້ຮ່ວມງານກໍ່ຄືຫຼາຍອົງການຕາງໜ້າອື່ນໆຂອງ ຫວຽດນາມ ປະຈຳ ນິວຢອກ, ປະເທດ ອາເມລິກາ.ແລະກໍ່ໃນວັນທີ 15/1, ຢູ່ນະຄອນຫຼວງ ໂຕກຽວ ປະເທດຍີ່ປຸ່ນ, ສະມາຄົມຊາວໜຸ່ມ, ນັກສຶກສາ ຫວຽດນາມ ປະຈຳຍີ່ປຸ່ນ ໄດ້ຈັດຕັ້ງກອງປະຊຸມໃຫຍ່ ແລະ ບຸນເຕັດໃຫ້ແກ່ປະຊາຄົມຊາວ ຫວຽດນາມ ທີ່ດຳລົງຊີວິດ, ຮ່ຳຮຽນ ແລະ ເຮັດວຽກຢູ່ ຍີ່ປຸ່ນ. ເຂົ້າຮ່ວມກອງປະຊຸມ ແລະ ບຸນເຕັດປີນີ້ມີຜູ້ຕາງໜ້າສະຖານທູດ ຫວຽດນາມ ປະຈຳ ຍີ່ປຸ່ນ, ບັນດາອົງການອຸປະຖຳ, ພ້ອມກັບຊາວໜຸ່ມ, ນັກສຶກສາທີ່ເຮັດວຽກ, ຮ່ຳຮຽນ ຢູ່ ຍີ່ປຸ່ນ ເປັນຈຳນວນຫຼວງຫຼາຍ, ພິເສດຍັງມີບັນດາເພື່ອນມິດຍີ່ປຸ່ນ ຜູ້ທີ່ຮັກແພງສະໜິດຕິດພັນກັບ ຫວຽດນາມ ເຂົ້າຮ່ວມ.
ໃນຂະນະນັ້ນ, ວັນທີ 15/1, ພຸດທະສາສະນິກກະຊົນນັບຮ້ອຍໆຄົນໄດ້ເຕົ້າໂຮມຢູ່ວັດ ເຟີດຕິກ ທີ່ນະຄອນຫຼວງ ວຽງຈັນ, ປະເທດລາວເພື່ອພ້ອມກັນເຂົ້າຮ່ວມງານລ້ຽງສົ່ງທ້າຍປີເກົ່າ ຕ້ອນຮັບປີໃໝ່ໂດຍວັດເປັນຜູ້ຈັດຕັ້ງ. ປີນີ້, ວັດໄດ້ຈັດຕັ້ງບັນດາການເຄື່ອນໄຫວປຸກລະດົມບໍລິຈາກເງິນເພື່ອຊ່ວຍໃຫ້ພໍ່ແມ່ປະຊາຊົນຜູ້ທີ່ທຸກຍາກ ໄດ້ຕ້ອນຮັບປີໃໝ່ ແລະ ໄດ້ແຈກຢາຍຂອງຂວັນ 100 ພູດໃຫ້ພໍ່ແມ່ປະຊາຊົນ. ສ່ວນຢູ່ນະຄອນຫຼວງ ພະນົມເປັນ, ປະເທດກຳປູເຈຍ, ຕອນຄ່ຳວັນທີ 15/1, ປະຊາຄົມຊາວ ກຳປູເຈຍ ເຊື້ອຊາດ ຫວຽດນາມ ກໍ່ໄດ້ຈັດຕັ້ງງານພົບປະສັງສັນ ແລະ ງານລ້ຽງຕ້ອນຮັບປີໃໝ່ປີຣະກາ 2017.
(ແຫຼ່ງຄັດຈາກ VOV)
