ທ່ານນາຍົກລັດຖະມົນຕີເຂົ້າຮ່ວມກອງປະຊຸມບັນດານັກລົງທຶນແຂວງ ເງ້ອານ
ຕອນເຊົ້າວັນທີ 19/2, ທ່ານນາຍົກລັດຖະມົນຕີ ຫງວຽນຊວນຟຸກ, ທ່ານຮອງນາຍົກລັດຖະມົນຕີ ເວືອງດິ່ງເຫ້ ພ້ອມກັບການນຳຂັ້ນສູງຫຼາຍທ່ານໄດ້ເຂົ້າຮ່ວມກອງປະຊຸມພົບປະສັງສັນບັນດານັກລົງທຶນ ຍາມລະດູບານໃໝ່ປີລະກາ 2017, ໂດຍຄະນະກຳມະການປະຊາຊົນແຂວງ ເງ້ອານ ແລະ ທະນາຄານ BIDV ຈັດຕັ້ງ. ນີ້ແມ່ນການເຄື່ອນໄຫວປະຈຳປີ ເພື່ອແນໃສ່ຍູ້ແຮງການສົ່ງເສີມ, ດຶງດູດເງິນລົງທຶນຂອງແຂວງ ເງ້ອານ. ຜ່ານ 8 ປີ ແຫ່ງການຈັດຕັ້ງງານພົບປະສັງສັນບັນດານັກລົງທຶນນັບແຕ່ປີ 2009 ມາຮອດປະຈຸບັນ, ເງ້ອານສາມາດດຶງດູດໂຄງການລົງທຶນໄດ້ກວ່າ 800 ໂຄງການ, ດ້ວຍຍອດຈຳນວນທຶນຈົດທະບຽນແມ່ນກວ່າ 261.000 ຕື້ດົ່ງ. ມີຫຼາຍກິດຈະກຳໂຄງລ່າງທີ່ສຳຄັນຄື: ສະໜາມບິນ, ທ່າທະເລ, ທາງຄົມມະນາຄົມ, ໄຟຟ້າ, ນຳ້ປະປາ, ໂທລະຄົມມະນາຄົມ… ໄດ້ຮັບການລົງທຶນ ຍົກລະດັບ, ເພື່ອໜູນຊ່ວຍບັນດານັກລົງທຶນປະຕິບັດບັນດາໂຄງການໃນບໍລິເວນແຂວງຢ່າງມີປະສິດທິຜົນທີ່ສຸດ.
ທີ່ການພົບປະ, ທ່ານ ຫງວຽນຊວນເດື່ອງ, ຮອງເລຂາຄະນະພັກແຂວງ, ປະທານຄະນະກຳມະການປະຊາຊົນແຂວງ ເງ້ອານ ໄດ້ແນະນຳຄວາມສາມາດບົ່ມຊ້ອນ ແລະ ທ່າສະດວກຈຳນວນໜຶ່ງຂອງ ເງ້ອານ ໃນການດຶງດູດເງິນລົງທຶນ. ປີ 2017, ແຂວງ ເງ້ອານສູ້ຊົນດຶງດູດໂຄງການລົງທຶນໃຫ້ໄດ້ 100 ກວ່າໂຄງການ, ດ້ວຍຍອດຈຳນວນທຶນຈົດທະບຽນແມ່ນປະມານ 30.000-35.000 ຕື້ດົ່ງ, ໃນນັ້ນໃຫ້ບຸລິມາສິດແກ່ການດຶງດູດເງິນລົງທຶນພັດທະນາເຂົ້າບັນດາໂຄງການອຸດສາຫະກຳ ເຕັກໂນໂລຢີສູງ, ອຸດສາຫກຳສຳຮອງ.
(ແຫຼ່ງຄັດຈາກ VOV)
