ທ່ານນາຍົກລັດຖະມົນຕີ ຫງວຽນຊວນຟຸກ ຖະຫວາຍທູບທຽນອາໄລຫາປະທານ ໂຮ່ຈີມິນ
ເນື່ອງໃນໂອກາດຕົ້ນລະດູບານໃໝ່ປີລະກາ 2017, ຕອນບ່າຍວັນທີ 18/2, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ມາຖະຫວາຍດອກໄມ້, ທູບທຽນ ອາໄລຫາປະທານ ໂຮ່ຈີມິນ ຢູ່ເຂດປູຊະນີຍະສະຖານແຫ່ງຊາດພິເສດ ກິມລຽນ (ເງ້ອານ), ແລະ ສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ບຸນຄຸນອັນໃຫຍ່ຫຼວງ ແລະ ພາລະກິດທີ່ຍິ່ງໃຫຍ່ຂອງປະທານ ໂຮ່ຈີມິນ - ວິລະຊົນປົດປ່ອຍຊາດ, ນັກວັດທະນະທຳດີເລີດ. ໃນໂອກາດນີ້, ທ່ທ່ານນາຍົກລັດຖະມົນຕີ ຫງວຽນຊວນຟຸກ ພ້ອມດ້ວຍຄະນະປະຕິບັດງານ ກໍ່ມາຢ້ຽມຢາມເຮືອນຂອງທ່ານ ຫງວຽນຊິງຊັກ, ແຫ່ງທີ່ປະທານ ໂຮ່ຈີມິນດຳລົງຊີວິດເມື່ອເວລາຍັງນ້ອຍຢູ່ບ້ານ ແຊນ. ກໍ່ຄືຢ້ຽມຢາມຫໍພິພິດທະພັນ ບ້ານແຊນ. ທ່ານນາຍົກລັດຖະມົນຕີ ຫວັງວ່າຄະນະຄຸ້ມຄອງເຂດປູຊະນີຍະສະຖານ ຈະມີປື້ມຫຼາຍຫົວກວ່າອີກເພື່ອຮັບໃຊ້ຜູ້ອ່ານໃນທຸກເກນອາຍຸ, ແນໃສ່ຍົກສູງຄວາມຮູ້, ວັດທະນະທຳໃຫ້ປະຊາຊົນທຸກຊັ້ນວັນນະໃນເຂດ, ຕອບສະໜອງຄວາມຕ້ອງການອ່ານປື້ມຂອງຊາວບ້ານ ແຊນ, ກິມລຽນ - ເຊິ່ງແມ່ນເຂດທີ່ມີມູນເຊື້ອຮັກຊາດ, ມູນເຊື້ອປະຕິວັດ ແລະ ມັກຮຽນ - ບ້ານເກີດເມືອງນອນຂອງປະທານ ໂຮ່ຈີມິນ ທີ່ແສນເຄົາລົບຮັກ.
(ແຫຼ່ງຄັດຈາກ VOV)
