ທີ່ດ່າລາດ ມີພູມອາກາດທີ່ເຢັນສະບາຍຕະຫຼອດປີ, ເປັນບ່ອນທີ່ ເໝາະສົມໃຫ້ແກ່ການປູກ ແລະ ຂະຫຍາຍການປູກສະຕໍເບີຣີທີ່ສຸດ. ປະຈຸບັນ, ດ່າລາດ ມີເນື້ອທີ່ປູກຫມາກສະຕໍເບີຣີ ປະມານ 350 ເຮັກ ຕາ, ທີ່ສຸມໃສ່ປູກຢູ່ບ້ານ 7, ບ້ານ 9 ແລະ ບ້ານ 10 ຂອງນະຄອນ ດ່າລາດ. ຫມາກສະຕໍເບີຣີມີ 4 ຊະນິດທີ່ນິຍົມປູກກວ່າໝູ່ນັ້ນແມ່ນ: ສະຕໍເບີຣີ ຝຣັ່ງ, ສະຕໍເບີຣີ ອາເມລິກາ, ສະຕໍເບີຣີ ນິວ ຊີແລນ ແລະ ສະຕໍເບີຣີ ຍີ່ປຸ່ນ.
ການປູກສະຕໍເບີຣີຢູ່ດ່າລາດມີສອງວິທີ, ໃນນັ້ນ ວິທີປູກແບບປະເພນີ ແມ່ນປູກຢູ່ໄຕ້ດິນເພື່ອນຳໃຊ້ພູມອາກາດທຳມະຊາດ ແລະ ນຳໃຊ້ວິທີ ການບົວລະບັດຕາມມາດຕະຖານປອດສານພິດກໍ່ຍັງມີຊາວກະສິ ກອນຫຼາຍຄອບຄົວນຳໃຊ້. ວິທີການປູກດັ່ງກ່າວຊ່ວຍເຮັດໃຫ້ຕົ້ນ ສະຕໍເປີຣີເຕີບໃຫຍ່ ແລະ ພັດທະນາຢ່າງແຂງແຮງ, ຕາມທຳມະຊາດ ແລະ ຍັງຮັກສາໄດ້ຄຸນນະພາບຂອງໝາກໄມ້, ແຕ່ແລ້ວນັບຕັ້ງແຕ່ມື້ ປູກເຖິງມື້ເກັບກ່ຽວແມ່ນໃຊ້ເວລາດົນພໍສົມຄວນ.
ປະຈຸບັນ, ດ່າລາດ ມີເນື້ອທີ່ປູກ ສະຕໍເບີຣີ ປະມານ 350 ເຮັກຕາ, ສະຕໍເບີຣີ ລວມມີ 4 ຊະນິດທີ່ນິຍົມປູກຫຼາຍກວ່າໝູ່ແມ່ນ: ສະຕໍເບີຣີ ຝຣັ່ງ, ອາເມລິກາ, ນິວຊີແລນ ແລະ ສະຕໍເບີຣີ ຍີ່ປຸ່ນ.
ວິທີການບົວລະບັດຕາມມາດຕະຖານປອດສານພິດ ຍັງມີຫຼາຍຄອບ ຄົວປະຕິບັດ.
ຕົ້ນ ສະຕໍເບີຣີ ກຳລັງເກີດໝາກໃນສວນແຫ່ງຕ່າງໆຢູ່ ດ່າລາດ.
ສະຕໍເບີຣີ ເປັນໜຶ່ງໃນຈຳນວນຜະລິດຕະພັນກະສິກຳ ຕົ້ນຕໍ່ຂອງຊາວກະສິກອນຢູ່ ດ່າລາດ.
ໝາກ ສະຕໍເບີຣີ ທີ່ໄດ້ເກັບມາ ພາຍຫຼັງການບົວລະບັດມາເປັນ ເວລາປະມານ 4,5 ເຖິງ 5 ເດືອນ.
ນັກທ່ອງທ່ຽວມາເຖິງດ່າລາດທົດຊອບຕົວຈິງ “ການທ່ອງທ່ຽວ
ກະສິກຳ” ໂດດເດັ່ນຂອງທ້ອງຖີ່ນ.
ໝາກ ສະຕໍເບີຣີ ສຸກນັກທ່ອງທ່ຽວໄດ້ເລືອກຊື້ຢູ່ ດ່າລາດ.
ການປູກ ສະຕໍເບີຣີ ຕາມມາດຕະຖານປອດສານພິດ ຊ່ວຍເຮັດໃຫ້ຕົ້ນ ສະຕໍເບີຣີ ເຕີບໃຫຍ່
ແລະ ພັດທະນາຢ່າງແຂງແຮງ, ທຳມະຊາດ ແຕ່ຍັງຄົງຮັກສາໄດ້ຄຸນນະພາບດັ່ງເດີມຂອງໝາກໄມ້. |
ຕາມລຸງ ເຈີ່ນແອງເຊີນ, ເຈົ້າຂອງສວນປູກ ສະຕໍເບີຣີ ແຄ້ງງອັກ (ບ້ານ 7) ໃຫ້ຮູ້ວ່າ ຕ້ອງເສຍເວລາປູກ ແລະ ບົວລະບັດ ສະຕໍເບີຣີ ປະມານ 4-5 ເດືອນຈຶ່ງອອກໝາກ. ໃນໄລຍະບົວລະບັດ, ເຮົາຕ້ອງ ປະຕິບັດ ເຂັ້ມງວດເລື່ອງການໃສ່ຝຸ່ນ, ນຳໃຊ້ຢາກຳຈັດ ແລະ ປ້ອງກັນສັດຕູ ພືດໝາກ ສະຕໍເບີຣີ ຈຶ່ງບັນລຸໄດ້ມາດຕະຖານ, ຮັບປະກັນ ທາດບຳລຸງ ແລະ ສີສັນຂອງໝາກ, ລົດຊາດມີລັກສະນະສະເພາະ, ບໍ່ຄືກັນກັບ ບ່ອນອື່ນ.ສວນປູກ ສະຕໍເບີຣີ ຂອງລຸງ ເຊີນ ມີເນື້ອທີ່ 1 ເຮັກຕາ, ສ່ວນຫຼາຍ
ແມ່ນປູກ ສະຕໍເບີຣີ ອາເມລິກາ, ຝຣັ່ງ ແລະ ຍີ່ປຸ່ນ. ຜ່ານ 5 ເດືອນບົວລະບັດຮັກສາ, ສວນສະຕໍເບີຣີຈະອອກໝາກຕະຫຼອດປີ. ລາຄາຂາຍ ຂຶ້ນໆລົງໆລະຫວ່າງ 80.000–120.000 ດົ່ງ/ກິໂລ, ປີຫນຶ່ງລຸງເຊີນມີລາຍຮັບປະມານ 200 ລ້ານດົ່ງຕໍ່ປີ.
ວິທີປູກ ສະຕໍເບີຣີ ໜຶ່ງອີກທີ່ກຳລັງຈັດຕັ້ງປະຕິບັດແມ່ນນຳໃຊ້ນ້ຳ ຕາມ ເຕັກນິກການປູກພືດກະສິກຳເຕັກໂນໂລຊີສູງເຂົ້າໃນການຜະ ລິດ, ສະຕໍເບີຣີ ຈະປູກໃນຊາມທີ່ຕັ້ງເທິງຮ້ານສູງ ປະມານ 1 ແມັດ ປູກໃນ ເຮືອນຮົ່ມຕາຫນ່າງ ຫຼື ເຮືອນແກ້ວເພື່ອສະດວກໃນການບົດ ລະບັດ ແລະ ຮັກສາ. ວິທີປູກດັ່ງກ່າວຮຽກຮ້ອງຕ້ອງການທຶນ ແລະ ເສຍແຮງງານໃນການບົວລະບັດຫຼາຍ, ແຕ່ແລ້ວຈະເຮັດໃຫ້ໄລຍະບົວລະບັດ ຈະໄດ້ຫນ້ອຍລົງ ແລະ ຄຸນນະພາບຂອງໝາກ ສະຕໍເບີຣີ ກໍ່ດີກວ່າ ເມື່ອທຽບກັບການປູກໃສ່ດິນ, ເພາະສະນັ້ນ ລາຄາຂອງໝາກ ສະຕໍ ເບີຣີ ປະເພດນີ້ ກໍ່ສູງກວ່າ 4-5 ເທື່ອເມື່ອທຽບກັບ ສະຕໍເບີຣີ ທຳມະ ດາ. ນິຄົມ Bio Fresh (ບ້ານ 10), ສວນປູກໝາກ ສະຕໍເບີຣີ ຮຽບລຶກ (ບ້ານ 8), ສວນປູກສະຕໍເບີຣີ ຫງວຽນແທ່ງຈູງ (ບ້ານ 9)... ນຳໃຊ້ວິທີການປູກແບບນ້ຳນີ້ໄດ້ຮັບປະສິດທິຜົນດີພໍສົມຄວນ.
ຫວ່າງມໍ່ໆມານີ້, ມີນັກທ່ອງທ່ຽວຫຼາຍຄົນມາຢ້ຽມຢາມນະຄອນ ດ່າ ລາດ ກໍ່ໄດ້ມາທ່ຽວຫຼິ້ນ ແລະ ຊື້ໝາກ ສະຕໍເບີຣີ ຢູ່ໃນສວນ, ກຳເນີດເກີດຮູບແບບການ “ ທ່ອງທ່ຽວກະສິກຳ” ໂດດເດັ່ນຂຶ້ນໃນທ້ອງຖິ່ນ. ເມື່ອມາທີ່ນີ້, ນັກທ່ອງທ່ຽວຈະໄດ້ທ່ຽວຊົມ, ຖ່າຍຮູບ, ເກັບ ແລະ ຊື້ໝາກ ສະຕໍເບີຣີ ເພື່ອເປັນຂອງຕ້ອນໃຫ້ແກ່ພໍ່ແມ່ພີ່ນ້ອງຂອງຕົນ.
ການຂຸດຄົ້ນຕົວແບບເຮັດກະສິກຳດ້ວຍເຕັກໂນໂລຊີສູງທີ່ນຳມາປະ ສິດທິຜົນດ້ານເສດຖະກິດ ແລະ ພັດທະນາການທ່ອງທ່ຽວຄືດັ່ງປູກ ສະຕໍເບີຣີ ກຳລັງເປັນກຳນົດຫມາຍຂອງແຂວງ ເລີມດົ່ງ ເວົ້າລວມ ແລະ ໂດຍສະເພາະແມ່ນຂອງນະຄອນ ດ່າລາດ ໃນເວລາຈະມາ ເຖິງນີ້.
ໝາກສະຕໍເບີຣີ ດ່າລາດ ມີສີສັນປະຈັກຕາ, ເນື້ອກອບ, ມີລົດສົ້ມ ຫວານ, ແລະ ພິເສດສະຕໍເບີຣີ ແຕ່ລະຊະນິດຈະມີກິ່ນຫອມສະເພາະ, ມີທາດບຳລຸງຫຼາຍກວ່າໝາກໄມ້ຊະນິດອື່ນໆ. ສະຕໍເບີຣີ ດ່າລາດ ໄດ້ຮັບຄວາມນິຍົມຊົມຊອບຈາກນະຄອນໃຫຍ່ຫຼາຍແຫ່ງຄື: ນະຄອນ ໂຮ່ຈີມິນ, ຮ່າໂນ້ຍ, ເກີນເທີ ແລະ ນະຄອນອື່ນໆ.
|
ບົດ: ເຊີນເງ້ຍ - ພາບ: ດັ້ງກິມເຟືອງ