20 ກວ່າປີຜ່ານມາ, ອົງການຮ່ວມມືສາກົນຍີ່ປຸ່ນ JICA ໄດ້ແຕ່ງຕັ້ງ ນັກອາສາສະໝັກຊາວຍີ່ປຸ່ນຫລາຍກວ່າ 500 ຄົນ ຊຶ່ງເປັນຜູ້ປາດຖະໜາຢາກມາເສີມຂະຫຍາຍປະສົບການ ແລະ ເຕັກນິກຂອງຕົນ ປະກອບສ່ວນ ໃຫ້ແກ່ການພັດທະນາ ປະເທດ ຫວຽດນາມ. ໃນຈໍາ ນວນນັ້ນພົ້ນເດັ່ນກວ່າໝູ່ແມ່ນນາງ Niizeki Mihoko ແລະ ທ່ານ Nakamura Nasaya ເປັນຊາວ ຍີ່ປຸ່ນທີ່ພວມຕັ້ງໜ້າເອົາໃຈໃສ່ ປະກອບສ່ວນເວລາ, ເຫື່ອແຮງຂອງຕົນເຂົ້າໃນການໂຄສະນາ ເຜີຍແຜ່ ວັດທະນະທຳ, ທ່ອງທ່ຽວ ແລະ ເບິ່ງແຍງດູແລສຸຂະພາບ ຊຸມຊົນຢູ່ຫວຽດນາມໃນຊຸມປີມໍ່ໆມານີ້.
ຕາມການແນະນຳຂອງອົງການ JICA, ພວກຂ້າພະເຈົ້າມາພົບກັບ ທ່ານນາງ Niizeki Mihoko, ນັກອາສາສະໝັກຍີ່ປຸ່ນເຮັດວຽກຢູ່ ທີ່ຫໍພິພິດທະພັນແມ່ຍິງຫວຽດນາມ. ພວກຂ້າພະເຈົ້າຕົກຕະລຶງ ພໍ ສົມຄວນເມື່ອເຫັນວ່າ ຜູ້ຍິງສາວຊາວຍີ່ປຸ່ນຜູ້ໜຶ່ງ ສາມາດແນະນຳ ກ່ຽວກັບບັນດາວັດຖຸພັນທີ່ມີລັກສະນະເປັນເອກະລັກຂອງຫວຽດ ນາມ ໃຫ້ແກ່ນັກທ່ອງທ່ຽວຢ່າງເຖິງກົກເຖິງປາຍຄືແນວນັ້ນ.
ນາງ Niizeki Mihoko ໃຫ້ຮູ້ວ່າ, ແຕ່ຄາວຍັງເດັກ ຕົນເອງເປັນຜູ້ໜຶ່ງທີ່ມັກກ່ຽວກັບວຽກງານເປັນນັກອາສາສະໝັກ ແລະ ປາດຖະໜາ ຢາກແບ່ງປັນບົດຮຽນກໍຄືວິຊາຄວາມຮູ້ຂອງຕົນໃຫ້ແກ່ຜູ້ອື່ນ. ເມື່ອ ເຫັນ ເທິງໜ້າເວັບໄຊຂອງ JICA ລົງຂ່າວກ່ຽວກັບລາຍການ ແຕ່ງ ຕັ້ງ ນັກອາສາສະໝັກຮ່ວມມື ນອກ ປະເທດຍີ່ປຸ່ນ, ນາງໄດ້ຍື່ນສໍາ ນວນເອກະສານ ແລະ ໄດ້ຖືກຮັບເອົາ. ນາງ Niizeki Mihoko ໄດ້ເຂົ້າຮ່ວມຊຸດຝຶກອົບຮົມ ພາສາຫວຽດນາມ ແລະ ເຕັກນິກ ຄວາມອາດສາມາດໃນການເຮັດວຽກ ເປັນເວລາ 70 ວັນຢູ່ທີ່ຍີ່ປຸ່ນ ກ່ອນທີ່ຈະມາເຮັດວຽກຢູ່ຫວຽດນາມເມື່ອປີ 2014.
 ນາງ Niizeki Mihoko ເປັນນັກອາສາສະໝັກຂອງ JICA ເຮັດວຽກຢູ່ທີ່ຫໍພິພິດທະພັນແມ່ຍິງຫວຽດນາມ.  ວຽກງານຂອງ ນາງ Niizeki Mihoko ແມ່ນຊ່ວຍເຫຼືອ ທາງຫໍພິພິດທະພັນແມ່ຍິງຫວຽດນາມ ກ່ຽວກັບວຽກສັບຊ້ອນ, ແປເອກະສານຈາກພາສາຫວຽດນາມເປັນພາສາຍີ່ປຸ່ນ.  ນອກຈາກວຽກງານຕົ້ນຕໍແມ່ນຊ່ວຍໜູນດ້ານການແປພາສາ, ສ້າງ ເວັບໄຊດ້ວຍພາສາຍີ່ປຸ່ນແລ້ວ, ເມື່ອມີເວລາຫວ່າງນາງກໍຍັງ ເຮັດວຽກເປັນຜູ້ນຳທ່ຽວທີ່ຫໍພິພິດທະພັນແມ່ຍິງອີກດ້ວຍ.  ທ່ານ Nakamura Masaya, ນັກອາສາສະໝັກ JICA ພ້ອມກັບເພື່ອນຮ່ວມງານຫວຽດນາມເບິ່ງແຍງດູແລເດັກນ້ອຍ ໃນຊົ່ວໂມງຮຽນ ຢູ່ກາງແຈ້ງ ທີ່ສູນຟື້ນຟູໜ້າທີ່ການ ເດັກພິການຖຸ້ຍອານ.  ທ່ານ Nakamura Masaya ບົວລະບັດເບິ່ງແຍງດູແລ ເດັກພິການທີ່ຫວຽດນາມ.  ວຽກງານຕົ້ນຕໍຂອງທ່ານ Nakamura Masaya ແມ່ນຊ່ວຍເຫຼືອ ທາງສູນໃນການບົວລະບັດ ເບິ່ງແຍງ ລ້ຽງດູ ແລະ ຟື້ນຟູໜ້າທີ່ການໃຫ້ແກ່ ເດັກພິການ.  ຊົ່ວໂມງ ຟື້ນຟູໜ້າທີ່ການໃຫ້ແກ່ເດັກພິການທີ່ສູນຟື້ນຟູໜ້າທີ່ການເດັກພິການຖຸ້ຍອານ.  ຕາມທ່ານ Nakamura Masaya ແລ້ວ, ບັນດາປະສົບການ ໃນຊ່ວງເວລາເຮັດວຽກທີ່ຍີ່ປຸ່ນ ໄດ້ຊ່ວຍໃຫ້ລາວ ໃນການເຮັດວຽກ ທີ່ສູນຖຸ້ຍອານຢ່າງຫຼວງຫຼາຍ.  ນອກຈາກການບົວລະບັດເບິ່ງແຍງດູແລໂດຍກົງເດັກພິການແລ້ວ, ທ່ານ Nakamura Masaya ກໍຍັງນຳເອົາຄວາມຮູ້, ບົດຮຽນ ຕ່າງໆ ທີ່ຕົນເອງໄດ້ຮຳ່ຮຽນກ່ຽວກັບຂົງເຂດນີ້ ມາເຜີຍແຜ່ແບ່ງປັນ ໃຫ້ແກ່ເພື່ອນຮ່ວມງານຊາວຫວຽດນາມອີກດ້ວຍ.  ທ່ານ Nakamura Masaya ແລະ ບັນດາພະນັກງານສູນ ຖຸ້ຍອານເອົາໃຈໃສ່ດູແລເດັກໃນແຕ່ລະຄາບເຂົ້າ.  ນັກອາສາສະໝັກຍີ່ປຸ່ນຊ່ວຍເບິ່ງແຍງລ້ຽງດູເດັກທີ່ສູນຖຸ້ຍອານ. |
ໜ້າວຽກຕົ້ນຕໍ ຂອງ Niizeki Mihoko ຢູ່ຫວຽດນາມແມ່ນເປັນຜູ້ແນະນຳໃຫ້ແຂກຄົນທີ່ມາຢ້ຽມຢາມຫໍພິພິດທະພັນແມ່ຍິງ ແລະ ແປຂໍ້ມູນຂ່າວສານກ່ຽວກັບວັດຖຸພັນ, ປຶ້ມ ໜັງສືພິມຕ່າງໆ… ຈາກພາສາຫວຽດນາມເປັນພາສາຍີ່ປຸ່ນ. ປະຈຸບັນ Mihoko ແລະ ເພື່ອນຮ່ວມງານກຳລັງສ້າງເວັບໄຊຫໍພິພິດທະພັນແມ່ຍິງຫວຽດນາມດ້ວຍພາສາຍີ່ປຸ່ນ ເພື່ອນຳເອົາຂໍ້ມູນຂ່າວສານກ່ຽວກັບຫວຽດນາມໄປສູ່ຍີ່ປຸ່ນໃຫ້ຫຼາຍຂຶ້ນຕື່ມອີກ. ນາງ ໄດ້ແບ່ງປັນ ຄວາມຮູ້ສຶກກັບພວກຂ້າພະເຈົ້າດ້ວຍຄວາມມ່ວນຊື່ນວ່າ: “ເມື່ອຂ້າພະເຈົ້າພົບກັບບັນດານັກທ່ອງທ່ຽວຊາວຍີ່ປຸ່ນ ເມື່ອໃດເຂົາເຈົ້າມັກຈະລົມກັບຂ້າພະເຈົ້າ ວ່າ ຫວຽດນາມເປັນປະເທດທີ່ມີຄວາມປະທັບໃຈຫຼາຍ ແລະ ຢາກຊອກຮູ້ຂໍ້ມູນຂ່າວສານ ກ່ຽວກັບຫວຽດນາມຫຼາຍໆຕື່ມອີກ. ສິ່ງດັ່ງກ່າວເຮັດໃຫ້ຂ້າພະເຈົ້າມີຄວາມຮູ້ສຶກວ່າ ວຽກທີ່ຕົນພວມເຮັດຢູ່ໃນປະຈຸບັນແມ່ນມີຄຸນປະໂຫຍດຫຼາຍພໍສົມຄວນໃນການປະກອບສວນຊ່ວຍໂຄສະນາເຜີຍແຜ່ວັດທະນະທຳຫວຽດນາມໄປຍັງປະເທດຍີ່ປຸ່ນ”.
ພວກຂ້າພະເຈົ້າໄດ້ໄປສູນຟື້ນຟູໜ້າທີ່ການ ເດັກພິການຖຸ້ຍອານ, ເມືອງບາວີ່, ຮ່າໂນ້ຍ ເພື່ອພົບກັບທ່ານ Nakamura Nasaya, ຜູ້ທີ່ ພວມເຮັດວຽກເປັນນັກອາສາສະໝັກພິເສດ. ວຽກງານປະຈຳວັນຂອງທ່ານແມ່ນຊ່ວຍບັນດານາຍຄູຂອງສູນໃນການເບິ່ງແຍງ, ລ້ຽງດູ, ດັດແປງຮູບຊົງ, ຟື້ນຟູໜ້າທີ່ການ, ສຶກສາ ແລະ ຊ່ວຍແນະນໍາທິດໃນການຮຽນວິຊາຊີບໃຫ້ແກ່ເດັກພິການຢູ່ບັນດາແຂວງ, ນະຄອນທາງພາກເໜືອຫວຽດນາມ. ຕາມທີ່ຮູ້, ກ່ອນທີ່ຈະມາຫວຽດນາມ, Nakamura Nasaya ເຄີຍເປັນຄູສອນຮັບຜິດຊອບນັກຮຽນພິການ ດ້ານຈິດປັນຍາ, ສະກົດຈິດຕົນເອງ ແລະ ສັບສົນດ້ານການປະພຶດຂອງໂຮງຮຽນສຶກສາພິເສດ Yawata ຢູ່ໂຕກຽວ.
ເພາະສະນັ້ນ, ດ້ວຍບົດຮຽນ ປະສົບການຂອງຕົນ, ທ່ານໄດ້ນຳໃຊ້ວິທີວິເຄາະການກະທຳໝູນໃຊ້, ບັນດາຮູບພາບ, ທັງສິດສອນໃຫ້ແກ່ພວກນ້ອງໆທີ່ປະສົບກັບຄວາມຫຍຸ້ງຍາກດ້ານພາສາ ສາມາດເຂົາໃຈໄດ້ຢ່າງງ່າຍດາຍ.
ທ່ານ Nakamura Nasaya ໄດ້ໄຂຄວາມໃນໃຈອອກມາວ່າ: “ຂ້າພະເຈົ້າຫວັງວ່າ ດ້ວຍກຳລັງວັງຊາອັນນ້ອຍໜິດຂອງຕົນ ຈະສາມາດຊ່ວຍສ້າງຄຸນປະໂຫຍດໃຫ້ແກ່ພວກນ້ອງນ້ອຍ ແລະ ຊ່ວຍໃຫ້ບັນດາຄູອາຈານຫວຽດນາມຍົກສູງລະດັບຄວາມສາມາດ ຂອງຕົນ ເພື່ອສາມາດແນະນຳໃຫ້ແກ່ນັກຮຽນຢ່າງມີປະສິດທິຜົນ.
|
|
ບົດ: ເງີນຮ່າ - ພາບ: ຫວຽດເກື່ອງ
