(ທ່ານນາຍົກລັດຖະມົນຕີ ຫງວຽນຊວນຟຸກ ເປັນປະທານ
ກອງປະຊຸມສົ່ງເສີມການລົງທຶນແຂວງ ກວ໋າງນາມປີ 2017)
ຕອນເຊົ້າວັນທີ 26/3 ຢູ່ ນະຄອນ ຕາມກີ ແຂວງ ກວ໋າງນາມ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເປັນປະທານກອງປະຊຸມສົ່ງເສີມການລົງທຶນແຂວງ ກວ໋າງນາມປີ 2017. ເຂົ້າຮ່ວມກອງປະຊຸມມີການນຳບາງກະຊວງ, ຂະແຫນງການ ແລະ ວິສາຫະກິດເປັນຈຳນວນຫລວງຫລາຍ. ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ຖືວ່າ ແຂວງ ກວ໋າງນາມ ມີທ່າໄດ້ປຽບຫລາຍຢ່າງ, ມີຄຸນຄ່າພິເສດສະເພາະ ແລະ ມີບັນດາປັດໄຈຍຸດທະສາດຊື່ງນັກລົງທຶນຄວນສົນໃຈ.ກອງປະຊຸມສົ່ງເສີມການລົງທຶນແຂວງ ກວ໋າງນາມປີ 2017)
“ກ່ອນນີ້ສອງສາມສັດຕະວັດ, ກວ໋າງນາມ ກາຍເປັນຈຸດນັດພົບຂອງກຳປັ່ນຄ້າຂາຍສິນຄ້າ, ຄູ່ຄ້າໃຫຍ່ ແລະ ກ່ອນນີ້ 300 ປີ, ໂຮ້ຍອານ, ກວ໋າງນາມ ໄດ້ສ້າງຕັ້ງຕົວເມືອງການຄ້າທ່າກຳປັ່ນທີ່ພົ້ນເດັ່ນຢູ່ ອາຊີ. ປະຈຸບັນ ພວກເຮົາຄວນຟື້ນຟູແນວຄິດເພື່ອກໍ່ສ້າງເຂດນີ້ໃຫ້ກາຍເປັນເຂດພັດທະນາຢ່າງແຮງທີ່ສຸດ.”
ເມື່ອຕີລາຄາກ່ຽວກັບບັນດາຜົນສຳເລັດກ່ຽວກັບເສດຖະກິດສັງຄົມຂອງແຂວງ ກວ໋າງນາມປະຈຸບັນ, ທ່ານນາຍົກລັດຖະມົນຕີ ຖືວ່າ: ຜົນສຳເລັດນັ້ນແມ່ນຍ້ອນ ກວ໋າງນາມມີສະພາບແວດລ້ອມແຫ່ງການດຳເນີນທຸລະກິດ, ລະບອບລະບຽບການ ໄດ້ຮັບການປັບປຸງຢ່າງເຫັນໄດ້ຊັດ, ດູດດື່ມນັກລົງທຶນ. ເພື່ອດຶງດູດການລົງທຶນຫລາຍກວ່າໃນໄລຍະຈະມາເຖິງ, ທ່ານນາຍົກລັດຖະມົນຕີ ຫງວຽນຊວນຟຸກ ຖືວ່າ ແຂວງ ກວ໋າງນາມ ຄວນຍົກສູງຄຸນນະພາບພື້ນຖານໂຄງລ່າງເພື່ອເຊື່ອມຕໍ່ເສດຖະກິດກັບ ດາຫນັງ, ກວ໋າງຫງາຍ ແລະບັນດາແຂວງ. ພ້ອມກັບການບຳລຸງສ້າງແຫລ່ງຊັບພະຍາກອນມະນຸດ, ແຂວງ ກວ໋າງນາມ ຕ້ອງສູ້ຊົນກາຍເປັນໃຈກາງການທ່ອງທ່ຽວລະດັບສາກົນ.
(ແຫຼ່ງຄັດຈາກ VOV)
